Apocalipsis 3:3 - CHUYA QELLQA La Biblia en Quechua de Ayacucho 2012

³ Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.

Quechua Ayacucho Bible 1987

³ Yuyariy uyarispa chaskisqaykita hinaspayá kasukuspa huchaykikunamanta wanakuy. Mana rikchariptikiqa suwa hinam mana yachasqayki horallata hamurusqayki.

Chuya Qellqa 1992

³ Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.

Apocalipsis 3:3 Iomraidhean Croise

Ezequiel 20:43

Chaypim tukuy mana allinkuna ruwasqaykichikta yuyarispa ñakakunkichik, tukuy mana allin ruwasqaykichikraykum kikikichikmantapunipas millakunkichik.

Ezequiel 36:31

Chaynapim qamkunaqa mana allin kawsasqaykichiktawan mana allin ruwasqaykichikta yuyarinkichik, hinaspam mana allinkunata ruwaspa huchallikusqaykichikmanta penqakunkichik.

Mateo 25:13

Chaynaqa, rikchan-rikchanllayá kaychik, manam yachankichikchu ima punchawmi otaq imay horatam runapa Churin hamunantapas, nispa.

Marcos 13:33

Chaynaqa, rikchan-rikchanlla kaspayá Diosta mañakuychik, manam yachankichikchu haykapim kutimunayta.

Marcos 13:36

Yanqañataq qonqaymanta chayaramuspan puñuchkaqta tariramusunkichikman.

1~Tesalonicenses 5:2

Yachasqaykichikpi hinapas mana yachasqanchik punchawpim Señorqa hamunqa, payqa hamunqa tutallan suwa hamuchkaq hinam.

1~Timoteo 6:20

Timoteo, imam yachasqaykikunatayá sonqoykipi takyachiy, amayá mana pasaq rimaykunataqa chaskiychu nitaq iñisqanchikpa contranpi: “Ñoqaykuqa yachaywanmi rimaniku”, nispa rimaqkunatapas.

2~Timoteo 1:13

Ñoqamanta allin yachachikuy chaskisqaykiman hinayá iñiypi Cristo Jesuspa kuyakuyninpi kawsay.

Hebreos 2:1

Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan.

2~Pedro 1:13

Kawsanaykamaqa deberniymi kaykunamanta qamkunata rimapayaspa qaqchanay.

2~Pedro 3:1

Kuyasqay wawqe-panillaykuna, kaywanqa iskay cartatañam apachimuykichik, kay cartakunawanmi allin tanteoyuq kanaykichikpaq kallpanchamuykichik.

2~Pedro 3:10

Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.

Apocalipsis 16:15

Ñoqaqa qonqayllatam suwa hina kutiramusaq. Mayna kusisqam rikchan-rikchanlla kaqqa chaynataq pachanku waqaychaqkunapas, chaynapi mana qalalla purinankupaq nitaq penqayninkupas rikukunanpaq.

Apocalipsis 2:25

Ichaqa imam kapusuqnikichiktam kutimunaykama hatallinaykichik.

Apocalipsis 2:5

Chaynaqa, maymantam wichisqaykita yuyarispayá Diosman kutirikuy, hinaspayki punta ruwasqaykikunata huktawan ruway, sichum mana wanakuptikiqa qanman chaylla kutirimuspaymi candelabroykita maymi kasqanmanta qechurusaq.

Apocalipsis 22:7

¡Chayllam hamusaq! ¡Mayna kusisqam kay libropi qellqasqaman hina Diospa willakusqan kasukuqkunaqa! nispa.

Apocalipsis 3:11

Chayllam hamusaq. Kapusuqnikitayá takyachiy coronaykita mana pipas qechusunaykipaq.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.

Apocalipsis 3:2

Rikcharispayá imapas wañuy patanpiña kaqkunata kawsarichiy. Rikurqanitaqmi imam ruwasqaykiqa Diospa mana munasqanman hina kasqantapas.