Cantares 2:8 - CHUYA QELLQA La Biblia en Quechua de Ayacucho 2012

⁸ ¡Kuyakusqaymi hamuchkanña! ¡Voznintam uyarichkaniña! Orqokunapa hawantam pawamuchkan, moqokunapa hawantam kallpamuchkan.

Quechua Ayacucho Bible 1987

⁸ Kuyay-yanaypa voznintaqa uyarichkaniñam. Ñoqapa kuyay-yanayqa hamuchkanñam. Orqokunapa hawantam pawamuchkan. Moqokunapa hawantam kallpamuchkan.

Chuya Qellqa 1992

⁸ ¡Kuyakusqaymi hamuchkanña! ¡voznintam uyarichkaniña! Orqokunapa hawantam pawamuchkan, moqokunapa hawantam kallpamuchkan.

Cantares 2:8 Iomraidhean Croise

2~Samuel 6:16

Jerusalenman Tayta Diospa Arcan chayaruptinmi, Saulpa warmi churin Mical ventananta qawarispa rey Davidta Tayta Diospa ñawpaqninpi pawaykachaspa danzasqanta rikururqa, hinaspanmi llumpayta penqarqa.

Cantares 2:17

Tutayay pasaptin achikyamusqanman hinayá kuyasqalláy kutikamuy, luwichu hinayá, uña tarukacha hinayá qachya orqonkunata kutikamuy.

Cantares 4:16

Hanay lawmanta pukumuq wayra ¡hatariy! Uray lawmanta pukumuq wayra, ¡kallpamuy! Miskillaña asnaynikichikta huertaypi pukuriychik. Kuyakusqalláy, huertaykimanyá hamukuy, miskillaña rurunkunatayá mikuykuy.

Cantares 5:2

Puñuptiypas sonqoymi ichaqa rikcharqa, kuyay yanaymi punkumanta qayakamuspan nimuwarqa: “Warma yanachalláy, sumaq urpichalláy punkuykita kichaykamuway, umaymi sullapa nuyusqan kachkan, chukchaykunamantapas sullam suturichkan”, nispa.

Isaías 35:6

Wistukunam luwichu hinaraq pawaykachanqaku, mana rimaqkunam sumaqllataña qaparinqaku; yakukunam chunniqpi toqyanqa, chaki allpakunapim mayukuna kallpanqa.

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Isaías 52:7

Mayna kuyayllapaqmi orqonkunata hamuptin allin musoq noticia willakuqpa chakinkunaqa, payqa hawkayaymantam willakun, payqa allin noticiatam willakun, payqa salvacionmantam willakun. Payqa Sión llaqtatam nin: ¡Diosnikiqa munaychakuq Reymi! nispa.

Jeremías 48:27

Moab nación, ¿manachu Israelta burlakurqanki? ¿Manachum suwamanta hina rimaspa sapa kuti asipayarqanki?

Lucas 6:23

Chaynata ruwasuptikichikqa kusikuymantayá pawaykachaychik, qamkunaqa hanaq pachapim hatun premiota chaskinkichik. Kay runakunapa ñawpaq taytankunapas chaynatam llapa profetakunata ñakarichirqaku.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Hechos 14:10

Chaymi hatunmanta nirqa: ¡Hatarispa sayariy! nispa. Hinaptinmi chay runaqa hukta pawaris-pa puriyta qallaykurqa.

Hechos 3:8

Hinaptinmi chay runaqa pawarispan puriyta qallaykurqa. Paykunawanmi temploman yaykurqa puristin, pawaykachastin hinaspa Diosta yupaychastin.

Apocalipsis 3:20

Qawarimuway, ñoqaqa qayakuspaymi punkupi kachkani. Pipas qayakuyniyta uyarispan punkuta kichaykuwaptinqa yaykuspaymi paywan mikusaq, paypas ñoqawanmi mikunqa.