Cantares 4:11 - CHUYA QELLQA La Biblia en Quechua de Ayacucho 2012

¹¹ Warma yanachalláy, rimaynikipas abejakunapa miskin hinaraqmi, qalluykipa ukunpipas lechewan abejapa miskinmi kachkan. Pachaykikunapa asnariyninpas Líbano orqo hinaraqmi asnarimun.

Quechua Ayacucho Bible 1987

¹¹ Kuyay-yanalláy, miel hinaraqmi qampa rimasqaykiqa. Miskillaña lechem simikipiqa kachkan. Miskillaña mielmi simikipiqa kachkan. Qampa pachaykim miskillataña asnarichkan. Libano Monte hinaraqmi asnarichkan.

Chuya Qellqa 1992

¹¹ Warma yanachalláy, rimaynikipas abejakunapa miskin hinaraqmi, qalluykipa ukunpipas lechewan abejapa miskinmi kachkan. Pachaykikunapa asnariyninpas Líbano orqo hinaraqmi asnarimun.

Cantares 4:11 Iomraidhean Croise

Génesis 27:27

Jacobmi taytanman asukuspan muchaykurqa, hinaptinmi taytanñataq churinpa pachanta muskiykurqa, chaymi bendecispan kaynata nirqa: Kayqa churiypa asnayninmi, Diospa bendecisqan campopa asnayninmanmi rikchakun.

Proverbios 16:24

Sumaq rimaykunaqa abejapa miskin hinam, almapaqmi miski, cuerpopaqñataqmi hampi.

Proverbios 5:2

chaynapi llutanta ama rimanaykipaq, aswanqa yachaywan rimanaykipaq.

Proverbios 5:3

Qosanta engañaq warmipa rimayninqa mielmantapas aswan miskiraqmi, aceitemantapas aswan llampuraqmi,

Cantares 4:10

¡Mayna sumaqmi kuyakuynikiqa, kuyakusqalláy! Kuyakuynikiqa vinomantapas aswan miskillañam, perfumekipas miski olorkunamanta aswan miskillañam.

Cantares 4:3

Simikipas puka qaytu kaqlla pukay-pukaymi, rimaynikipas miski taki hinaraqmi, veloykipa qepanpi uyaykikunapas iskayman partesqa granada kaqlla pukay-pukaymi.

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Cantares 5:13

Uyankunapas miski asnaq sachakunawan miski asnaq waytakunawan huntasqa huerta kaqllam. Siminpas mirrata suturiq wayta rosas hinam.

Cantares 7:9

Simikipas allin vino hinayá kachun. Vinoyá kuyay yanayman kallpaykuchun, siminpiyá kirunkunapa chawpinta pasaykuchun.

Isaías 7:15

Chay wawam mantequillatawan mielta mikunqa, mana allin kaqta wischuspan allin kaqta akllay yachanankama.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Hebreos 13:15

Chaynaqa, kañasqa ofrendata hinayá takikunata Jesucristontakama Diosman tukuy tiempo ofrecesunchik, chayku-naqa kanan sutinmanta siminchik-pa yupaychayninkunam.