Apocalipsis 6:12 - CHUYA QELLQA La Biblia en Quechua de Ayacucho 2012

¹² Soqta kaq sellota Cordero kichaykuptinmi hatun terremoto karqa. Intim yanayarurqa yana pachaman rikchakunankama, killapas pukayarurqam yawar hina kanankama.

Quechua Ayacucho Bible 1987

¹² Soqta kaq *f**sellota *f**Carnero kichaykuptinñataqmi karqa hatun temblor. Intim tutayarurqa luto pacha hina, enteron killañataqmi rikurirurqa yawar hina.

Chuya Qellqa 1992

¹² Soqta kaq sellota Cordero kichaykuptinmi hatun terremoto karqa. Intim yanayarurqa yana pachaman rikchakunankama, killapas pukayarurqam yawar hina kanankama.

Apocalipsis 6:12 Iomraidhean Croise

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Isaías 29:6

Tukuy Atiyniyuq Tayta Diosmi, wayra-parawan, loco parawan, llumpay terremotowan, lliw ruparuq lenwachkaq ninawan, enemigoykikunata ñakarichinqa.

Isaías 34:4

Llapa chaskakunam wichirinqa, cielokunapas papel hinam qapichukunqa, llapa chaskakunam tutayanqa, imaynam uvaspawan higospa llaqen chakispan wichimusqanta hina.

Isaías 50:3

Hanaq pachatam tutayaywan pachachini, llakikuy pachawanmi qataykuni.

Joel 2:10

Paykunapa ñawpaqninpiqa kay pachapas katkatatanraqmi, cielokunapas kuyupakunraqmi, intipas killapas tutayarunraqmi, chaskakunapa kanchayninpas antayanraqmi.

Joel 3:15

Intipas killapas tutayarunqam, chaskakunapa kanchayninpas chinkarunqam.

Amós 1:1

Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Amós 8:9

Tayta Diosmi kaynata nin: Chay punchawmi chawpi punchaw intita tutayachisaq, punchawpacham kay pachata tutayaywan pampaykusaq.

Zacarías 14:5

Qamkunañataqmi chay hatu-hatun wayqoman ayqenkichik, chay wayqom chayanqa Azal lawkama. Ayqenkichikqa Judá nacionpi rey Uzías munaychakuchkaptin terremoto pasaptin ayqesqaykichikpi hinam. Hinaptinmi Señorniy Tayta Diosqa llapa salvasqankunapiwan hamunqa.

Mateo 11:21

¡Ay, Corazín llaqta, imaynaraq kanki! ¡Ay, Betsaida llaqta, imaynaraq kanki! Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Mateo 24:7

Huk nacionmi huk nacionwan peleanqa, huk munaychakuqmi huk munaychakuqwan peleanqa; muchuypas, terremotokunapas kaypi chaypim kanqa.

Mateo 27:45

Chawpi punchawmanta kimsa hora tardeykuykamam kay pacha tutayarurqa.

Mateo 27:54

Jesusta cuidaq capitanwan soldadokunañataqmi terremototawan tukuy imakunam pasakusqanta qawaykuspanku, llumpayta mancharikuspanku nirqaku: ¡Cheqaptapunipas payqa Diospa Churinmi kasqa! nispanku.

Mateo 28:2

Qonqaymantam huk terremoto pasakurqa; Señorpa angelninñataqmi hanaq pachamanta uraykamuspan sepulturaman asuykurqa, hinaspam rumita asurachispan chaypa hawanpi tiyaykurqa.

Marcos 15:33

Chawpi punchawmanta kimsa hora tardeykuykamam kay pacha tutayarurqa

Apocalipsis 11:13

Hina chay ratollataqmi nisyu-nisyu terremoto karurqa, hinaptinmi llaqtapa chunka kaq parten tuñirurqa, chay terremotowanmi qanchis waranqa runakuna wañururqa. Wakinñataqmi hatu-hatunta mancharikuspanku hanaq pachapi kaq Diosta qapaqcharqaku.

Apocalipsis 16:18

Chaymi llipyaykuna, qapariykuna hinaspa rayokuna karurqa, hatu-hatun terremotom kay pachata taspirqa, chayna terremotoqa kay pachapi runakuna kasqanmantapunipas manam karqachu.

Apocalipsis 16:8

Tawa kaq angelpas copa apasqantam intipa hawanman talliykurqa, hinaptinmi intiman atiy qosqa karqa rupayninwan runakunata kañarunanpaq.

Apocalipsis 8:12

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.

Apocalipsis 8:5

Hinaspam chay angelqa hapisqan qontichinaman altarpa hawanmanta nina sansata hinaykuspan kay pachaman wikutiykamurqa hinaptinmi rayokuna, qapariykuna, llipyaykuna hinaspa terremoto karurqa.