Apocalipsis 7:1 - CHUYA QELLQA La Biblia en Quechua de Ayacucho 2012

¹ Chaymantam rikurqani tawa angelkunata kay pachapa tawan lawpi sayachkaqta, paykunam wayrata harkamusqaku kay pachamanpas, lamar qochamanpas chaynataq ima sachamanpas mana wayramunanpaq.

Quechua Ayacucho Bible 1987

¹ Chaymantam rikurqani tawa angelkunata kay pachapa tawan esquinankunapi sayachkaqta, paykunam wayrata harkachkasqa kay pachamanpas, lamar qochamanpas chaynataq ima sachamanpas mana wayramunanpaq.

Chuya Qellqa 1992

¹ Chaymantam rikurqani tawa angelkunata kay pachapa tawan lawpi sayachkaqta, paykunam wayrata harkamusqaku kay pachamanpas, lamar qochamanpas chaynataq ima sachamanpas mana wayramunanpaq.

Apocalipsis 7:1 Iomraidhean Croise

Isaías 11:12

Banderatam nacionkunapaq sayachinqa, huklaw nacionkunaman apasqa kasqankumantam Israel runakunata huñumunqa. Judá nacionmanta cheqechisqakunatam lliw kay allpa pachapa patanmanta huñumunqa.

Isaías 27:3

Ñoqa Tayta Diosmi chay uvas chakrata sapa kutilla parqopayaspa waqaychani. Mana imapas pasananpaqmi tuta punchaw waqaychani.

Isaías 27:8

Aswanqa huklaw nacionman presota apachispam paykunataqa ñakarichirqa. Intipa qespimunan lawmanta manchakuypaq pukumuq wayrawan hinaraqmi qarqorurqa.

Jeremías 49:36

Elam nacionpa contranpim, kay pachapa tawan lawninmanta wayrata chayarachimusaq; hinaptinmi tukuy hinastinman cheqenqaku, llapallan nacionkunamanmi lluptinqaku, manam chulla nacionpas mana chayasqankuqa kanqachu.

Ezequiel 37:9

Chaymantam Tayta Dios niwarqa: Runapa churin, kawsachikuq samayta kaynata niy: Tayta Diosmi kaynata nisunki: ¡Kawsachikuq samay, tawan lawmanta hamuspa kay wañusqakunata kawsarichiy! nispa.

Ezequiel 7:2

Runapa churin, Israel nacionpi runakunatam ñoqa Tayta Dios kaynata nini: Tukupay punchawmi hichpamuchkanña, kay pachapa tawan lawninpa tukupayninmi chayamuchkanña.

Daniel 11:4

Ichaqa chay munaychakuyninmi allinta richkaspan tawaman rakinasqa kanqa. Chay reypa munaychakuyninqa manam mirayninkunamanpas qosqachu kanqa, manataqmi ñawpaq tiemponpi hina ancha atiyniyuqchu kanqa. Chaynaqa, kanqa tawaman rakinasqa kaspa sapaq runakunapa munaychakusqanña kasqanraykum.

Daniel 7:2

kaynata qellqarqa: Ñoqam mosqoyniypi qawachkasqani tukuy hinastinmanta vientokuna puku-muspan hatun lamar qochapa yakunkunata kayman chayman kuyuchiqta.

Daniel 8:8

Chay chivatom aswan atiyniyuq rikurirurqa, chayna atiyniyuqllaña kachkaptinmi hatun waqran pakikururqa, hinaptinmi chay waqrapa rantinpi tawa waqrakunaña wiñaramurqa, chay tawa waqrakunaqa tawa lawmanmi qawarqa.

Jonás 1:4

Ichaqa Tayta Diosmi lamar qochapi llumpa-llumpay wayrata hatarirachirqa, lamar qochapi wayra-para llumpayta hatariruptinmi barcopas pakikurunanpaq hinaña tarikurqa.

Zacarías 6:1

Huktawan qawarispaymi visionpi rikururqani, broncemanta iskay orqokunapa chawpinmanta guerrapaq tawa carretakuna lloqsimuchkaqta.

Zacarías 6:5

Chay angelñataqmi niwarqa: Kay carretakunaqa hanaq pachapi tawa wayrakunam, paykunam kay pachapi munaychakuq Tayta Diospa qayllanman yaykusqankumanta lloqsichkanku.

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Marcos 13:27

Paymi angelninkunata kamachinqa llapallan akllasqankunata kay pachapa patanmanta-patankama may karupiña kaptinkupas huñumunankupaq.

Apocalipsis 20:8

hinaspam lloqsimunqa kay pachapi llapallan nacionkunata engañananpaq. Gogtawan Magogtapas engañaspanmi paykunapa tropankunata guerrapaq huñunanqa, chay tropakunaqa lamar qochapa patanpi aqo hina manaña yupay atinam kanqa.

Apocalipsis 6:6

Chaymi tawa kawsaqkunapa chawpinmanta kayna qayakuyta uyarirqani: “Huk kilo trigollam huk jornalpa chanin qollqepaq kanqa, kimsa kilo cebadapas huk jornal qollqepa chaninmi kanqa. Ichaqa amam usuchinkichu aceitetawan vinotaqa”, nispa.

Apocalipsis 7:3

Diospa serviqninkunata urkunpi sellowan manaraq marcachkaptiykuqa allpatapas, lamar qochatapas chaynataq sachakunatapas amaraqyá imatapas ruwaychikchu, nispa.

Apocalipsis 8:7

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.

Apocalipsis 9:14

Chay qaparimuqmi soqta kaq trompetayuq angelta nimurqa: Kachariy Eufrates mayupa patanpi watasqa tawa angelkunata, nispa.

Apocalipsis 9:4

Chaykunam kamachisqa karqaku kay pachapi qorakunata, imapas verde kaqkunata hinaspa sachakunata mana imananankupaq, kamachisqaqa karqa Diospa sellonwan urkunpi mana marcasqa runakunallata kachunanpaqmi.