Apocalipsis 8:10 - CHUYA QELLQA La Biblia en Quechua de Ayacucho 2012

¹⁰ Trompetanta kimsa kaq ángel tocaykuptinmi cielomanta rupachkaq nina hina hatu-hatun chaska wichiykamurqa. Chay chaskaqa mayukunapa hinaspa pukyukunapa kimsa kaq partenpa hawanmanmi wichiykamurqa.

Quechua Ayacucho Bible 1987

¹⁰ Kimsa kaq angel cornetillanta tocaykuptinñataqmi cielomanta wichiykamurqa rupachkaq nina hina hatu-hatun lucero. Chay luceroqa mayukunapa hinaspa pukyukunapa kimsa kaq partenpa hawanmanmi wichiykamurqa.

Chuya Qellqa 1992

¹⁰ Trompetanta kimsa kaq ángel tocaykuptinmi cielomanta rupachkaq nina hina hatu-hatun chaska wichiykamurqa. Chay chaskaqa mayukunapa hinaspa pukyukunapa kimsa kaq partenpa hawanmanmi wichiykamurqa.

Apocalipsis 8:10 Iomraidhean Croise

2~Crónicas 32:3

llapa kamachikuqkunawan hinaspa allinnin qari-qari runankunawan tanteanakurqa, chaynapi llaqtapa hawa lawninpi kaq pukyukunata taparunankupaq, chaymi llapallanku “allinmi” nirqaku.

Isaías 12:3

Qamkunapas kusikuyllawanñam salvación qokuq pukyumanta yakuta tomankichik.

Isaías 14:12

Achikyaq chaska ¡Imaynamá cielomantaqa wichiykamunki! Nacionkunata purmachiq kachkaspaykiqa, ¡imaynamá kay pachamanqa wischurachikamunki!

Zacarías 13:8

Tayta Diosmi kaynata nin: Hinaptinmi kay pachapi llapallan yachaqkunamanta kimsa parten wañuspa chinkanqa, huknin partellanñam hinapi puchunqa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Mateo 25:1

Diospa munaychakuyninqa rikchakun chunka sipaskunamanmi. Paykunam mecheronkuta aparikuspa novio taripaq lloqsirqaku.

Lucas 10:18

Jesusñataqmi nirqa: Arí, ñoqapas Satanastam rikurqani cielomanta rayo hina wichimuqta.

Judas 1:13

Lamar qochapa olan pusoqarichkaq hinaraqmi paykunapa penqakuyninqa sutilla kachkan. Yanqa puriq chaskakuna hina kasqankuraykum wiñaypaq tutayayman wischusqa kanqaku.

Apocalipsis 1:20

Alleq lawniypi rikusqayki qanchis chaskakunapa hinaspa qorimanta qanchis candelabrokunapa imam ninanqa kaymi: Qanchis chaskakunaqa qanchisnintin llaqtakunapi iglesiakunaman willakuq angelkunam. Qanchis candelabrokuna rikusqaykiñataqmi qanchis iglesiakuna, nispa.

Apocalipsis 12:4

Chupanwan aysaspanmi cielopi kimsa kaq parten chaskakunata kay pachaman wischuykamurqa. Dragonñataqmi wachakuywan kaq warmipa ñawpaqninpi sayachkarqa, chaypiqa sayachkarqa chay warmipa naceruq wawanta mikurunanpaqmi.

Apocalipsis 14:7

Hatunmanta qaparispanmi nirqa: Diostayá manchakuywan qapaqchaychik, juzganan horam chayaramunña, hanaq pachatapas kay pachatapas, lamar qochatapas hinaspa pukyukunatapas unanchaqtayá yupaychaychik, nispa.

Apocalipsis 16:4

Kimsa kaq angelpas copa apasqanta mayukunapa hawanman pukyukunapa hawanman talliykuptinmi yawarman tikrakururqa.

Apocalipsis 6:13

Cielopi chaskakunapas kay pachamanmi wichirimurqa, sinchi wayra taspiptin llullu higos wichichkaq hina.

Apocalipsis 8:7

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.

Apocalipsis 9:1

Trompetanta pichqa kaq ángel tocaykuptinmi chaskata rikurqani cielomanta kay pachaman wichiykamuqta, chay chaskam uku pachapa llaventa chaskirqa.

Apocalipsis 9:15

Hinaptinmi chay tawan angelkuna kachaykusqa karqa, chaynapi llapa runakunamanta kimsa kaq partenta wañuchinanpaq. Paykunam chay horapaq, chay punchawpaq, chay killapaq hinaspa chay watapaq preparasqa karqaku.

Apocalipsis 9:18

Runakunapa kimsa kaq partenmi wañururqa chay caballokunapa siminmanta lloqsimuq kimsa castigowan otaq ninawan, qosniwan hinaspa azufrewan.

Jueces 15:11

Hinaptinmi Judá lawmanta kimsa waranqa qarikuna Etam qaqa machayman rispanku Sansonta nimurqaku: ¿Manachum yachanki filisteokuna ñoqanchikpi munaychakusqanta? ¿Imanasqataq kayta ruwaruwankiku? nispanku. Chaymi Sansón nirqa: Paykunapa imaynam ruwawasqanta hinam ñoqapas paykunata ruwarqani, nispa.