Apocalipsis 9:20 - CHUYA QELLQA La Biblia en Quechua de Ayacucho 2012

²⁰ Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.

Quechua Ayacucho Bible 1987

²⁰ Chay castigokunamanta lluptiq runakunapas manataqmi wanakurqakuchu mana allinkuna rurayninkumantaqa. Manamá wanakurqakuchu demoniokuna adoraymanta nitaq qorimanta, qollqemanta, broncemanta, rumimanta hinaspa kullumanta taytacha-mamachakuna adoraymantapas. Chay taytacha-mamachakunaqa manam rikukunchu, manam uyarikunchu, manataqmi purinchu.

Chuya Qellqa 1992

²⁰ Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.

Apocalipsis 9:20 Iomraidhean Croise

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

2~Crónicas 28:22

Rey Acazqa chay ñakariypi kachkaspanpas aswanraqmi Tayta Diospa contranpi huchallikurqa.

2~Crónicas 34:25

Ñoqata saqeruwaspankum tukuy rikchaq idolokunamanña inciensota kañarqaku, chaykunata ruwaspankum piñachiwarqaku, chayraykum kay llaqtaman piñakuyniyta kacharimuptiy mana taninqachu, nispa.

Isaías 2:8

Makinkuwan ruwakusqanku idolokunapa huntaykusqanmi allpankupas kachkan, chaykunapa ñawpaqninpim qonqorakunku.

Isaías 41:7

Idolokuna ruwaqmi alhaja ruwaqta kallpanchan, martillowan llaspayachiqmi yunquepi takaqta kallpanchan: “Sumaqmi ruwasqaykiqa kachkan”, nispa. Idolontam clavokunawan mana kuchpakurunanpaq takyachin.

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 25:6

Llapa idolokunataqa amam qatinkichikchu, nitaqmi yupaychaychikchu. Amayá Tayta Diostaqa piñachiychikchu kiki-kichikpa ruwasqaykichik idolokunata yupaychaspaqa, chaynapi mana ima sasachakuytapas kacharimusunaykichikpaq”, nispa.

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Jeremías 51:17

Llapa runakunam mana yachayniyuq rikurirunku, ídolo ruwaqkunamanmi ídolo ruwasqanmanta penqakuy yaykurun. Chay idolokuna ruwasqankuqa mana imapaq valeqmi, chaykunapaqa manam kawsaynin kanchu.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Daniel 5:4

Llapallankum vinota upyakuspanku qorimanta, qollqemanta, broncemanta, fierromanta, kullumanta hinaspa rumimanta idolonkunata hatuncharqaku.

Levítico 17:7

Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Miqueas 5:13

Idolokunatapas chawpikichikmantam chinkarachisaq, manañam makikichikwan ruwasqaykichikpa qayllanpipas qonqorakunkiñachu.

Mateo 21:32

Bautizaq Juanmi allin kawsakuymanta yachachisunaykichikpaq hamurqa, qamkunam ichaqa mana creerqankichikchu; impuesto cobraqkunawan chuchumikakunam ichaqa creerqaku. Qamkunaqa kaykunata qawachkaspapas manam paypi creenaykichikpaqqa wanakurqankichikchu.

Hechos 17:29

Diospa mirayninkuna kachkaspaqa, amayá Diosmantaqa piensasunchu qorimanta, qollqemanta, rumimanta ruwasqa idolokuna hina kasqantaqa, chaykunataqa runakunallam tanteasqanman hina ruwarqaku.

Hechos 19:26

Ichaqa qamkunam rikuchkankichik hinaspa uyarichkankichik kay Pablopa rimasqanta, paymi nichkan: “Runapa ruwasqanqa manam dioskunachu”, nispa. Chaynata nispaqa manam pantachichkan kay Éfeso llaqtapi kaqkunallatachu, aswanqa lliw Asia lawpi kaqkunatawanmi.

Hechos 7:41

Chaymi torillota qorimanta ruwarurqaku, hinaspam animalkunata wañuchispa chay idoloman ofrecerqaku, makinkupa ruwarusqanwanmi kusikurqaku.

2~Corintios 12:21

Manchakuchkanitaqmi huktawan hamuptiy Diosniy qamku-napa rantikichikpi penqayman churawananmanta, chaynata tariykamuspayqa waqasaqchá. Ñawpaqmantaraqmi mana wanakuspa hinallaraq huchallikuchkankichik. Qamkunaqa manaraqmi wanakunkichikraqchu qanra vidaykichikmanta, waqllikuymanta hinaspa viciokunapi puriykunamantapas.

Deuteronomio 31:29

Wañukuptiyqa cheqaptapunipas huchallikuspaykichikmi kay kamachisqayman hina kawsaymantapas karunchakurunkichik. Yachanitaqmi Tayta Diospa qayllanpi mana allinkunata ruwaspa payta piñachinaykichiktapas, chayraykum hamuq punchawkunapi castigasqa kankichik, nispa.

Deuteronomio 32:17

Demoniokunapaqmi animalkunata ofrecerqaku, manam Tayta Diospaqchu; paykunapapas chaynataq ñawpaq taytankupapas mana reqsisqanku chayllaraq rikurimuq idolokunapaqmi chayta ruwarqaku.

Deuteronomio 4:28

Chay nacionkunapim, runakunapa ruwasqan mana qawakuq, mana uyariq, mana mikuq, mana muskiq, kullumanta chaynataq rumimanta idolokunataña servinkichik.

1~Timoteo 4:1

Cheqaptam Chuya Espirituqa willawanchik tukupay punchaw-kunapiqa wakinkunam iñiyninku-ta qepanchakunqaku hinaspa enga-ñakuq espiritutaña kasukuspanku, demoniokunapa yachachikuyninkunataña chaskispanku,

Apocalipsis 15:1

Hanaq pachapim ancha admirakuypaq señalta rikurqani: Qanchis angelkunam kachkasqa qanchis qepa kaq ñakariykuna hapirisqakama, chay ñariykunawanmi Diospa piñakuynin tukururqa.

Apocalipsis 16:8

Tawa kaq angelpas copa apasqantam intipa hawanman talliykurqa, hinaptinmi intiman atiy qosqa karqa rupayninwan runakunata kañarunanpaq.

Apocalipsis 9:19

Chay caballokunapa kallpanqa kasqa siminpiwan chupanpim. Chay chupankunaqa kasqa maqta uru hina umayuqmi, chaywanmi kachukusqa.

Apocalipsis 9:21

Chay runakunaqa mana-taqmi wanakurqakuchu runakuna wañuchisqankumantapas, layqa ruwas-qankumantapas, hukwan-hukwan pierdekusqankumantapas nitaq suwa-kusqankumantapas.