Apocalipsis 3:2 - CHUYA QELLQA La Biblia en Quechua de Ayacucho 2012

² Rikcharispayá imapas wañuy patanpiña kaqkunata kawsarichiy. Rikurqanitaqmi imam ruwasqaykiqa Diospa mana munasqanman hina kasqantapas.

Quechua Ayacucho Bible 1987

² Rikcharispayá wakin kapusuqnikikunata takyachiy, chaykunapas chinkaruchkanñam. Rurasqaykikunatapas manam Diospa munasqanman hinachu tarirqani.

Chuya Qellqa 1992

² Rikcharispayá imapas wañuy patanpiña kaqkunata kawsarichiy. Rikurqanitaqmi imam ruwasqaykiqa Diospa mana munasqanman hina kasqantapas.

Apocalipsis 3:2 Iomraidhean Croise

1~Reyes 11:4

Yuyaqyaruptinmi Salomonta chay warminkuna sapaq dios-kunataña yupaychachirqaku, chaynapim payqa mana taytan David hinachu tukuy sonqonwan Tayta Diosman hapipakurqa.

1~Reyes 15:3

Abiampas taytanpa imaynam hucha ruwasqanta hinam ruwarqa. Yupaychasqan Tayta Diostapas hawa sonqollam servirqa, paypa sonqonqa manam ñawpaq taytan Davidpa sonqon hinachu karqa.

2~Crónicas 25:2

Rey Amasiasqa Tayta Diospa qayllanpim allinkunata ruwarqa, ichaqa manam tukuy sonqonwanchu.

Jobwan Sutichasqa Libro 16:5

Ñoqaqa rimaspallaypas kallpanchaykichikmanmi, sumaq rimaykunawancha nanaynikichikta samaykachiyman.

Isaías 35:3

Wañunayaqkunatayá kallpanchaychik, pisipasqakunatayá kallpanchaychik.

Isaías 56:10

Llaqtay nanachikuqkunaqa ñawsakunam, mana imallatapas yachaqkunam, llapallankupas mana rimariq allqokunam, mana anyakuy atiq allqokunam, wischurayaspa puñuywan arwitakuqkunam, puñukuylla kuyaqkunam.

Isaías 57:12

Imaynam kawsasqaykitam willakachakusaq, chay ruwasqaykikunaqa manam imapipas yanapasunkichu.

Ezequiel 34:16

Chinkasqa ovejakunatam maskamusaq, chullaruqtam kutichimusaq, chakin pakisqakunatam wataykusaq, eqoyasqakunatam marqarikusaq. Poqosqakunatawan kallpasapankunatam ichaqa puchukarachisaq, imam kaqman hinam michisaq.

Daniel 5:27

TEKEL ninanqa: Balanzapi pesasuptikim qamqa mana llasaqña kachkanki, ninanmi.

Zacarías 11:16

Kunanmi kay nacionpi huk michiqta churasaq, chinkasqa ovejakunapas paytaqa manam imapas qokunqachu, uñachankunatapas manam maskamunqachu, chaki pakisqakunatapas manam hampiykunqachu, pisipasqakunatapas manam marqarinqachu, aswanmi poqosqan kaqkunata situntawanpas mikurunqa.

Mateo 23:5

Imatapas ruwanku runakuna qawanallanpaqmi. Qellqapi kaqkunatam as-asta qellqaruspa cajachakunaman churaruspa urkunkuman hinaspa makinkuman watakuyta gustanku, pachankupa patankunapipas hatun pomponkunataraqmi warkurunku.

Mateo 25:13

Chaynaqa, rikchan-rikchanllayá kaychik, manam yachankichikchu ima punchawmi otaq imay horatam runapa Churin hamunantapas, nispa.

Mateo 25:7

Hinaptinmi chay sipaskunaqa hatarispanku mecheronkuta alistarqaku.

Hechos 18:23

Chaypi tardarispanmi, huktawan pasaspan Galacia lawkunapi hinaspa Frigia lawkunapi purirqa llapa iñiqkunata kallpanchastin.

Deuteronomio 3:28

Josueyta yachachiy hinaspa kallpanchay. Paymi runakunapa ñawpaqninta rispan qawamunayki allpata paykunaman partenqa”, nispa.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

Apocalipsis 16:15

Ñoqaqa qonqayllatam suwa hina kutiramusaq. Mayna kusisqam rikchan-rikchanlla kaqqa chaynataq pachanku waqaychaqkunapas, chaynapi mana qalalla purinankupaq nitaq penqayninkupas rikukunanpaq.

Apocalipsis 2:4

Ichaqa kaymi contraykipi kachkan: Manañam puntata hinañachu kuyawanki.

Apocalipsis 3:1

Sardis llaqtapi iglesiapa angelninman kaynata qellqay: Diospa qanchis espirituntawan qanchis chaskankunata hatalliqmi kaynata nin: Ñoqaqa yachanim imam ruwasqaykikunata, “Kawsachkanmi” nichkaptinkupas wañusqam kachkanki.

Apocalipsis 3:3

Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.