Apocalipsis 7:10 - CHUYA QELLQA La Biblia en Quechua de Ayacucho 2012

¹⁰ Llapallankum hatunmanta qaparispa nirqaku: ¡Tronopi tiyaq Diosmantawan Corderomantam salvacionqa hamun! nispanku.

Quechua Ayacucho Bible 1987

¹⁰ Llapallankum qayaykachakurqaku: Salvacionninchikqa tiyananpi tiyaq Diosninchikmantam hinaspa *f**Carneromantam.

Chuya Qellqa 1992

¹⁰ Llapallankum hatunmanta qaparispa nirqaku: ¡Tronopi tiyaq Diosmantawan Corderomantam salvacionqa hamun! nispanku.

Apocalipsis 7:10 Iomraidhean Croise

Isaías 43:11

Ñoqallam Tayta Diosqa kani, ñoqamanta hukqa manam pipas salvakuqqa kanchu.

Isaías 45:15

Cheqaptapunipas qamqa mana rikuna Diosmi kanki, qamqa Israel llaqtapa salvaqnin Diosmi kanki.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Jeremías 3:23

Alto moqokunaman riyqa yanqapaqmi, alto moqokunapi qapariyqa yanqapaqmi; cheqaptapunipas qam yupaychasqayku Diosllapim Israelpa mirayninkunaqa salvacionta tariniku.

Oseas 13:4

Ñoqaqa Señornikichik Tayta Diosmi kani, Egiptopi kasqaykimantaraqmi Diosnikichik kani. Ñoqamanta huk Diostaqa manam reqsirqankichikchu, ñoqamanta hukqa manam pipas salvasunkichikmanchu.

Jonás 2:9

Ñoqam ichaqa qanman graciasta qospay sacrificiokunata qosqayki, prometekusqaytaqa ruwasaqpunim. Dios Taytalláy, qamllam salvakuqqa kanki, nispa.

Zacarías 4:7

Hatun orqo, ¿pitaq qamqa kanki? Qamqa Zorobabelpa ñawpaqninpim pampaman tikrasqa kanki. Paymi temploy hatarichisqa kananpaq cimientopaq rumita hurqonqa, llapa runakunañataqmi qaparinqaku: ¡Ima allinmi, ima sumaqmi! nispanku.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Lucas 3:6

Lliw runam Diospa salvacionninta rikunqaku”, nispa.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Juan 1:36

Hinaspanmi chayninta Jesús pasachkaqta rikuruspan nirqa: “Qawaychik, paymi Diospa Corderonqa”, nispa.

Juan 4:22

Qamkunaqa manam yachankichikchu pitam yupaychasqaykichiktapas, ñoqaykum ichaqa pitam yupaychasqaykuta yachaniku, salvacionqa judiokunamantam hamun.

Efesios 2:8

Kuyakuyninraykulla iñiptikichikmi Diosqa salvaykusurqankichik, chayqa manam qamkunamantachu aswanqa Diospa mana imallapaq qosusqaykichikmi.

Apocalipsis 12:10

Chaymantam hanaq pachapi kayna niq qayakuyta uyarirqani: “Kunanmi salvación chayaramuwanchik, chayaramuntaqmi Diospa atiyninwan, munaychakuyninpas chaynataq Cristopa munayninpas. Wawqe-paninchikkunapa contranpi tuta punchaw Diosman acusaq diabloqa ñam wischurachikamunña hanaq pachamanta.

Apocalipsis 19:1

Chaykunapa qepantam yaqa achka runakunapa qapariyninta hina, hanaq pachapi kayna hatun qapariykunata uyarirqani: ¡Aleluya! Diosllanchikpam salvacionpas, atiypas, hatunchasqa kayninpas.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.

Apocalipsis 22:3

Chaypiqa manañam ima ñakaypas kasqañachu. Diospa hinaspa Corderopa trononñam chaypiqa kanqa hinaptinmi serviqninkunañataq servinqaku.

Apocalipsis 4:6

Trononpa ñawpaqninpiñataqmi kasqa cristal hina chuyay-chuyay lamar qocha. Chay tronopa waqtanpi hinaspa muyuriqninpiñataqmi kasqa tawa kawsaqkuna, chay kawsaqkunaqa kasqa qepanpi hinaspa ñawpaqninpi achkallaña ñawiyuqkamam.

Apocalipsis 5:7

Chay Corderom hamuruspan rollota chaskiykurqa tronopi tiyaq Diospa alleq makinmanta.