Cantares 6:2 - CHUYA QELLQA La Biblia en Quechua de Ayacucho 2012

² Warma yanayqa huertanmanmi pasakun, miski asnaq plantakunapa kasqanmanmi pasarun, huertanpi michispa amanqaykunata pallakunanpaqmi pasakun.

Quechua Ayacucho Bible 1987

² Kuyay-yanayqa huertanmanmi rirqa. Miski asnaq plantakunapa kasqanmanmi rirqa. Payqa huertapi michimunanpaqmi rirqa. Amanqay waytakunata pallamunanpaqmi rirqa.

Chuya Qellqa 1992

² Warma yanayqa huertanmanmi pasakun, miski asnaq plantakunapa kasqanmanmi pasarun, huertanpi michispa amanqaykunata pallakunanpaqmi pasakun.

Cantares 6:2 Iomraidhean Croise

Cantares 2:16

Kuyaqniyqa ñoqapam, ñoqapas paypam kani, payqa rosas chawpikunapim ovejanta michin.

Cantares 4:12

Warma yanachalláy, qamqa kanki: Cercosqa huertam, wichqasqa qocham, pakasqa pukyum.

Cantares 4:16

Hanay lawmanta pukumuq wayra ¡hatariy! Uray lawmanta pukumuq wayra, ¡kallpamuy! Miskillaña asnaynikichikta huertaypi pukuriychik. Kuyakusqalláy, huertaykimanyá hamukuy, miskillaña rurunkunatayá mikuykuy.

Cantares 4:5

Ñuñuykikunapas paris luwichukuna kaqllam, amanqay waytakunapa chawpinpi mikuq luwichukuna hinam.

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Cantares 5:13

Uyankunapas miski asnaq sachakunawan miski asnaq waytakunawan huntasqa huerta kaqllam. Siminpas mirrata suturiq wayta rosas hinam.

Cantares 6:11

Nogal sachakunapa kasqanmanmi uraykurqani wayqo patanpi verde sachakunata qawaykuq, uvaskuna ikllisqanta qawaykuq, granadakuna waytasqanta qawaykuq.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 57:1

Allin kawsakuq runakunam wañunku, manam pitapas imapas qokunchu. Kuyapayakuq runakunam chinkanku, ichaqa manam pipas musyanchu sasachakuymanta librasqaña kasqankuta.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 61:11

Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Ezequiel 34:23

Ñoqam ovejaykuna michiqta hatarichisaq, payñam ovejaykunata michinqa. Payqa serviqniy Davidmi, payñam michiqninku kaspa ovejaykunata nanachikunqa.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Mateo 18:20

Maypipas iskayllapas otaq kimsallapas ñoqapa sutiypi huñunakuptinkuqa, paykunapa chawpinpim ñoqapas kachkani, nispan.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Juan 14:3

allicharamuspayñataqmi huktawan kutimusaq qamkuna pusanaypaq, chaynapi maymi kasqaypi qamkunapas kanaykichikpaq;

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.