Cantares 5:1 - CHUYA QELLQA La Biblia en Quechua de Ayacucho 2012

¹ Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Quechua Ayacucho Bible 1987

¹ Panichalláy, huertaymanqa yaykuruniñam. Kuyay-yanalláy, huertaymanqa yaykuruniñam. Ñoqaqa huñuruniñam mirra sachapa weqentapas. Ñoqaqa huñuruniñam miski asnaq plantakunatapas. Panalpi mieltapas mikuruniñam. Vinotawan lechetapas tomaruniñam. Kuyasqay amigoykuna, mikukuychik, tomakuychik. Kuyasqay amigoykuna, munasqaykichikta tomaykuychik.

Chuya Qellqa 1992

¹ Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Cantares 5:1 Iomraidhean Croise

Génesis 37:25

Hinaspam mikunankupaq tiyaykuspanku Ismael casta negociantekunata Galaad lawmanta hamuchkaqta rikururqaku. Paykunam camellonkupi Egiptoman apachkarqaku miski asnaq perfumekunata, balsamota hinaspa mirrata.

Proverbios 24:13

Churilláy, abejapa miskintaqa allin kasqanraykuyá mikukuy, miskillaña kasqantayá malliykuy.

Proverbios 9:5

“Hamuspa convido ruwachisqayta mikuychik, vino alistasqayta upyaychik.

Eclesiastés 2:5

Chakrakunatawan huertakunatam ruwakurqani, chaypim tukuy rikchaq frutakunata plantarqani.

Cantares 1:13

Ñoqapaqqa kuyakusqayqa ñuñuykunapa chawpinpi mirra wayqacha hinaraqmi.

Cantares 4:16

Hanay lawmanta pukumuq wayra ¡hatariy! Uray lawmanta pukumuq wayra, ¡kallpamuy! Miskillaña asnaynikichikta huertaypi pukuriychik. Kuyakusqalláy, huertaykimanyá hamukuy, miskillaña rurunkunatayá mikuykuy.

Cantares 4:8

Warma yanachalláy, Líbano orqomantayá uraykusunchik, Líbano orqomantayá kuskanchik uraykusun. Amana sutiyuq orqopa puntanmantayá qawariy, Senir orqomantayá, Hermón orqomantayá qawariy; leonkunapa, leopardokunapa uchkunmantayá qawariy.

Cantares 6:11

Nogal sachakunapa kasqanmanmi uraykurqani wayqo patanpi verde sachakunata qawaykuq, uvaskuna ikllisqanta qawaykuq, granadakuna waytasqanta qawaykuq.

Cantares 6:2

Warma yanayqa huertanmanmi pasakun, miski asnaq plantakunapa kasqanmanmi pasarun, huertanpi michispa amanqaykunata pallakunanpaqmi pasakun.

Cantares 8:1

Amalaya ñoqapa turiy kawaq, mamaypa ñuñunwan qespichisqa, callepi tupaspa muchaykuptiy mana pipas burlakuwananpaq.

Cantares 8:13

Huertakunapi munaychakuq kuyakusqalláy, amistadnikikunam simikita uyarinku. ¡Uyariykachiwayá ñoqamanpas!

Isaías 23:18

Ichaqa negociaspa ganakusqankum Tayta Diospaq sapaqchasqa kanqa, huñusqankutapas manañam waqaychanqakuñachu, aswanqa Tayta Diosta serviqkunamanña qoptinkum mikunankupaq achka mikuyta rantinqaku, pachakunankupaqmi fino pachankunata rantinqaku.

Isaías 5:1

Kunanmi kuyaqniypa uvas huertanmanta takita takisaq. Kuyaqniypam uvas huertan karqa, tukuy imapa qespinan waqtapim huertan karqa.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 61:11

Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Isaías 65:13

Chayraykum ñoqa Tayta Dios kaynata nini: Serviqniykunaqa mikusqam kanqaku, qamkunañataqmi yarqaymanta kankichik; serviqniykunam yakuta tomanqaku, qamkunañataqmi yakumanta ñakarinkichik; serviqniykunaqa kusisqam kanqaku, qamkunañataqmi penqaypi tarikurunkichik.

Isaías 66:14

Chayta qawaspam sonqoykichik kusikunqa, llanllariq qora hinam tulluykichikpas musoqyanqa. Tayta Diosmi serviqninkunaman atiyninta reqsichinqa, enemigonkunamanmi ichaqa piñakuyninta rikuchinqa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Lucas 12:4

Kuyasqallaykuna, amayá cuerpo wañuchiqtaqa manchakuychikchu, almataqa manam imanaytapas atinqachu.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Hechos 11:29

Hi-naptinmi Antioquía llaqtapi iñiqkuna rimanakurqaku Judea lawpi iñiqkunaman atisqankuman hina yanapakuyta apachinankupaq.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.

Jueces 14:11

Filisteokunañataqmi Sansonta manchakuspanku, paywan kanankupaq kimsa chunka jovenkunata akllarurqaku.

Jueces 14:20

Chaykamam taytanqa Sansonpa war-minta hukkaqnin amigollanwan casa-rarachirqa.