Cantares 4:9 - CHUYA QELLQA La Biblia en Quechua de Ayacucho 2012

⁹ Kuyakusqalláy, sonqoytam suwaruwanki, huk qawariyllawanmi sonqoyta suwaruwanki, kunkaykipi collarnikiwanmi wataruwanki.

Quechua Ayacucho Bible 1987

⁹ Sonqoytam suwaruwanki, panichalláy, sonqoytam suwaruwanki, kuyay-yanalláy. Huk qawariyllawanmi sonqoyta suwaruwanki. Kunkaykipi huk alhajallawanmi suwaruwanki.

Chuya Qellqa 1992

⁹ Kuyakusqalláy, sonqoytam suwaruwanki, huk qawariyllawanmi sonqoyta suwaruwanki, kunkaykipi collarnikiwanmi wataruwanki.

Cantares 4:9 Iomraidhean Croise

Génesis 20:12

Cheqaptapunipas payqa taytaymanta paniymi, ichaqa manam mamaypa wawanchu, chayraykum paywan casarakurqani.

Génesis 41:42

Hinaspanmi makinmanta sellanan anillota hurqoykuspa Joseyman churaykurqa, fino linomanta pachawan pachaykachispam kunkanmanpas qorimanta collarta churaykurqa.

Proverbios 1:9

Chay nisusqaykikunaqa umaykipaq kuyayllapaq corona hinam kanqa, kunkaykipaqpas kuyayllapaq collar hinam kanqa.

Proverbios 6:25

Amayá kuyayllapaq kaynintaqa munapayaychu, amataq qawasusqaykiwanpas sonqoykita suwarachikuychu.

Cantares 1:10

¡Ima sumaqmi aretekikunapa chawpinpi uyaykipas! ¡Mayna kuyayllapaqmi collarnikikunapa chawpinpi kunkaykipas!

Cantares 1:15

¡Mayna kuyapam kanki kuyakusqalláy! Mayna kuyapam kanki, ñawikikunapas iskay palomakuna hinaraqmi.

Cantares 3:11

Sión llaqtapi sipaskuna, lloqsimuychik, rey Salomontayá qawariychik casarakunan punchawpaq, sinchi kusikunan punchawpaq mamanpa ruwapusqan coronawan churasqata.

Cantares 4:10

¡Mayna sumaqmi kuyakuynikiqa, kuyakusqalláy! Kuyakuynikiqa vinomantapas aswan miskillañam, perfumekipas miski olorkunamanta aswan miskillañam.

Cantares 4:12

Warma yanachalláy, qamqa kanki: Cercosqa huertam, wichqasqa qocham, pakasqa pukyum.

Cantares 6:12

Ichaqa mana musyakustinmi kamachiqniypa carretanpi rikurirurqani.

Cantares 6:5

Ñawichaykita suchuchiy ñoqamanta llumpaytañam presocharuwan, chukchaykikunapas Galaadpa qechqankunata pukllastin uraykamuchkaq cabrakuna hinam.

Cantares 7:10

Ñoqaqa kuyay yanaypam kani, kuyawasqanraykum maskawan.

Isaías 54:5

Unanchaqniki qosaykim kani, Tukuy Atiyniyuq Tayta Diosmi kani, Israelpa libraqnin Chuya Diosmi kani, kay pachapa Diosninwan sutichasqam kani.

Isaías 62:5

Imaynam huk joven huk sipasta casaran chaynam qamtapas Dios casarasunki; imaynam huk esposo esposanwan kusikun chaynam Diosnikipas qanwan kusikunqa.

Ezequiel 16:11

Alhajakunawanmi churaykurqayki, makikikunamanpas brazaletekunatam churaykurqayki, kunkaykimanpas collartam churaykurqayki.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Daniel 5:7

Chaymi qaparispan qayachirqa qawaqkunata, Caldeapi yachayniyuq-kunata hinaspa adivinaqkunata. Payku-natam nirqa: Wak qellqata leey atiqqa chaynataq imam ninanta willaykuwaqniyqa sumaqllaña grosella pachawan pachachisqam kanqa, kunkanmanpas qorimanta collarwanmi wallqachisaq, munaychakuyniypipas payqa kimsa kaq kamachikuqmi kanqa, nispa.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Mateo 12:50

Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

1~Corintios 9:5

¿Sichum iñiq warmiwan casado kaspaqa manachum kuska puriymanku wakin apostolkuna hina? Chaynatam Señorpa wawqenkunapas hinaspa Pedropas ruwar-qaku.

2~Corintios 11:2

Diospa sientisqanman hinam qamkunamanta sientikichik. Chullalla qariwan casarakuq mana qari reqsiq sipasta hinam Cristoman presentanaypaq prometekurqaykichik.

Apocalipsis 21:2

Rikurqanitaqmi Diospa musoq chuya Jerusalén llaqtantapas, chayqa hanaq pacha Diospa qayllanmantam uraykamuchkasqa, chay llaqtaqa novionwan casarakunanpaq sumaqllaña pachasqa novia hinam kachkasqa.