Apocalipsis 8:3 - CHUYA QELLQA La Biblia en Quechua de Ayacucho 2012

³ Hinaptinmi huk ángel qorimanta qontichinayuq hamuspan altarpa waqtanpi sayaykurqa, paymanmi qoykurqaku achka inciensota iñiqkunapa mañakuyninman yapaykuspan qorimanta altarpa hawanpi kañananpaq. Chay altarqa kachkasqa Diospa trononpa ñawpaqninpim.

Quechua Ayacucho Bible 1987

³ Hinaptinmi huk angel qorimanta qontichinayoq hamuspan *f**altarpa waqtanpi sayaykurqa, paymanmi qoykurqaku achka inciensota iñiqkunapa mañakuyninman yapaykuspan qorimanta altarpa hawanpi kañananpaq. Chay altarqa kachkasqa Diospa tiyananpa ñawpaqninpim.

Chuya Qellqa 1992

³ Hinaptinmi huk ángel qorimanta qontichinayuq hamuspan altarpa waqtanpi sayaykurqa, paymanmi qoykurqaku achka inciensota iñiqkunapa mañakuyninman yapaykuspan qorimanta altarpa hawanpi kañananpaq. Chay altarqa kachkasqa Diospa trononpa ñawpaqninpim.

Apocalipsis 8:3 Iomraidhean Croise

1~Reyes 7:50

copan-kunatapas, mecha kaptanapaq tijeraku-natapas, tazonkunatapas, wisllakunatapas chaynataq incienso qontichinakunatapas. “Chuyay-chuyay” sutiyuq cuartopa chaynataq “Chuya” sutiyuq cuartopa punkunkunatapas qorimantam ruwachirqa.

Éxodo 40:26

Chay carpamantaqmi qorimanta altartapas churarqa, velopa ñawpaqninpi.

Isaías 6:6

Hinaptinmi huknin serafinqa, altar-manta nina sansata tenazawan hurqoramuspa ñoqapa lawman pawamurqa.

Ezequiel 41:22

tablamanta ruwasqa altar, tawan lawninmi kasqa huk metrokama, altoman sayayninñataqmi kasqa huk metro parten. Chay altarpaqa esquinankunapas, pampanpas hinaspa waqtankunapas tablamantam kasqa. Hinaptinmi chay runa niwarqa: Kayqa Tayta Diospa qayllanpi kaq mesam, nispa.

Amós 9:1

Señortam altarpa waqtanpi sayachkaqta rikurqani, paymi niwarqa: Pilarkunata waqtay cimientonkuna kuyurinankama, ñutukuspa runakunapa hawanman wichimuchun. Chaymanta puchuqtam espadawan wañuchisaq; paykunamantaqa manam hukllapas lluptinqachu, nitaqmi pipas vidanta salvanqachu.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Números 4:11

Qorimanta altarpa hawanmanpas morado telatam mastanqaku, chaypa hawantañataqmi fino qalaskunawan tapanqaku, hinaspam chay altarta apanankupaq varillankunata ustuchinqaku.

Lucas 1:10

Inciensota kañanankamam, llapa runakunañataq Diosta mañakuspanku hawapi karqaku.

Romanos 8:34

¿Pitaq condenawachwanchik? Cristom wañuspan kawsarimurqa, hinaspam Diospa alleq lawninpi kaspan ñoqanchikpaq mañakuchkan.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.

Apocalipsis 10:1

Rikurqanitaqmi huk atiyniyuq angeltapas hanaq pachamanta uraykamuqta, payqa kasqa puyuwan wankusqam hinaspa umanpi chirapayuqmi. Uyanpas inti hinaraqmi achkirisqa, chakinkunañataqmi kasqa lenwaspa wichayman hoqarikuchkaq nina hinaraq.

Apocalipsis 14:18

Altarmantapas huk angelmi lloqsiramurqa, payqa ninata kamachiqmi karqa, hinaspam ñawchi rutunayuq angelta qayarqa: “Ñawchi rutunaykiwan kay pachapi uvaskunata rutuy, ñam uvaskunaqa poqosqaña kachkan”, nispa.

Apocalipsis 5:8

Chay rollota chaskiykuptinñataqmi chay tawan kawsaqkuna iskay chun-ka tawayuq ancianokunapiwan Cor-deropa qayllanpi qonqorakuykurqaku. Llapallan ancianokunaqa arpayuqkamam apachkasqaku incienso hun-tayuq qorimanta copakunata. Chay inciensoqa chuya llaqtanpa Diosta mañakuyninkum.

Apocalipsis 6:9

Pichqa kaq sellota Cordero kichaykuptinñataqmi altarpa sikinpi rikururqani Diospa palabranta willakusqankurayku wañuqkunapa almanta.

Apocalipsis 7:2

Rikurqanitaqmi huk angeltapas intipa qespimunan lawmanta hamuchkaqta, paymi kawsaq Diospa señalanan sellonta hapichkasqa, hinaspam kay pachata lamar qochata dañananpaq atiy chaskiq tawa angelkunata hatunmanta qaparispan nirqa:

Apocalipsis 8:4

Chay kañasqan inciensopa qosniyninmi Diospa kasqanman chayarqa iñiqkunapa mañakuyninkupiwan kuska.

Apocalipsis 8:5

Hinaspam chay angelqa hapisqan qontichinaman altarpa hawanmanta nina sansata hinaykuspan kay pachaman wikutiykamurqa hinaptinmi rayokuna, qapariykuna, llipyaykuna hinaspa terremoto karurqa.

Apocalipsis 9:13

Trompetanta soqta kaq ángel tocay-kuptinmi huk qayakuyta uyarirqani. Chay qayakuymi Diospa qayllanpi qori altarpa hawanpi tawa waqrachakunapa chawpinmanta uyarikamurqa.