Apocalipsis 8:9 - CHUYA QELLQA La Biblia en Quechua de Ayacucho 2012

⁹ Chaymi lamar qochapi kawsaq animalkuna kimsa kaq parte wañururqa, barcokunapas kimsa kaq partenmi ñutusqa karqa.

Quechua Ayacucho Bible 1987

⁹ Chaymi lamar qochapi kawsaq animalkunamanta kimsa kaq parte wañururqa, chinkarurqataqmi buquekunamanta kimsa kaq partepas.

Chuya Qellqa 1992

⁹ Chaymi lamar qochapi kawsaq animalkuna kimsa kaq parte wañururqa, barcokunapas kimsa kaq partenmi ñutusqa karqa.

Apocalipsis 8:9 Iomraidhean Croise

Éxodo 7:21

Challwakunapas wañu-ruptinmi mayu asnarirurqa Egipto runa-kunapas mana tomay atinankukama. Lliw Egipto nacionpim yawar karqa.

Isaías 2:16

Tarsis lawpi barcokuna hinaña kaptinkupas, sumaq kuyayllapaq barcokuna hinaña kaptinkupas.

Isaías 23:1

Tiro llaqtapa contranpim Isaías kaynata nirqa: Tarsispa barconkunapi llamkaqkuna waqaychik, Tiro llaqtam pasaypaq tuñichisqa kachkan, mayman yaykunapaqpas manañam wasipas kanñachu, Chipre lawmanta hamuqkunam chaynata willakunku.

Zacarías 13:8

Tayta Diosmi kaynata nin: Hinaptinmi kay pachapi llapallan yachaqkunamanta kimsa parten wañuspa chinkanqa, huknin partellanñam hinapi puchunqa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Apocalipsis 12:4

Chupanwan aysaspanmi cielopi kimsa kaq parten chaskakunata kay pachaman wischuykamurqa. Dragonñataqmi wachakuywan kaq warmipa ñawpaqninpi sayachkarqa, chaypiqa sayachkarqa chay warmipa naceruq wawanta mikurunanpaqmi.

Apocalipsis 16:3

Iskay kaq angelpas copa apasqantam lamar qochaman talliykurqa, hinaptinmi lamar qochapi yaku, wañusqa runapa yawarninman tikrakururqa, chaymi yakupi kawsaq tukuy rikchaq animalkunapas wañururqaku.

Apocalipsis 8:10

Trompetanta kimsa kaq ángel tocaykuptinmi cielomanta rupachkaq nina hina hatu-hatun chaska wichiykamurqa. Chay chaskaqa mayukunapa hinaspa pukyukunapa kimsa kaq partenpa hawanmanmi wichiykamurqa.

Apocalipsis 8:12

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.

Apocalipsis 8:7

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.

Apocalipsis 9:15

Hinaptinmi chay tawan angelkuna kachaykusqa karqa, chaynapi llapa runakunamanta kimsa kaq partenta wañuchinanpaq. Paykunam chay horapaq, chay punchawpaq, chay killapaq hinaspa chay watapaq preparasqa karqaku.

Apocalipsis 9:18

Runakunapa kimsa kaq partenmi wañururqa chay caballokunapa siminmanta lloqsimuq kimsa castigowan otaq ninawan, qosniwan hinaspa azufrewan.