Cantares 2:14 - CHUYA QELLQA La Biblia en Quechua de Ayacucho 2012

¹⁴ Mana qespiy atina orqokunapi pakakuq urpichalláy, qaqapa raqrankunapi qesachakuq urpichalláy, uyachaykitayá rikuykachiway, rimaychaykitayá uyariykachiway; ¡simichaykiqa miskillañam! ¡Uyachaykipas kuyayllapaqñam!

Quechua Ayacucho Bible 1987

¹⁴ Orqopa raqrankunapi pakakuq urpichalláy, qaqapa uchkunkunapi pakakuq urpichalláy, uyaykitayá rikuykachiway. Voznikitayá uyariykachiway. ¡Mayna sumaqmi qampa vozniki uyariykuyqa! ¡Mayna sumaqmi qampa uyayki rikuykuyqa!

Chuya Qellqa 1992

¹⁴ Mana qespiy atina orqokunapi pakakuq urpichalláy, qaqapa raqrankunapi qesachakuq urpichalláy, uyachaykitayá rikuykachiway, rimaychaykitayá uyariykachiway; ¡simichaykiqa miskillañam! ¡uyachaykipas kuyayllapaqñam!

Cantares 2:14 Iomraidhean Croise

Jobwan Sutichasqa Libro 9:16

Sichum mañakusqayta qoykuwaptinpas manam creeymanchu pay uyariwanantaqa.

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Cantares 1:15

¡Mayna kuyapam kanki kuyakusqalláy! Mayna kuyapam kanki, ñawikikunapas iskay palomakuna hinaraqmi.

Cantares 1:5

Jerusalenpi warmikuna, kuyaychallapaq yanacham kani, Cedarpa carpankuna hina, Salomonpa wasinpi cortinakuna hina.

Cantares 1:8

Llapa warmikunamanta kuyayllapaq warmicha, mana yachaspaykiqa, ovejakunapa yupinta qatipay; michiqkunapa hatusninpa waqtampi cabrachaykikunata michiy.

Cantares 5:2

Puñuptiypas sonqoymi ichaqa rikcharqa, kuyay yanaymi punkumanta qayakamuspan nimuwarqa: “Warma yanachalláy, sumaq urpichalláy punkuykita kichaykamuway, umaymi sullapa nuyusqan kachkan, chukchaykunamantapas sullam suturichkan”, nispa.

Cantares 8:13

Huertakunapi munaychakuq kuyakusqalláy, amistadnikikunam simikita uyarinku. ¡Uyariykachiwayá ñoqamanpas!

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Isaías 60:8

¿Pikunataq waknaña puyu hina pawaqkunaqa, wasinman kutiq palomakuna hina pawaqkunaqa?

Jeremías 48:28

Moab nacionpi yachaqkuna llaqtaykichikkunata saqeychik; qaqa uchkupi qesachakuq paloma hina qaqakunapiña yachaychik.

Jeremías 49:16

Hatun tukuynikim pantarachisunki, sonqoykipa hatun tukuyninmi pantayman aparusunki. Qaqapa uchkunkunapiña yachaptikipas, alto raqchikunapiña wasichakuruptikipas, anka hinaña alto qaqakunapi qesachakuptikipas, chaymantam wikapamusqayki. Ñoqa Tayta Diosmi chaynata nini.

Ezequiel 7:16

Wañuymanta lluptiqkunapas qechwa palomakuna hinam orqokunaman ayqenqaku, ichaqa huchankuraykum lliw wañunqaku.

Daniel 9:7

Señorllayku, qamllam kanki tukuy imapas allin ruwaqqa, Judapa mirayninkunam, Jerusalén llaqtapi yachaqkunam, tukuy hinastinpi yachaq Israel ayllukunam penqaypi kachkaniku. Qampa contraykipi hatarispa qepanchasqaykuraykum tukuy hinastinman cheqerachiwarqankiku.

Abdías 1:3

Hatun tukuq kaynikim pantarachisunki, qaqakunapa raqrankunapi yachasqaykiraykum sonqoykipipas kaynataraq ninki: “¿Pitaq kaymanta wichichiwanman?” nispayki.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 3:16

Jesusmi bautizarachikuspan yakumanta lloqsimurqa, chayllamanmi hanaq pacha kicharikuykuptin Diospa Espiritunta rikururqa paloma hina payman uray-kamuchkaqta.

Efesios 5:27

Chaynataqa ruwarqa iñiqkunata kancharichkaqta hina kikinman pusaykunanpaqmi, paykunaqa kanan manam qachachasqachu, qapichusqachu nitaq chayman rikchakuqchu, paykunaqa kanan payllapaqña kawsaspa mana imaniraqpas huchayuqmi.

Colosenses 1:22

Chaynaqa, karun Cristopa runa kayninpi wañus-qallanwanmi. Payqa wañurqa chuyanchasqata, mana qachayuqta hinaspa pasaypaq mana huchayuqtaña Diospa qayllanman pusaykusunaykichikpaqmi

Hebreos 10:22

Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Hebreos 4:16

Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.

1~Pedro 3:4

Aswanqa suma-sumaq kaynikichikqa sonqoykichikmantayá lloqsimuchun, chayna hawkalla kawsakuspam llampu sonqo espirituyuq kankichik, chayna kawsakuymi Diospa qayllanpiqa anchapas allin.

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.

Apocalipsis 5:8

Chay rollota chaskiykuptinñataqmi chay tawan kawsaqkuna iskay chun-ka tawayuq ancianokunapiwan Cor-deropa qayllanpi qonqorakuykurqaku. Llapallan ancianokunaqa arpayuqkamam apachkasqaku incienso hun-tayuq qorimanta copakunata. Chay inciensoqa chuya llaqtanpa Diosta mañakuyninkum.