Cantares 5:6 - CHUYA QELLQA La Biblia en Quechua de Ayacucho 2012

⁶ Kuyay yanayman punkuta kichaykuptiyqa manañam chaypiñachu kasqa, pasakusqañam, rimasqanpa qepantam almaypas pasakurqa. Maskaspaypas manañam tarirqanichu, qayaptiypas manañam contestamuwarqachu.

Quechua Ayacucho Bible 1987

⁶ Yaykumunanpaq punkuta kichaykuptiymi manaña chaypichu kasqa, Paypa rimasqanta uyarisqaywanmi, sonqoy hukmanyarurqa. Payta maskaspaymi manaña tarirqanichu. Payta qayaptiypas manañam contestamuwarqachu.

Chuya Qellqa 1992

⁶ Kuyay yanayman punkuta kichaykuptiyqa manañam chaypiñachu kasqa, pasakusqañam, rimasqanpa qepantam almaypas pasakurqa. Maskaspaypas manañam tarirqanichu, qayaptiypas manañam contestamuwarqachu.

Cantares 5:6 Iomraidhean Croise

Génesis 42:28

Chaymi wawqenkunata nirqa: Qollqeytam kutiykarachimuwasqa, costalniypim tariruni, nispa. Hinaptinmi mancharikuspanku ninakurqaku. ¿Imatataq Diosqa kaywan ruwawachkanchik? nispanku.

2~Samuel 16:10

Ichaqa Davidmi nirqa: Sarviapa wawankuna, ñakawasqanmanqa ama chapukuychikchu. Kikin Tayta Dioschá ñakawananpaq kamachimun. Tayta Dios kamachimuptinqa ¿pitaq upallay ninman? nispa.

Proverbios 1:28

Chay punchawpim qayakamuwankichik, ichaqa manam uyarisqaykichikchu, tutapaymanta maskawaspaykichikpas manam tariwankichikchu.

Cantares 5:2

Puñuptiypas sonqoymi ichaqa rikcharqa, kuyay yanaymi punkumanta qayakamuspan nimuwarqa: “Warma yanachalláy, sumaq urpichalláy punkuykita kichaykamuway, umaymi sullapa nuyusqan kachkan, chukchaykunamantapas sullam suturichkan”, nispa.

Cantares 5:4

Punkupa kaklluntam kuyay yanay makinta haywarimurqa, chaymi sonqoypas ras nirqaraq.

Cantares 6:1

Llapallan warmikunamanta kuyayllapaq, ¿maymantaq warma yanayki pasakun? ¿Maylawmantaq kuyay-yanayki pasarun? Kuskanchikyá maskaramusun.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 57:16

Manam wiñaypaqchu llaqtaywan churanakusaq, nitaqmi wiñaypaqchu paykunapaq piñakusaq, mana chayqa llapa runakunawan lliw unanchasqaykunam qayllaypi hukmanyanmanku.

Isaías 58:2

Paykunaqa sapa punchawsi maskawanku, munasqayman hinas kawsayta munanku, allin ruwaq nación hinaraqsi allin arreglota ruwanaypaq mañawanku, ñoqa Diosninkupa kamachikuyniykuna mana saqeruq hinaraqsi ñoqa Diosman asuykamuwayta munanku.

Isaías 8:17

Jacobpa mirayninkunataña Tayta Dios pakakuptinpas, ñoqaqa payllapim hapipakusaq, payllapim suyasaq.

Lamentaciones 3:8

Yanapaykuwananpaq qayakuptiypas, manam kaqpaqpas hapirqachu.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Oseas 5:6

Huk punchawmi ovejaykichikmanta vacaykichikmanta ofrenda aparisqa ñoqa Tayta Diosta maskawankichik, ichaqa qamkunamanta karunchakurusqayraykum mana tariwankichikchu.

Zacarías 7:13

Chaynaqa, Tukuy Atiyniyuq Tayta Diosmi kaynata nin: Imaynam paykuna qayakuyniyta mana kasukurqakuchu, chaynam ñoqapas mañakuyninkuta mana uyarirqanichu.

Mateo 26:75

Chaymi Pedro yuyarirurqa: “Manaraq utulu waqachkaptinmi kimsa kutikama negawanki” nispa Jesuspa nisqanta. Hinaspam hawaman lloqsiruspa qapariywan waqakurqa.

Marcos 14:72

Chayllamanmi utuluqa iskay kutitakama waqaramurqa hinaptinmi Pedro yuyarirurqa Jesuspa kayna nisqanta. Paymi nirqa: “Manaraqpas iskay kutita utulu waqachkaptinmi kimsa kutikama negawanki”, nispa. Chayta yuyariruspanmi waqakuyta qallaykurqa.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.

1~Samuel 28:6

Chaymi Tayta Diosta Saúl tapuptin mana imallatapas nirqachu, musqoypipas, urimnintapas nitaq profetantakamapas.