Apocalipsis 4:6 - CHUYA QELLQA La Biblia en Quechua de Ayacucho 2012

⁶ Trononpa ñawpaqninpiñataqmi kasqa cristal hina chuyay-chuyay lamar qocha. Chay tronopa waqtanpi hinaspa muyuriqninpiñataqmi kasqa tawa kawsaqkuna, chay kawsaqkunaqa kasqa qepanpi hinaspa ñawpaqninpi achkallaña ñawiyuqkamam.

Quechua Ayacucho Bible 1987

⁶ Tiyananpa ñawpaqninpiñataqmi kachkasqa cristal hina chuyay-chuyay lamar qocha. Diospa tiyananpa chawpinpiwan muyuriqninpiñataqmi kachkasqa tawa animalkuna, chay animalkunaqa kasqa qepanpi hinaspa ñawpaqninpi achkallaña ñawiyoqmi.

Chuya Qellqa 1992

⁶ Trononpa ñawpaqninpiñataqmi kasqa cristal hina chuyay-chuyay lamar qocha. Chay tronopa waqtanpi hinaspa muyuriqninpiñataqmi kasqa tawa kawsaqkuna, chay kawsaqkunaqa kasqa qepanpi hinaspa ñawpaqninpi achkallaña ñawiyuqkamam.

Apocalipsis 4:6 Iomraidhean Croise

1~Reyes 7:23

Ruwarqataqmi bronceta chulluchispa hatun ruyru estanquetapas. Huknin patanmanta huklawnin patankamam karqa tawa metro parten, sayayninñataqmi karqa iskay metro cuarton, muyuriqninmi chunka kimsayuq metro parten karqa.

Jobwan Sutichasqa Libro 28:17

Qoripas cristalpas manam yachaymanqa igualanchu, qorimanta suma-sumaq alhajakunawanpas manam yachaytaqa truecachwanchu.

Éxodo 38:8

Diosman asuykuna carpapa punkunpi servikuq warmikunapa bronce espejonkunamantam huk lavatoriota Bezaleel ruwarqa, chay lavatoriopa tiyananpas hina broncellamantam karqa.

Ezequiel 10:12

Paykunapaqqa cuerponkupas, wasankupas, makinkupas, raprankupas hinaspa ruedakunapas kanchariypa huntasqanmi kasqaku.

Ezequiel 10:14

Chay querubinkunaqa sapakamam tawa uyayuq kasqaku: Punta kaq uyanmi toropa uyanman rikchakusqa, iskay kaqmi runapa uyanman rikchakusqa, kimsa kaqmi leonpa uyanman rikchakusqa, tawa kaqñataqmi ankapa uyanman rikchakusqa.

Apocalipsis 14:3

Paykunam musoq takita takirqaku, tronopa ñawpaqninpi, tawa kawsaqkunapa hinaspa ancianokunapa qayllanpi. Chay takitaqa manam pipas yachayta atirqakuchu, aswanqa pachak tawa chunka tawayuq waranqa kay pachamanta rantisqa runakunallam yacharqaku.

Apocalipsis 15:2

Rikurqanitaqmi ninawan chaqrusqa cristal kaqlla lamar qochatapas. Rikurqanitaqmi manchakuypaq animaltawan imagennintapas chaynataq marcantawan sutinpa numeron mana chaskispa venceqkunatapas, paykunaqa chay cristal kaqlla lamar qochapa patanpim Diospa qosqan arpantinkama sayachkasqaku.

Apocalipsis 15:7

Runaman rikchakuq tawan kawsaqkunapa hukninmi qanchis angelkunaman qoykarirqa qorimanta copakunata, chay copakunaqa kasqa Diospa piñakuyninwan huntasqam, payqa wiña-wiñaypaq kawsaqmi.

Apocalipsis 19:4

Hinaptinmi iskay chunka tawayuq ancianokunapiwan chay tawa kawsaqkuna qonqorakuykuspanku trononpi tiyaq Diosta hatunchaspanku kaynata nirqaku: ¡Amén! ¡Aleluya! nispanku.

