Apocalipsis 7:12 - CHUYA QELLQA La Biblia en Quechua de Ayacucho 2012

¹² “¡Amén! Hatunchaypas, qapaqchaypas, yachaypas, gracias qoypas, yupaychaypas, atiypas, kallpapas, Diosninchikman wiña-wiñaypaq qosqa kachun. ¡Amén!” nispanku.

Quechua Ayacucho Bible 1987

¹² ¡Amén! Yachayniyoq kasqanraykuyá Diosninchikta hatunchasunchik hinaspa adorasunchik. Atipayninmantawan kallpanmantayá wiña-wiñaypaq graciasta qosunchik hinaspa yupaychasunchik. Amén.

Chuya Qellqa 1992

¹² “¡Amén! Hatunchaypas, qapaqchaypas, yachaypas, gracias qoypas, yupaychaypas, atiypas, kallpapas, Diosninchikman wiña-wiñaypaq qosqa kachun. ¡Amén!” nispanku.

Apocalipsis 7:12 Iomraidhean Croise

Nehemías 12:46

Davidpa chaynataq Asafpa tiemponpipas karqam takiqkunapa directornin, chaynapi takikunawan yupaychaspa Diosman graciasta qonankupaq.

Nehemías 12:8

Levitakunamantam karqaku Jesúa, Binúi, Cadmiel, Serebías, Judá hinaspa Matanías. Paykunam ayllunkunapiwan takiqkuna karqaku,

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Jonás 2:9

Ñoqam ichaqa qanman graciasta qospay sacrificiokunata qosqayki, prometekusqaytaqa ruwasaqpunim. Dios Taytalláy, qamllam salvakuqqa kanki, nispa.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Romanos 11:36

Tukuy imapas Diosmantam hamun, pay kaptinmi, paypaqtaqmi tukuy imapas kachkan. Payllayá wiña-wiñaypaq qapaqchasqa kachun. Amén.

1~Corintios 14:16

Sichum espirituman hina mana yachasqayki rimaypi Diosta yupaychaptikiqa mana entiendeq runaqa manam atinmanchu qanwan kuska gracias qoyta, imam nisqaykita mana entiendesqanrayku.

2~Corintios 4:15

Tukuy chaykunataqa ñakarirqaniku allinnikichikpaqmi, chaynapi achkallaña runakuna Diospa kuyakuyninta chaskispa aswan-aswan Diosman graciasta qospa hatunchanankupaq.

Colosenses 2:7

Paypi sapinchasqayá allinta takyaychik, yachachisqa kasqaykichikman hinayá iñiypi kallpachakuychik, Diosman graciasta qospa.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

Judas 1:25

Señorninchik Jesucristontakamayá Diosta nisunchik: Yupaychaykikum, qamqa kanki qaynapas kunanpas wiña-wiñaypaq ancha hatunchasqam, ancha atiyniyuqmi, ancha munayniyuqmi, nispa. Amén.

Apocalipsis 1:18

chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.

Apocalipsis 19:4

Hinaptinmi iskay chunka tawayuq ancianokunapiwan chay tawa kawsaqkuna qonqorakuykuspanku trononpi tiyaq Diosta hatunchaspanku kaynata nirqaku: ¡Amén! ¡Aleluya! nispanku.