Apocalipsis 7:14 - CHUYA QELLQA La Biblia en Quechua de Ayacucho 2012

¹⁴ Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.

Quechua Ayacucho Bible 1987

¹⁴ Ñoqañataqmi nirqani: —Señorlláy, qanmi yachanki —nispa. Chaymi payñataq niwarqa: —Paykunaqa hatu-hatun ñakariymanta hamuqkunam hinaspa pachankutapas taqsaspa *f**Carneropa yawarninwan yuraqyachiqkunam.

Chuya Qellqa 1992

¹⁴ Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.

Apocalipsis 7:14 Iomraidhean Croise

Jobwan Sutichasqa Libro 11:16

Ñakariynikitapas qonqarunkim, yuyarispapas yuyarinki pasaruq yakuta hinallam.

Éxodo 37:3

Qorita chulluchispam tawa anillokunata ruwarqa, chaykunatam tawan esquinapa waqtanman kaylawman waklawman iskaytakama churarqa.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Daniel 11:35

Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Daniel 12:1

Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Daniel 7:16

Chaymi hukkaqnin sayaqman asuykuspay, tukuy chaykunapa imam ninanta willaykuwananpaq tapukurqani, chaymi payqa tukuy chaykunapa imam ninanta kaynata willawarqa:

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Mateo 24:21

Chay punchawkunapiqa hatun ñakariymi kakunqa, chayna ñakariyqa kay pachapa qallariyninmantapuni kunankamapas manam karqachu, nitaqmi haykapipas kanqachu.

Marcos 13:19

Chay punchawkunapiqa hatu-hatun ñakariymi kanqa, chayna ñakariyqa manam kay pachata Dios unanchasqanmanta kunankamapas karqachu, manataqmi qepamanpas kanqachu.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

Romanos 5:3

Chaynataqmi ñakariykunapipas kusikunchik, ñakariykunaqa pacienciakuytam yachachiwanchik,

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

2~Tesalonicenses 1:4

Chaynallataqmi ñoqaykuqa Diospa iglesiankunapi qamkunamanta alabakuniku; sasachakuykunapi, ñakariykunapi pacienciawan iñiynikichikpi qaqa hina sayasqaykichikmanta.

Hebreos 13:12

Chaynataqmi Jesuspas kikinpa ya-warninwan runankunata chuyanchaspa Diospaq sapaqchananpaq, llaqtapa hawa lawninpi wañukurqa.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.

1~Pedro 1:19

aswanqa Cristom pagarqa precioyuq chuyay-chuyay yawarninwan, chayqa karqa sanoy-sanoy carneropa yawarnin hinam.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 12:11

Wawqe-paninchikkunaqa Corderopa yawarninwanmi hinaspa willakusqanku palabrawanmi vencerqaku, paykunaqa manam wañuytapas manchakurqakuchu.

Apocalipsis 15:2

Rikurqanitaqmi ninawan chaqrusqa cristal kaqlla lamar qochatapas. Rikurqanitaqmi manchakuypaq animaltawan imagennintapas chaynataq marcantawan sutinpa numeron mana chaskispa venceqkunatapas, paykunaqa chay cristal kaqlla lamar qochapa patanpim Diospa qosqan arpantinkama sayachkasqaku.

Apocalipsis 17:6

Allinta qawaykuptiyqa chay warmiqa Diospi iñiqkunapa yawarninwanmi hinaspa Jesusmanta willakusqankurayku wañuqkunapa yawarninwanmi sinka kachkasqa. Chayta qawaykuspay sinchita admirakuptiymi

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.

Apocalipsis 7:9

Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.