Apocalipsis 9:2 - CHUYA QELLQA La Biblia en Quechua de Ayacucho 2012

² Chay uku pachata kichaykuptinmi qosniriramurqa hatu-hatun hornomanta hina, chay qosnim intitawan wayrata tutayarachirqa.

Quechua Ayacucho Bible 1987

² Chay uku pachata kichaykuptinmi qosniriramurqa hatu-hatun hornomanta hina, chay qosnim tutayarachirqa intitawan cielota.

Chuya Qellqa 1992

² Chay uku pachata kichaykuptinmi qosniriramurqa hatu-hatun hornomanta hina, chay qosnim intitawan wayrata tutayarachirqa.

Apocalipsis 9:2 Iomraidhean Croise

Génesis 15:17

Inti seqaykuyta sinchita tutayaruptinmi rikurirurqa huk qosnichkaq hornowan lenwachkaq nina, hinaspam chitqasqa animalkunapa chawpinta pasarqa.

Génesis 19:28

Chaymi Sodoma, Gomorra llaqtakuna lawta chaynataq tukuy qechwankunata qawariptin hornopa qosniynin hinaraq qosnirimuchkasqa.

Éxodo 19:18

Ninapi Tayta Dios uraykamuptinmi Sinaí orqo qosnirirqa hornopa qosniriynin hinaraq, orqontinmi sinchita katkatatarqa.

Isaías 14:31

¡Filisteokuna, qapariyllawanña waqaychik, llakimanta qaparkachaychik, nanaywan qewipakuychik! Norte lawmantam qosni hinaraq tropakuna kallpamuchkanku, soldadokunapas tropanmanta mana chullaykuspam hamuchkanku.

Daniel 3:6

Pipas chay idolopa ñawpaqninpi qonqorakuspa mana hatunchaqqa, chaypunillam rupachkaq hornoman wischusqa kanqa, nispa.

Joel 2:10

Paykunapa ñawpaqninpiqa kay pachapas katkatatanraqmi, cielokunapas kuyupakunraqmi, intipas killapas tutayarunraqmi, chaskakunapa kanchayninpas antayanraqmi.

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Joel 2:30

Cielokunapipas, kay pachapipas admirakuypaq kaqkunatam ruwasaq; yawarta, ninata hinaspa suyullaña hoqarikuq qosnitam qawachisqaykichik.

Hechos 2:19

Cielopim admirakuypaq kaqkunata ruwasaq, kay pachapim yawartawan ninata qawachisqaykichik, qawachisqaykichiktaqmi suyullaña hoqarikuq qosnitapas.

Apocalipsis 14:11

Ñakariyninqa ninapa qosniynin hinaraqmi wiña-wiñaypaq qosninqa. Manchakuypaq animal yupaychaqkunaqa chaynataq marcan chaskiqkunaqa, tutapas punchawpas manam hawkayayta tarinqakuchu.

Apocalipsis 16:10

Pichqa kaq angelpas copa apasqantam manchakuypaq animalpa trononman talliykurqa, hinaptinmi munaychakuynin tutayarurqa, chaymi llapa runakuna nanaywan qallunkutapas kachukurqakuraq,

Apocalipsis 8:12

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.

Apocalipsis 9:1

Trompetanta pichqa kaq ángel tocaykuptinmi chaskata rikurqani cielomanta kay pachaman wichiykamuqta, chay chaskam uku pachapa llaventa chaskirqa.

Apocalipsis 9:11

Chay aqaruway uru-kunapa kamachiqninqa kasqa uku pachapi munaychakuq angelmi, sutinñataqmi kasqa hebreo rimaypi Abadón, griego rimaypiñataq Apolión, chay sutiqa “chinkachiq” ninanmi.

Apocalipsis 9:17

Visionniypim qawachiwarqa caballokunapi silladakunata, paykunaqa kasqaku puka, azul hinaspa qellu colorniyuq qasqo harkachikunawan churasqam. Chay caballokunapa umanqa kasqa leonpa uman hinam, chay caballokunapa siminmantam lloqsimusqa nina, qosni hinaspa azufre.