Apocalipsis 4:11 - CHUYA QELLQA La Biblia en Quechua de Ayacucho 2012

¹¹ “Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.

Quechua Ayacucho Bible 1987

¹¹ Señor Diosllayku, qamllam kanki tukuy atipayniyoq adorana hinaspa yupaychana Diosqa. Qanmi unancharqanki tukuy ima kaqkunataqa. Munaynikiman hina unanchaptikim kachkan tukuy imakunaqa.

Chuya Qellqa 1992

¹¹ “Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.

Apocalipsis 4:11 Iomraidhean Croise

Génesis 1:1

Tukuy imapa qallariyninpiqa Diosmi unancharqa hanaq pachatawan kay pachata.

2~Samuel 22:4

Tayta Diostam ñoqallayqa qayakusaq, payllam yupaychana Diosqa, paymi enemigoymanta salvaykuqniyqa.

Nehemías 9:5

Chay-mantam levitakunamanta Josueywan Cadmiel, Bani, Hasabnías, Serebías, Hodías, Seba-nías hinaspa Petaías, kaynata nirqaku: Hatarispa wiñaymanta wiñaykama yupaychasqanchik Tayta Diosta hatun-chaychik. Dios Taytallayku, tukuy imamantapas aswanqa sutikiyá hatunchasqa kachun.

Jobwan Sutichasqa Libro 36:3

Allin yachasqaykunatam rimarisaq, unanchaqniypa cheqap kasqantam qawachisqayki.

Éxodo 20:11

Soqta punchawpim cielokunata, kay pachata, lamar qochata chaynataq chaypi tukuy ima kaqkunatapas unancharqani. Qanchis punchawpiñataqmi samarqani, hinaspam chay punchawta bendecispay sapaqcharqani.

Proverbios 16:4

Tayta Diosqa munasqanman hinam imakunatapas ruwarqa, mana allin ruwaq runatapas mana allin punchawpaqmi ruwarqa.

Isaías 40:26

Hanaq pachata qawariychik, ¿Pitaq wakkunata unancharqa? Chaskakunata tropata hina yupaspa hurqomuqmi, sapakamata sutinmanta qayaqmi, chulla chaskapas mana chinkachiqmi. Paypaqqa atiyninpas kallpanpas ancha hatunmi.

Isaías 40:28

¿Manachu yacharqanki? ¿Manachu uyarirqanki? Tayta Diosqa wiña-wiñaypaq kawsaq Diosmi, payqa kay pachata unanchaqmi, manam hukmanyanchu nitaqmi pisipanchu, yachayninpas mana haypay atinam.

Jeremías 10:11

Israelpa mirayninkuna, chay mana reqsiwaqniy nacionkunata kaynata nimuychik: Kay pachatawan hanaq pachata mana unanchaq dioskunaqa, kay pachamantam chinkachisqa kanqaku, manam mayqanninpas puchunqachu, nispaykichik.

Jeremías 32:17

¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Hechos 14:15

¡Runamasillaykuna! ¿Imanasqataq kayta ruwachkankichik? Ñoqaykuqa qamkuna hina runallam kaniku, hamurqanikuqa cheqap kawsaq Diosmanta willakuqmi, chaynapi tukuy mana allin ruwaynikichikta saqespa kawsaq Diosman kutirikunaykichikpaq. Paymi unancharqa kay pachata, hanaq pachata, lamar qochata, hinaspa chaykunapi tukuy ima kaqkunatapas.

Hechos 17:24

Chay Diosmi kay pachatapas chaynataq chaypi tukuy ima kaqkunatapas unancharqa, payqa kay pachapipas chaynataq hanaq pachapipas Diosmi, manam runakunapa ruwasqan templopichu yachan,

Romanos 11:36

Tukuy imapas Diosmantam hamun, pay kaptinmi, paypaqtaqmi tukuy imapas kachkan. Payllayá wiña-wiñaypaq qapaqchasqa kachun. Amén.

Efesios 3:9

Tukuy imapas unanchaq Diosmi qallariymantapuni kikillanpaq waqaychakusqanta, llapallanman willakunaypaq kunaykuwarqa.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Hebreos 1:10

Nirqataqmi: Señorlláy, kay pachatam qallariyninpi cimientarqanki, hanaq pachatapas makikiwanmi ruwarqanki.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.

Apocalipsis 1:6

Paymi reykunataña hinaspa sacerdotekunataña churaykuwanchik, Taytanta servinanchikpaq. Paytayá qapaqchasunchik hinaspa hatunchasunchik wiña-wiñaypaq. Amén.

Apocalipsis 10:6

hinaspam cielokunapas, kay pachapas, lamar qochapas chaynataq chaykunapi kaq tukuy imapas unanchaq wiña-wiñaypaq kawsaq Diosrayku jurarqa: Manañam unamunqañachu,

Apocalipsis 14:7

Hatunmanta qaparispanmi nirqa: Diostayá manchakuywan qapaqchaychik, juzganan horam chayaramunña, hanaq pachatapas kay pachatapas, lamar qochatapas hinaspa pukyukunatapas unanchaqtayá yupaychaychik, nispa.

Apocalipsis 19:1

Chaykunapa qepantam yaqa achka runakunapa qapariyninta hina, hanaq pachapi kayna hatun qapariykunata uyarirqani: ¡Aleluya! Diosllanchikpam salvacionpas, atiypas, hatunchasqa kayninpas.

Apocalipsis 5:12

Paykunam qaparispa nirqaku: “Sacrificasqa kaq Corderollam, munaychakuyta, apu kayta, yachayta, kallpata, hatunchasqa kayta, qapaqchasqa kayta, chaynataq yupaychasqa kayta chaskinanpaq hinaqa”, nispanku.

Apocalipsis 5:2

Rikurqanitaqmi huk atiyniyuq angeltapas, paymi qaparispan tapukurqa: ¿Pitaq kay rollota kichananpaq chaynataq sellosqakunatapas paskananpaq hina kanman? nispa.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.