Cantares 1:7 - CHUYA QELLQA La Biblia en Quechua de Ayacucho 2012

⁷ Ancha kuyakusqalláy, willaykullaway: ¿Maypitaq michinki ovejaykikunata? ¿Maypitaq chawpi punchawta samanki? ¿Imanasqataq michiqmasikikunapa ovejankunapa chawpinpi yanqa purisaq?

Quechua Ayacucho Bible 1987

⁷ Kuyakusqalláy, qamyá willaykullaway: ¿Maypitaq qamqa michinki ovejaykikunata? ¿Maypitaq chawpi punchawpi samachinki ovejaykikunata? ¿Imanasqataq ñoqaqa velowan tapasqa warmi hina puriyman? ¿Imanasqataq michiqmasikikunapa kasqanpiqa qamta maskaykiman?

Chuya Qellqa 1992

⁷ Ancha kuyakusqalláy, willaykullaway: ¿Maypitaq michinki ovejaykikunata? ¿Maypitaq chawpi punchawta samanki? ¿Imanasqataq michiqmasikikunapa ovejankunapa chawpinpi yanqa purisaq?

Cantares 1:7 Iomraidhean Croise

Génesis 37:16

Joseyñataqmi nirqa: Wawqeykunatam maskachkani, ¿manachu maypim michisqankutapas rikukullawaq karqa? nispa.

Cantares 2:16

Kuyaqniyqa ñoqapam, ñoqapas paypam kani, payqa rosas chawpikunapim ovejanta michin.

Cantares 2:3

Imaynam purun sachakunapa chawpinpi manzana, chaynam kuyakusqaypas jovenkunapa chawpinpi. ¡Mayna sumaqmi llantuyninpi tiyaykuyniyqa! ¡Mayna miskim rurunpas mikuykuptiyqa!

Cantares 5:10

Kuyay yanayqa kuyayllapaq puka uyacham, payqa waranqantin qarikunapa chawpinpipas suti reqsiyllam.

Cantares 5:16

Siminpas miskillañam, payqa kuyaychallapaqmi Jerusalenpi sipaskuna, kuyay yanayqa chaynam.

Cantares 5:8

Jerusalenpi sipaskuna, kuyay yanayta tariruspaqa, ama hina kaspa kuyakuymanta onqosqayta willaykapullawaychik.

Cantares 6:2

Warma yanayqa huertanmanmi pasakun, miski asnaq plantakunapa kasqanmanmi pasarun, huertanpi michispa amanqaykunata pallakunanpaqmi pasakun.

Cantares 6:3

Ñoqaqa kuyay yanaypam kani, payñataqmi ñoqapa. Payqa amanqay waytakunapa chawpinpim michin.

Cantares 8:13

Huertakunapi munaychakuq kuyakusqalláy, amistadnikikunam simikita uyarinku. ¡Uyariykachiwayá ñoqamanpas!

Isaías 13:20

Babilonia llaqtaqa, wiñaypaqmi manaña runapa yachanan llaqta kanqa, Arabia runakunapas chaypiqa manañam samarinqakuñachu, michiqkunapas chay sitiopiqa manañam ovejankuta michinqakuñachu.

Isaías 26:9

Tutakunapas qamllapim yuyaymanani, kawsanaykamaqa tuta punchawmi maskasqayki. Allinta ruwaspa munaychakuptikim kay pachapi yachaqkunaqa allin ruwayta yachanqaku.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 5:1

Kunanmi kuyaqniypa uvas huertanmanta takita takisaq. Kuyaqniypam uvas huertan karqa, tukuy imapa qespinan waqtapim huertan karqa.

Jeremías 33:12

Ñoqa Tukuy Atiyniyuq Tayta Diosmi kaynata nini: Kay manaña runayuq chaynataq manaña animalkunapapas kanan chunniqpim hinaspa llapallan llaqtakunapim kaqllamanta pastokunata wiñachisaq, hinaptinmi michiqkuna animalninkuta chaypi michinqaku.

Miqueas 5:4

Hinaptinmi chay rey hatarispan Tayta Diospa atiyninwan paykunata michinqa, paykunañataqmi hawka kawsakunqaku, Tukuy Atiyniyuq Tayta Dios kay pachapa patankama hatunchasqa kasqanrayku.

Mateo 10:37

Pipas tayta-mamanta ñoqamanta masta kuyaqqa manam ñoqapaq hinachu, pipas wawa-churinta ñoqamanta masta kuyaqqa manataqmi ñoqapaq hinachu.

Juan 10:11

Ñoqaqa allin michiqmi kani. Allin michiqqa ovejankunaraykum vidanta qon.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.

1~Pedro 2:7

Qamkunapaqqa chay rumiqa ancha valorniyuqmi, mana iñiqkunapaqmi ichaqa Qellqapa kayna nisqan cumplikun: “Wasi perqaqkunapa wischupakusqanku rumim cimientopa esquinan hapiq rumiña rikurirun”, nispa.

1~Juan 2:19

Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.

Rutwan Sutichasqa Libro 2:21

Rutqa kaytapas willarqataqmi: Chay runam niwarqa: Criadaykunawan kuskayá pallapakuy rutuy tukunankama, nispa.