Apocalipsis 9:6 - CHUYA QELLQA La Biblia en Quechua de Ayacucho 2012

⁶ Chay punchawkunapim runakuna wañuyta maskanqa, ichaqa manam tarinqakuchu, wañuyta munaptinkupas wañuymi paykunamanta ayqekunqa.

Quechua Ayacucho Bible 1987

⁶ Chay punchawkunaqa runakunam wañuyta maskanqa ichaqa manam tarinqakuchu, wañuyta munaspankupas manam wañunqakuchu.

Chuya Qellqa 1992

⁶ Chay punchawkunapim runakuna wañuyta maskanqa, ichaqa manam tarinqakuchu, wañuyta munaptinkupas wañuymi paykunamanta ayqekunqa.

Apocalipsis 9:6 Iomraidhean Croise

2~Samuel 1:9

Chaymi niwarqa: “Ama hina kaspayki wañurachiway, herido kaspaymi ñakarichkani”, nispa.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Jeremías 8:3

Kay mana allin runakunatam tukuy hinastinman cheqerachisaq, hinaptinmi puchuqkunañataq kawsayta munanankumantaqa wañuyllataña maskanqaku. Ñoqa Tayta Diosmi chaynata nini.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Lucas 23:30

Hinaptinmi llapa runakuna orqokunata ninqaku: “Hawaykuman tuñiykamuy” nispanku; moqokunatañataqmi ninqaku: “Pakaykuwayku” nispanku.

Apocalipsis 6:16

Paykunam orqokunatawan qaqakunata nirqaku: “Tronopi tiyaqpa chaynataq Corderopa piñakuyninmanta pakaykuwanaykiku-paqyá hawaykuman tuñiykamuy.