Apocalipsis 8:12 - CHUYA QELLQA La Biblia en Quechua de Ayacucho 2012

¹² Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.

Quechua Ayacucho Bible 1987

¹² Tawa kaq angel cornetillanta tocaykuptinñataqmi intipa, killapa hinaspa lucerokunapa kimsa kaq parten dañasqa rikurirurqa. Chaykunapa kimsa kaq parten tutayaruptinmi manaña achkirqachu punchawpas nitaq tutapas.

Chuya Qellqa 1992

¹² Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.

Apocalipsis 8:12 Iomraidhean Croise

Isaías 13:10

Chayraykum cielokunapi chaskakunapas manaña kanchanqachu, intipas qespiykamuspallam tutayarunqa, killapas tutayaruspam manaña kanchanqachu.

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Jeremías 4:23

Kay pachata qawariptiymi manaña imayuq chaqwa kachkasqa; cielokunata qawariptiymi achkipas manaña kasqachu.

Joel 2:10

Paykunapa ñawpaqninpiqa kay pachapas katkatatanraqmi, cielokunapas kuyupakunraqmi, intipas killapas tutayarunraqmi, chaskakunapa kanchayninpas antayanraqmi.

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Joel 3:15

Intipas killapas tutayarunqam, chaskakunapa kanchayninpas chinkarunqam.

Amós 8:9

Tayta Diosmi kaynata nin: Chay punchawmi chawpi punchaw intita tutayachisaq, punchawpacham kay pachata tutayaywan pampaykusaq.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Mateo 27:45

Chawpi punchawmanta kimsa hora tardeykuykamam kay pacha tutayarurqa.

Marcos 13:24

Chay punchawkunapi ñakariykuna pasaruptinmi, inti tutayarunqa, killapas manañam kanchanqañachu,

Marcos 15:33

Chawpi punchawmanta kimsa hora tardeykuykamam kay pacha tutayarurqa

Lucas 21:25

Señalkunam kanqa intipi, killapi hinaspa chaskakunapi. Kay pachapi runakunapas, lamar qochapa hinaspa olakunapa qapariyninwanmi pantaypi hina kaspanku mancharisqallaña kanqaku.

Hechos 2:20

Manaraq Señorpa suma-sumaq punchawnin chayamuchkaptinqa intipas tutayanqam, killapas yawaryanqam.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

Apocalipsis 12:4

Chupanwan aysaspanmi cielopi kimsa kaq parten chaskakunata kay pachaman wischuykamurqa. Dragonñataqmi wachakuywan kaq warmipa ñawpaqninpi sayachkarqa, chaypiqa sayachkarqa chay warmipa naceruq wawanta mikurunanpaqmi.

Apocalipsis 16:10

Pichqa kaq angelpas copa apasqantam manchakuypaq animalpa trononman talliykurqa, hinaptinmi munaychakuynin tutayarurqa, chaymi llapa runakuna nanaywan qallunkutapas kachukurqakuraq,

Apocalipsis 6:12

Soqta kaq sellota Cordero kichaykuptinmi hatun terremoto karqa. Intim yanayarurqa yana pachaman rikchakunankama, killapas pukayarurqam yawar hina kanankama.

Apocalipsis 9:15

Hinaptinmi chay tawan angelkuna kachaykusqa karqa, chaynapi llapa runakunamanta kimsa kaq partenta wañuchinanpaq. Paykunam chay horapaq, chay punchawpaq, chay killapaq hinaspa chay watapaq preparasqa karqaku.

Apocalipsis 9:18

Runakunapa kimsa kaq partenmi wañururqa chay caballokunapa siminmanta lloqsimuq kimsa castigowan otaq ninawan, qosniwan hinaspa azufrewan.