Apocalipsis 4:2 - CHUYA QELLQA La Biblia en Quechua de Ayacucho 2012

² Chaypunillam Espiritupa atiyninwan huntasqa rikurirurqani, hinaspam rikururqani hanaq pachapi tronota chaynataq tronopi huk tiyaqtapas.

Quechua Ayacucho Bible 1987

² Chaypunillam rikurirurqani Espiritupa kallpanchasqan hinaspam rikururqani hanaq pachapi tiyanata, chaypiqa Diosmi tiyachkasqa.

Chuya Qellqa 1992

² Chaypunillam Espiritupa atiyninwan huntasqa rikurirurqani, hinaspam rikururqani hanaq pachapi tronota chaynataq tronopi huk tiyaqtapas.

Apocalipsis 4:2 Iomraidhean Croise

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

Isaías 6:1

Rey Uziaspa wañukusqan watapim, Tayta Diosta alto-alto trononpi tiyachkaqta rikurqani, pachanpa patankunatapas temploman huntaykuqta.

Jeremías 17:12

Ñoqanchikpa yupaychananchik temploqa Tayta Diospa trononmi, qallariymantapacham alto-altopi kachkan, chay sitioqa kuyayllapaqmi.

Ezequiel 1:26

Chay bovedapa hawanpiñataqmi, zafiromanta ruwasqa tronoman rik-chakuqta rikurqani, chay tronopa hawan-pim runaman rikchakuq kachkasqa.

Ezequiel 1:28

Chay muyuriqninpi kanchariymi kasqa paramuptin puyu ukumanta rikurimuchkaq chirapa hina. Chaynatam Tayta Diospa kanchariynin ñoqaman rikuriykuwarqa. Chayta rikuruspaymi qonqoranpa pampaman kumuykurqani. Chaymantam rimapayamuwasqanta uyarirqani.

Ezequiel 10:1

Chaymantam chay querubinkunapa hawanpi kaq bovedapi, zafiro rumimanta ruwasqa tronoman rikchakuqta rikurqani.

Daniel 7:9

Qawachkaptillaymi reypa trononkuna churasqa karqa. Hinaptinmi huknin tronopi huk Yuyaq runa tiyaykurqa. Paypaqqa pachanpas riti hina yuraq-yuraqmi kasqa, chukchanpas algodón hina yuraq-yuraqmi kasqa, trononpas lenwachkaq nina hinam kasqa, trononpa ruedankunapas rawrachkaq nina hinam kasqa.

Mateo 22:43

Jesusñataqmi nirqa: ¿Imaynanpitaq Davidqa Chuya Espi-ritupa yachachisqan, Cristota Señorwan suticharqa? Davidmi nirqa:

Hebreos 8:1

Tukuy nisqaykunapa yachachikuyninqa kaymi: Sumo sacerdotenchikmi kapuwachkanchik, payqa hanaq pachapim Diospa alleqninpi tiyachkan.

Apocalipsis 1:10

Señorpa punchawninpi, Chuya Espiritupa atiyninwan kachkaspaymi, qepaypi trompetapa nisyu qapariyninta hina uyarirqani

Apocalipsis 12:5

Chay warmiqa qari wawatam wachakururqa, paymi fierro tawnawan hina hatun atiyninwan llapallan nacionkunata kamachinqa. Chay wawata qechuruspankum Diospa hinaspa trononpa qayllanman aparurqaku.

Apocalipsis 17:3

Espiritupim huk ángel purunman aparuwarqa, hinaptinmi huk warmita rikurqani manchakuypaq animalpi silladata, chay animalqa kasqa Dios kamiq qellqakunawan lliw cuerponpi qellqasqam chaynataq qanchis umayuq hinaspa chunka waqrayuqmi.

Apocalipsis 19:4

Hinaptinmi iskay chunka tawayuq ancianokunapiwan chay tawa kawsaqkuna qonqorakuykuspanku trononpi tiyaq Diosta hatunchaspanku kaynata nirqaku: ¡Amén! ¡Aleluya! nispanku.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 21:10

Chuya Espiritum hatun alto orqoman aparuwarqa, hinaspam Jerusalén chuya llaqtata qawaykachiwarqa, chay llaqtaqa Diospa qayllan hanaq pachamantam uraykamuchkasqa.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.

Apocalipsis 3:21

Pipas venceqtaqa ñoqawan kuskatam tronoypi tiyachisaq, imaynam ñoqapas vencesqayrayku Taytaywan kuska trononpi tiyaykusqayta hina.

Apocalipsis 4:10

iskay chunka tawayuq ancianokuna wiña-wiñay kawsaqpa otaq tronopi kaqpa qayllanpi qonqorakuspanku coronankuta ñawpaqninman churaykuspanku kaynata yupaychasqaku:

Apocalipsis 4:5

Chay tronomantam lloqsimusqa llipyakuna, rayokuna hinaspa qapariykuna. Trononpa ñawpaqninpiñataqmi rupachkasqa qanchis mecherokuna, chaykunaqa kasqa Diospa qanchis espiritunkunam.

Apocalipsis 4:9

Runaman rikchakuq chay kawsaqkuna, trononpi tiyaq wiña-wiñaypaq kawsakuq Diosta sapa kuti yupaychaspa hinaspa hatunchaspa graciasta qoptinkuñataqmi,

Apocalipsis 5:1

Chay trononpi tiyaqpa alleq lawninpim rikurqani huk rollota hawanpipas ukunpipas qellqasqata hinaspa qanchis sellowan selloykuspa wichqasqata.

Apocalipsis 5:13

Hanaq pachapi, kay pachapi, uku pachapi hinaspa lamar qochapi kaqkunata tukuy ima unanchasqankunapa kayna nisqantam uyarirqani: “Trononpi tiyaqwan chaynataq Corderoyá wiña-wiñaypaq qapaqchasqa, yupaychasqa, hatunchasqa, chaynataq atiyniyuqpaq hapisqa kachun”, niqta.

Apocalipsis 6:16

Paykunam orqokunatawan qaqakunata nirqaku: “Tronopi tiyaqpa chaynataq Corderopa piñakuyninmanta pakaykuwanaykiku-paqyá hawaykuman tuñiykamuy.