Cantares 6:9 - CHUYA QELLQA La Biblia en Quechua de Ayacucho 2012

⁹ Chaywanpas urpichallayqa sapachallanmi, mamanpa sapachallan wawanmi, wachakuqninpa ancha kuyasqanmi. Sipaskunapas rikuruspaqa alabankum, reypa warminkunapas alabankum, reypa uywanakusqan warmikunapas alabankum.

Quechua Ayacucho Bible 1987

⁹ Doncella urpichallayqa sapachallanmi. Payqa mamanpa llumpa-llumpay kuyayninmi. Payqa wachakuqninpa aswan kuyayninmi. Doncellakuna qawaykuspam alabanku. Reinakunawan reypa compañerankunam alabanku.

Chuya Qellqa 1992

⁹ Chaywanpas urpichallayqa sapachallanmi, mamanpa sapachallan wawanmi, wachakuqninpa ancha kuyasqanmi. Sipaskunapas rikuruspaqa alabankum, reypa warminkunapas alabankum, reypa uywanakusqan warmikunapas alabankum.

Cantares 6:9 Iomraidhean Croise

Génesis 30:13

Chaymi Lea nirqa: Kusikuyniymi kayqa, warmikunapas kusikuyniyuqmi niwanqakum, nispa. Chayraykum Aserwan suticharqa.

1~Reyes 11:3

Salomonpa warminkunaqa qanchis pachak reinakunam karqa, uywanakusqan warminkunañataqmi karqa kimsa pachak. Chay warminkunam Salomonpa sonqonta Tayta Diosmanta karuncharachirqa.

Cantares 2:14

Mana qespiy atina orqokunapi pakakuq urpichalláy, qaqapa raqrankunapi qesachakuq urpichalláy, uyachaykitayá rikuykachiway, rimaychaykitayá uyariykachiway; ¡simichaykiqa miskillañam! ¡Uyachaykipas kuyayllapaqñam!

Cantares 5:2

Puñuptiypas sonqoymi ichaqa rikcharqa, kuyay yanaymi punkumanta qayakamuspan nimuwarqa: “Warma yanachalláy, sumaq urpichalláy punkuykita kichaykamuway, umaymi sullapa nuyusqan kachkan, chukchaykunamantapas sullam suturichkan”, nispa.

Números 23:9

Kay alto orqokunamantam paykunata qawarini, kay moqokunamantam paykunata rikuykuni. Paykunaqa wakin nacionkunamanta sapaqchakuspa yachaq runakunam.

Gálatas 4:26

Aswanqa hanaq pachamanta kaq Jerusalenqa librem, chaymi ñoqanchikpa mamanchik.

Deuteronomio 33:29

Israelpa mirayninkuna, ¡mayna kusisqam kankichik! ¿Pitaq qamkuna hinaqa? Tayta Diospa librasqan runakunam kankichik, paymi waqaychaspa yanapaqnikiqa, paymi vencechisuqniki espadaqa. Enemigoykikunam qayllaykipi wichinqaku, qamkunañataqmi paykunata sarupankichik, nispa.

2~Tesalonicenses 1:10

Chay punchawmi Señor kutimunqa chuya llaqtanpa alabasqan chaynataq iñiqkunapa admirasqan kananpaq. Chaypim qamkunapas kankichik allin noticia willasqaykupi iñisqaykichikrayku.