Apocalipsis 4:7 - CHUYA QELLQA La Biblia en Quechua de Ayacucho 2012

⁷ Punta kaqmi rikchakusqa leonman, iskay kaqñataqmi rikchakusqa malta toroman, kimsa kaqñataqmi kasqa runa hina uyayuq, tawa kaqñataqmi rikchakusqa pawachkaq ankaman.

Quechua Ayacucho Bible 1987

⁷ Punta kaq animalmi rikchakurqa leonman, hukninñataqmi rikchakurqa novilloman, kimsa kaqñataqmi kasqa runa hina uyayoq, tawa kaqñataqmi rikchakurqa pawachkaq *f**aguilaman.

Chuya Qellqa 1992

⁷ Punta kaqmi rikchakusqa leonman, iskay kaqñataqmi rikchakusqa malta toroman, kimsa kaqñataqmi kasqa runa hina uyayuq, tawa kaqñataqmi rikchakusqa pawachkaq ankaman.

Apocalipsis 4:7 Iomraidhean Croise

Génesis 49:9

Churilláy Judá, uña león hinam qamqa kanki, hapimusqaykiwan saksaspam waqtapanki. Hatun león hinaraq kurkuykuspa siriykuptiki ¿pitaq rikchachisunkiman?

2~Samuel 1:23

Saulwan Jonatanqa kuyachikuqmi karqaku, paykunaqa waylluchikuqmi karqaku, haykapipas manam rakinakurqakuchu, kuskankum wañukunkupas; ankakunamantapas mastaraqmi kallparqaku, leonkunamantapas aswan kallpasapam karqaku.

Proverbios 28:2

Mana allin ruwaypa huntasqan llaqtapiqa achkallañam kamachikuqkunapas, yachaywan kamachikuqmi ichaqa allinta takyachin.

Isaías 40:31

Tayta Diosman hapipakuqkunam ichaqa musoq kallpayuq kanqaku, anka hinaraqmi pawarinqaku, kallpaspankupas manam saykunqakuchu, purispankupas manam pisipanqakuchu.

Ezequiel 1:10

Uyankupas kaynam kasqa: Ñawpaqmanmi runapa uyanman rikchakusqa, alleq lawmanmi leonpa uyanman rikchakusqa, ichoq lawmanmi toropa uyanman rikchakusqa, qepamanñataqmi ankapa uyanman rikchakusqa.

Ezequiel 1:8

Paykunaqa tawa uyayuq hinaspa tawa raprayuq kaspapas sapakamam tawan waqtanpi runapa makin hina makiyuqkama kasqaku. Chay makinkuqa kasqa raprankupa ukunpim.

Ezequiel 10:14

Chay querubinkunaqa sapakamam tawa uyayuq kasqaku: Punta kaq uyanmi toropa uyanman rikchakusqa, iskay kaqmi runapa uyanman rikchakusqa, kimsa kaqmi leonpa uyanman rikchakusqa, tawa kaqñataqmi ankapa uyanman rikchakusqa.

Ezequiel 10:21

Paykunaqa sapakamam kasqaku tawa uyayuq chaynataq tawa raprayuq; raprankupa ukunpiñataqmi kasqa runapa makinman rikchakuq.

Daniel 7:4

Punta kaq animalmi huk leonman rikchakusqa, ichaqa anka hina raprayuqmi kasqa. Chayta qawachkaptiymi raprankunata chutaruspanku pampamanta hatarirachiptinku runa hinaña iskaynin chakinwan sayarqa, hinaspam runa hina sonqoyuqña rikurirurqa.

Abdías 1:4

Ichaqa anka hinaña altoman hoqarikuruptikipas, chaskakunapa chawpinpiña qesachakuruptikipas, chaymantam wichichimusqayki, Tayta Diosmi chaynata nin.

Números 23:24

Kay llaqtaqa león hinam hatarichkan, león hinam chutaparikuchkan. Manam samaykunqachu wañuchisqanta mikuruspan yawarninta llaqwanankama, nispa.

Números 24:9

Israelqa león hinaraqmi kurkuykunpas, china león hinaraqmi waqtapanpas, ¿pitaq rikchachiyta atinman? ¡Bendecisuqnikikuna bendecisqa kachun! ¡Ñakasuqnikikuna ñakasqa kachun! nispa.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

Deuteronomio 28:49

Tayta Diosmi kay pachapa patanpi kaq nacionta contraykichikpi pusamunqa. Paykunam pawachkaq anka hinaraq hamunqaku; rimayninkutapas manam entiendenkichikchu.

Apocalipsis 4:6

Trononpa ñawpaqninpiñataqmi kasqa cristal hina chuyay-chuyay lamar qocha. Chay tronopa waqtanpi hinaspa muyuriqninpiñataqmi kasqa tawa kawsaqkuna, chay kawsaqkunaqa kasqa qepanpi hinaspa ñawpaqninpi achkallaña ñawiyuqkamam.

Apocalipsis 6:3

Iskay kaq sellota Cordero kichaykuptinñataqmi kawsaqkunamanta iskay kaqpa “¡Hamuy!” nisqanta uyarirqani.

Apocalipsis 6:5

Kimsa kaq sellota Cordero kichaykuptinñataqmi kawsaqkunamanta kimsa kaqpa “¡Hamuy!” nisqanta uyarirqani. Hinaptinmi qawarispay huk yana caballota rikururqani, sillakuqninmi huk balanzata hapichkasqa.

Apocalipsis 6:7

Tawa kaq sellota Cordero kichaykuptinñataqmi, kawsaqkunamanta tawa kaqpa “¡Hamuy!” nisqanta uyarirqani.