Cantares 4:3 - CHUYA QELLQA La Biblia en Quechua de Ayacucho 2012

³ Simikipas puka qaytu kaqlla pukay-pukaymi, rimaynikipas miski taki hinaraqmi, veloykipa qepanpi uyaykikunapas iskayman partesqa granada kaqlla pukay-pukaymi.

Quechua Ayacucho Bible 1987

³ Simikipas guindo qaytu hina suma-sumaqmi. Sentidoykikunapas iskayman partisqa granada hina suma-sumaqmi. Veloykipa ukunpi sentidoykikunaqa ancha suma-sumaqmi.

Chuya Qellqa 1992

³ Simikipas puka qaytu kaqlla pukay-pukaymi, rimaynikipas miski taki hinaraqmi, veloykipa qepanpi uyaykikunapas iskayman partesqa granada kaqlla pukay-pukaymi.

Cantares 4:3 Iomraidhean Croise

Génesis 32:10

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Esdras 9:6

kaynata nispay: Dios Taytalláy, pantaypi hinaspa penqakuypa huntasqanmi kachkani, manam imayna asuykamuytapas atikichu. Diosnilláy, mana allin ruwasqaykum pasaypaqta mirarun, huchaykupas hanaq pachakamam chayarun.

Proverbios 10:13

Yachayniyuqpa siminpiqa yachaymi tarikun, azoteñataqmi mana yachayniyuq runapa wasanpaq.

Proverbios 31:26

Payqa yachaywanmi imatapas riman, ancha kuyakuywantaqmi yachachimpas.

Cantares 1:5

Jerusalenpi warmikuna, kuyaychallapaq yanacham kani, Cedarpa carpankuna hina, Salomonpa wasinpi cortinakuna hina.

Cantares 4:11

Warma yanachalláy, rimaynikipas abejakunapa miskin hinaraqmi, qalluykipa ukunpipas lechewan abejapa miskinmi kachkan. Pachaykikunapa asnariyninpas Líbano orqo hinaraqmi asnarimun.

Cantares 5:13

Uyankunapas miski asnaq sachakunawan miski asnaq waytakunawan huntasqa huerta kaqllam. Siminpas mirrata suturiq wayta rosas hinam.

Cantares 5:16

Siminpas miskillañam, payqa kuyaychallapaqmi Jerusalenpi sipaskuna, kuyay yanayqa chaynam.

Cantares 6:7

Veloykipa qepanpi uyaykipas iskayman partesqa granada hinam.

Cantares 7:9

Simikipas allin vino hinayá kachun. Vinoyá kuyay yanayman kallpaykuchun, siminpiyá kirunkunapa chawpinta pasaykuchun.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Levítico 14:4

sacerdotem kamachinqa mikunapaq kaq kawsachkaq iskay urpituchakunata, cedromanta kaspita, puka qaytuta hinaspa hisopopa kallmantapas apamunanpaq. Chaykunam chuyanchakunanpaq ofrenda kanqa.

Levítico 14:6

Kawsachkaq urpituchatapas, cedro kaspitawan, puka qaytutawan chaynataq hisopopa kallmantawan kuskata hapiykuspanmi challpunqa chayllaraq wisimusqa yaku hawanpi wañuchisqa urpituchapa yawarninman.

Números 19:6

Eleazarñataqmi cedro kaspita, hisopopa kallmanta chaynataq guindo qaytuta hapiykuspan chay vaca kañasqankuman wischuykunqa.

Números 4:8

Tukuy chaykunapa hawanmanñataqmi guindo telata mastanqaku, hinaspam fino qalaskunawan tapanqaku. Varillankunatam ustuchinqaku mesata apanankupaq.

Mateo 12:35

Allin ruwaq runaqa, allin kaqkunata sonqonpi waqaychasqanman hinam allinllata riman, mana allin runañataqmi sonqonpi mana allin kaqkuna waqaychasqanman hina riman.

Lucas 4:22

Jesusmanta allinta rimaspankum sumaqllaña yachachikuyninkunata uyarispanku admirasqallaña karqaku, hinaspam ninakurqaku: ¿Payqa manachum Joseypa churin? nispanku.

Efesios 4:29

Rimaspaykichikqa amayá qacha simichu kaychik, aswanqa allin kaq-kunallatayá rimaychik, chaynapi uya-riqnikichikkunapa allinninpaq kap-tin iñiyninkupi aswan-aswan wiñanan-kupaq.

Colosenses 4:6

Rimasqaykichikpas kachiwan kachichasqa hinayá kachun, chaynapim yachankichik sapakamaman imaynam contestayta.

Hebreos 9:19

Chayraykum Moisespas Diospa llapallan kamachisqankunata llapa runakunaman willaruspan malta toropa yawarninta yakuwan chaqruykurqa, hinaspam puka millwatawan hisopopa kallmanta yawarman challpuykuspan libromanwan runakunaman challarqa:

Josué 2:18

Chaynaqa, ñoqayku kay allpaman yaykumuptiykum, uraykachiwasqaykiku ventanapi kay puka waskata warkunki, hinaspam taytaykita mamaykita, turi-ñañaykikunata chaynataq llapallan aylluykikunata wasikiman huñunki.