Apocalipsis 3:15 - CHUYA QELLQA La Biblia en Quechua de Ayacucho 2012

¹⁵ Ñoqaqa yachanim tukuy ruwasqaykita, manam chirichu nitaq rupaqchu kanki. ¡Ima allincha kanman rupachkaq kaptikiqa otaq chiri kaptikipas!

Quechua Ayacucho Bible 1987

¹⁵ Ñoqaqa yachanim tukuy rurasqaykita, manam chirichu nitaq rupaqchu kanki. ¡Ima allincha kanman rupaq kaptikiqa otaq chiri kaptikiqa!

Chuya Qellqa 1992

¹⁵ Ñoqaqa yachanim tukuy ruwasqaykita, manam chirichu nitaq rupaqchu kanki. ¡Ima allincha kanman rupachkaq kaptikiqa otaq chiri kaptikipas!

Apocalipsis 3:15 Iomraidhean Croise

1~Reyes 18:21

Eliasmi llapa runakunaman asuykuspan nirqa: ¿Haykapikamataq iskayrayaspa kankichik? Sichum Tayta Dios cheqap Dios kaptinqa paytayá qatiychik, sichum Baal dios kaptinqa paytañayá qatiychik, nispa. Hinaptinmi runakunaqa mana imatapas rimarirqakuchu.

Proverbios 23:26

Churilláy, sonqoykitayá qoykuway ñawikipas ñanniykunatayá qawachun.

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Oseas 7:8

Efrainmi huklaw nacionkunawan taqrukurun, huklawllan chayasqa tortilla hinam rikurirun.

Mateo 10:37

Pipas tayta-mamanta ñoqamanta masta kuyaqqa manam ñoqapaq hinachu, pipas wawa-churinta ñoqamanta masta kuyaqqa manataqmi ñoqapaq hinachu.

Mateo 24:12

Tukuy mana allin ruwaykuna llumpayta mirarusqanraykum achkaqpa kuyakuyninpas chirirunqa.

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Romanos 12:11

Kallpanchakuychikyá, ama qellaqa kaychikchu, tukuy sonqoykichikwan Señorninchikta serviychik;

1~Corintios 16:22

Pipas Señor Jesucristota mana kuyaqqa ñakasqayá kachun. ¡Maranatha!

2~Corintios 12:20

Qamkunaman ha-muspayqa ichapas mana sonqoypaq hinachu tariramuykichikman, ñoqapas icha mana sonqoykichikpaq hinachu karuyman. Manchakuchkanim qamkuna ukupi: Liryanakuykuna, envidianakuykuna, piñanakuykuna, kikillanpaq munaq kaykuna, rakinakuykuna, cuento qepi kaykuna, pipapas qepanpi rimaykuna, hatun tukuq kaykuna hinaspa chaqwanakuykuna kananmanta.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Filipenses 1:9

Kaytam mañakuchkani, Diospa kuyakuynin qamkunapi aswan-aswan wiñananpaq chaynataq yachaytawan yuyayta qosunaykichikpaq,

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

Santiago 1:8

Chayna iskayrayaq runaqa tukuy ima ruwasqanpipas manam allintaqa takyanchu.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.

Apocalipsis 2:4

Ichaqa kaymi contraykipi kachkan: Manañam puntata hinañachu kuyawanki.

Apocalipsis 3:1

Sardis llaqtapi iglesiapa angelninman kaynata qellqay: Diospa qanchis espirituntawan qanchis chaskankunata hatalliqmi kaynata nin: Ñoqaqa yachanim imam ruwasqaykikunata, “Kawsachkanmi” nichkaptinkupas wañusqam kachkanki.

Apocalipsis 3:16

Ichaqa qonilla kaspayki, manataq chirichu nitaq rupaqchu kasqaykiraykum simiymanta atqorusqayki.