Apocalipsis 3:9 - CHUYA QELLQA La Biblia en Quechua de Ayacucho 2012

⁹ Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.

Quechua Ayacucho Bible 1987

⁹ *f**Satanaspa huñunakuyninpi llullakuspan “Judiom kani” niqkunatapas ñoqam qonqorachisaq qayllaykipi, chaynapim yachanqaku qam kuyasqayta.

Chuya Qellqa 1992

⁹ Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.

Apocalipsis 3:9 Iomraidhean Croise

Ester 8:17

Reypa kamachikusqan decreto chayasqan provinciakunapiwan llaqtakunapim, llapa judiokuna anchallataña kusikuspanku convidokunata hinaspa fiestakunata ruwarqaku. Huklaw llaqtayuq runakunapas judiokunata manchakusqankuraykum judío kaymanña tikrakurqaku.

Éxodo 11:8

Hinaptinmi llapallan serviqnikikuna ñoqaman hamuspa, ñawpaqniypi qonqorakuykuspa niwanqaku: “Llapallan runaykikunapiwan kaymanta lloqsiy”, nispanku. Chaymantañam lloqsisaq. Chaynata niruspanmi Faraonpa ñawpaqninmanta llumpay piñasqallaña Moisés lloqsirqa.

Isaías 43:4

Qamtaqa allinpaqmi qawayki ancha kuyasqaymi kanki, rantikipim runakunata pagarqani, vidaykiraykum nacionkunata qoykurqani.

Isaías 45:14

Tayta Diosmi kaynata nin: Egipto allpapi qespiq kawsaykunapas, Etiopía nacionpa kapuqninkunapas, Sabá llaqtayuq hatunkaray runakunapas, qampañam kanqaku. Qepaykitam cadenasqa rinqaku, ñawpaqnikipim qonqorakuspanku mañakusunki: “Cheqaptapunipas Diosmi qanwan kachkan, paymanta sapaq Diosqa manam kanchu”, nispanku.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku, nispa.

Isaías 60:14

Ñakarichiqnikikunapa churinkunam uchuychakuspanku ñawpaqnikiman hamunqaku, usuchisuqnikikunam ñawpaqnikipi qonqoranqaku, paykunam sutichasunki: “Tayta Diospa llaqtan, Israelpa Chuya Diosninpa Sión llaqtan”, nispanku.

Juan 17:23

Ñoqam paykunapi kachkani, qamñataqmi ñoqapi, chaynapi paykunaqa hukllaña ka-nankupaq, chaynapim runakuna yachan-qaku qampuni kachamuwasqaykita, yachanqakutaqmi kuyawasqaykita hina paykuna kuyasqaykitapas.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

1~Samuel 2:36

Chaymi pipas aylluykimanta kawsasparaq qepaqqa, ñawpaqninpi qon-qorakuykuspan ninqa: “Ama hina kaspaykiyá asllaña pagawanayki kaptinpas otaq parten tantallaña qowanayki kaptinpas, sacerdotekunaman hina llamkayta qoykullaway, chaynapi asllatapas mikunaypaq”, nispa.