Apocalipsis 21:11

Chay llaqtaqa Diospa kanchayninwanmi achkirichkasqa, achkiriyninqa kasqa suma-sumaq jaspe alhaja rumipa achkiriynin hinaraqmi, chayqa kasqa Cristal hina rikukuqmi.

Apocalipsis 21:18

Chay llaqtapa muyuriqnin perqakunaqa kasqa jaspe alhaja rumiwan perqasqam, llaqtañataqmi kasqa qori puromanta cristalman rikchakuq.

Apocalipsis 21:21

Chunka iskayniyuq punkukunaqa kasqa chunka iskayniyuq perlaskunam; sapa punkukunaqa huk perlasllamanta ruwasqam kasqa. Llaqtapa callenñataqmi kasqa qori-puromanta cristal hina kanchariq.

Apocalipsis 22:1

Huk angelmi chuyay-chuyay mayuta qawaykachiwarqa, chay mayuqa kawsay yakum kasqa. Chay yakuqa kasqa cristal hina chuyay-chuyaymi, chayqa lloqsimusqa Diospa hinaspa Corderopa trononmantam.

Apocalipsis 4:4

Chay tronopa muyuriqninpim iskay chunka tawayuq tronokunata rikurqani, chaypim iskay chunka tawayuq ancianokuna tiyachkasqaku, paykunam yuraq pachayuqkama hinaspa umankupi qorimanta coronayuqkama kachkasqaku.

Apocalipsis 5:11

Rikuruspayñataqmi uyarirqani, trononpa muyuriqninpi achkallaña angelkunapa qapariyninta, chaynallataq kawsaqkunapa hinaspa ancianokunapa qapariyninkutapas. Paykunaqa kasqaku wara-waranqantinmi.

Apocalipsis 5:14

Chay tawa kawsaqkunañataqmi nirqaku: ¡Amén! nispa. Iskay chunka tawayuq ancianokunañataqmi qonqorakuykuspanku hatuncharqaku.

Apocalipsis 5:6

Hinaptinmi Diospa trononpa chawpinpi hinaspa tawa kawsaqkunapa chawpinpi chaynataq ancianokunapa chawpinpi rikurqani huk Cordero sayachkaqta, payqa maqapasqa hinam kasqa. Chay Corderoqa kasqa qanchis waqrayuqmi hinaspa qanchis ñawiyuqmi. Chay ñawinkunaqa tukuy kay pachaman kachasqa Diospa qanchis espiritunkunam.

Apocalipsis 5:8

Chay rollota chaskiykuptinñataqmi chay tawan kawsaqkuna iskay chun-ka tawayuq ancianokunapiwan Cor-deropa qayllanpi qonqorakuykurqaku. Llapallan ancianokunaqa arpayuqkamam apachkasqaku incienso hun-tayuq qorimanta copakunata. Chay inciensoqa chuya llaqtanpa Diosta mañakuyninkum.

Apocalipsis 6:1

Chaymantam rikurqani qanchis sellomanta punta kaq sellota Corderopa kichasqanta, hinaspam uyarirqani chay tawa kawsaqkunamanta hukninpa “¡Hamuy!” nispa rayo hina qaparisqanta.

Apocalipsis 6:6

Chaymi tawa kawsaqkunapa chawpinmanta kayna qayakuyta uyarirqani: “Huk kilo trigollam huk jornalpa chanin qollqepaq kanqa, kimsa kilo cebadapas huk jornal qollqepa chaninmi kanqa. Ichaqa amam usuchinkichu aceitetawan vinotaqa”, nispa.

Apocalipsis 7:11

Llapallan angelkunam sayachkasqaku Diospa trononpa, ancianokunapa hinaspa tawa kawsaqkunapa muyuriqninpi. Chay angelkunam Diospa trononpa ñawpaqninpi pampakama kumuykuspanku payta yupaycharqaku:

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.