Cantares 3:11 - CHUYA QELLQA La Biblia en Quechua de Ayacucho 2012

¹¹ Sión llaqtapi sipaskuna, lloqsimuychik, rey Salomontayá qawariychik casarakunan punchawpaq, sinchi kusikunan punchawpaq mamanpa ruwapusqan coronawan churasqata.

Quechua Ayacucho Bible 1987

¹¹ Sion llaqtapi doncellakuna, lloqsimuychik. Lloqsimuspayá Rey Salomonta qawaychik. Mamanpa corona rurasqantayá qawaychik. Casarakunan punchawpaq coronantayá qawaychik. Kusikunan punchawpaq coronantayá qawaychik.

Chuya Qellqa 1992

¹¹ Sión llaqtapi sipaskuna, lloqsimuychik, rey Salomontayá qawariychik casarakunan punchawpaq sinchi kusikunan punchawpaq mamanpa ruwapusqan coronawan churasqata.

Cantares 3:11 Iomraidhean Croise

Cantares 1:5

Jerusalenpi warmikuna, kuyaychallapaq yanacham kani, Cedarpa carpankuna hina, Salomonpa wasinpi cortinakuna hina.

Cantares 2:7

Jerusalenpi sipaskuna, luwichukunaraykuyá, tarukakunaraykuyá, ancha kuyakusqayta ama rikchachinaykichikpaq juraychik. Kikinmanta rikcharinankamayá hina puñukuchun.

Cantares 7:11

Kuyay yanalláy hamuy, campoman hakuchik, alheña waytakunapa chawpinpi puñukamusun.

Cantares 8:5

¿Pitaq wak warmiqa kuyay yananman hapipakuykuspa chunniqmanta hamuchkan? Manzana sachapa sikinpim rikchachirqayki, chaypim mamayki dolorwan hapichikurqa, chaypim mamayki wachakusurqanki.

Isaías 4:4

Señorqa castigananpaq sentenciaspanmi Sionpi yachaqkunata qachankunamanta chuyanchanqa, Jerusalentam yawar chaqchusqanmanta mayllanqa.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Isaías 62:5

Imaynam huk joven huk sipasta casaran chaynam qamtapas Dios casarasunki; imaynam huk esposo esposanwan kusikun chaynam Diosnikipas qanwan kusikunqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 32:41

Paykunata bendecispaymi paykunawan kusikusaq. Cheqaptapunipas tukuy sonqoywan hinaspa kuyakuyniywanmi kay allpapi kawsachisaq.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Zacarías 6:11

Chay qori-qollqe huñusqaykiwanmi coronakunata ruwanki, hinaspam Josadacpa churin sumo sacerdote Josueyta hukninwan coronachinki.

Mateo 12:42

Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.

Lucas 15:32

Chay-naqa, ¿imanasqataq kay wawqeki kuti-ramusqanmantaqa mana fiestata ruwaspa kusikuchwanchu? Kay wawqekiqa wañusqam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa.

Juan 15:11

Kaykunataqa nikichik kusikuyniy qamkunapi kananpaqmi, chaynapi kusikuynikichik qespisqa kananpaq.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Colosenses 1:18

Payqa llapallan iñiqkunapa umanmi, iñiqkunañataqmi cuerpon, paymi llapanmanta puntata kawsarimurqa imapipas punta kaq kananpaq.

Hebreos 13:13

Chaynayá ñoqanchikpas campamentomanta lloq-sispa Jesusta qatisunchik payta imayna kamisqankuta hina kamiwaptinchik ñakarispapas.

Hebreos 2:9

Jesustam ichaqa rikunchik, Diosmi paytaqa angelkunamantapas tumpa menostaraq ruwarurqa, ñakarispa wañusqanraykum paytaqa coronasqata hinaña kanchariywan hatunchasqataña qawachkanchik. Runakunata Dios kuyaykuptinmi Jesusqa llapallanpa rantinpi wañurqa.

Apocalipsis 1:7

Qawaychik, puyupim Cristo hamuchkan. Llapallan runakunam rikunqaku, rikunqakutaqmi espadawan tuksiqkunapas, kay pachapi llapallan runakunapas paymantam waqanqaku. Arí, chaynam kanqa. Amén.

Apocalipsis 19:12

Paypaqa ñawinpas lenwachkaq nina hinam kasqa, umanpiñataqmi achka diademakuna kasqa. Paypiqa huk sutipas qellqasqam kasqa, chaytaqa manam pipas yachanchu aswanqa kikillanmi.

Apocalipsis 19:7

Llumpayta kusikusunchik, kusikuywanyá hatunchasunchik, Corderopa casarakunan punchawmi chayaramunña, novianpas listollañam kachkan.