Cantares 4:6 - CHUYA QELLQA La Biblia en Quechua de Ayacucho 2012

⁶ Pacha achikyamuchkaptinmi, manaraq inti qespimuchkaptinmi, mirrapa kasqan monteman risaq, inciensopa kasqan moqoman pasasaq.

Quechua Ayacucho Bible 1987

⁶ Manaraq inti qespimuchkaptinmi mirrapa kasqan orqoman risaq. Manaraq llantuy pasaruchkaptinmi. inciensopa kasqan moqoman risaq.

Chuya Qellqa 1992

⁶ Pacha achikyamuchkaptinmi, manaraq inti qespimuchkaptinmi, mirrapa kasqan monteman risaq, inciensopa kasqan moqoman pasasaq.

Cantares 4:6 Iomraidhean Croise

Éxodo 20:24

Altarniytaqa allpamantam ruwanki, hinaspam animalkunata wañuchispayki chaypi lliwta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Ñoqam hamuspay sitiota akllasaq, sutiyta chaypi yuyarinaykichikpaq, hinaspaymi chaypi bendecisqaykichik.

Éxodo 30:8

Tutaykuqtañataqmi me-cherokuna ratachina horata, ñoqa Tayta Diospa ñawpaqniypim inciensota Aarón kañapuwanqa. Qamkunapas miraynikikunapas mana tipiytam wiñaypaq chaynata ruwankichik.

Éxodo 37:29

Bezaleelqa ruwarqataqmi Diospaq sapaqchaspa tallinapaq aceitetawan miski asnaq inciensotapas, chaykunataqa ruwarqa perfumekuna ruwaqpa ruwasqanta hinam.

Cantares 2:17

Tutayay pasaptin achikyamusqanman hinayá kuyasqalláy kutikamuy, luwichu hinayá, uña tarukacha hinayá qachya orqonkunata kutikamuy.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Cantares 4:14

nardo waytapa, azafrán waytapa, miski asnaq cañapa, canelapa, incienso sachakunapa, mirra sachakunapa, áloe sachakunapa, miski asnaq sachakunapa tarikunan huertam.

Cantares 8:14

Kuyasqalláy, utqaymanyá kallpamuy, miski asnaq sachakunapa chawpinta kallpaq luwichu hinayá kallpamuy, uña taruka hinayá pawamuy.

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Lucas 1:78

Diosninchikmi kuyapayawaspanchik hanaq pachamanta musoq punchawpa kanchariyninta qoykuwanchik,

2~Pedro 1:19

Kay uyarisqaykumantapas aswan hapipakunapaqqa profetakunapa qell-qasqanmi kapuwachkanchik. Allintam ruwankichik chay qellqasqankuta tuta-yaypi ratachkaq mecherota hina sumaq-ta qawaspaykichikqa, chaynatam ruwankichik pacha achikyamunan-kama hinaspa achikyaq chaska lloq-simuspan sonqoykichikta kanchari-munankama.

1~Juan 2:8

Chaywanpas, kay qellqamusqayqa musoq kamachikuymi, kayqa cheqapmi Cristopipas chaynataq qamkunapipas, tutayaymi pasachkanña cheqap achkiyñataqmi kanchaykamuchkanña.

Apocalipsis 22:16

Ñoqa Jesusmi kachamurqani angelniyta tukuy kaykunamanta iñiqkunaman willananpaq. Ñoqaqa kani sachapa sapin hina rey Davidpa mirayninmi, ñoqataqmi kani achikyaq chaskapas.

Apocalipsis 5:8

Chay rollota chaskiykuptinñataqmi chay tawan kawsaqkuna iskay chun-ka tawayuq ancianokunapiwan Cor-deropa qayllanpi qonqorakuykurqaku. Llapallan ancianokunaqa arpayuqkamam apachkasqaku incienso hun-tayuq qorimanta copakunata. Chay inciensoqa chuya llaqtanpa Diosta mañakuyninkum.