Apocalipsis 3:12 - CHUYA QELLQA La Biblia en Quechua de Ayacucho 2012

¹² Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.

Quechua Ayacucho Bible 1987

¹² Pipas venceqtaqa Diosniypa templonpa pilarninta hinam rurasaq, chaynata ruraptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi mosoq Jerusalen llaqtapa sutintapas. Chay llaqtaqa hanaq pachamantam uraykamunqa. Qellqasaqtaqmi mosoq sutiytapas.

Chuya Qellqa 1992

¹² Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.

Apocalipsis 3:12 Iomraidhean Croise

1~Reyes 7:21

Chay pilarkunatam templopa hawa law corredorninpi sayarachirqa. Alleq lawpi pilartam suticharqa “Jaquín” nispa, ichoq lawpi kaqtañataqmi “Boaz” nispa.

Isaías 62:2

Nacionkunam allin ruwaq kasqaykita qawanqaku, llapa reykunapas reqsisqa kasqaykitam rikunqaku; Tayta Diospa musoq suti qosusqaykiwan sutichasqam kanki.

Isaías 65:15

Akllakusqaykunaqa sutikichiktapas yuyarinqaku runakunata ñakanallankupaqñam: “Paykunata hinayá Tayta Dios wañuchisunki”, ninankupaq. Serviqniykunatam ichaqa musoq sutiwan sutichasaq.

Jeremías 1:18

Murallasqa llaqtata hinam churayki, fierromanta pilarta hinam churayki, broncemanta murallata hinam churayki, Judá nacionpi reykunapa contranpi, kamachiqninkunapa contranpi, sacerdotenkunapa contranpi, llapa runakunapa contranpi.

Ezequiel 40:49

Chay corredorpa largonmi kasqa soqta metro, anchonñataqmi kasqa chunka metro, chaymanmi qespisqa chunka gradaskuna. Chay pilarkunapa waqtanpim perqakuna kasqa.

Ezequiel 48:35

Chay llaqtapa muyuriqninpi murallam kanqa isqon kilómetro sayayniyuq. Chay punchawmantam chay llaqtapa sutin kanqa: “Jehová-sama”.

Marcos 12:16

Aparamuptinkum paykunata Jesús tapurqa: ¿Pipa uyantaq hinaspa pipa sutintaq kay qollqepi kachkan? nispa. Chaymi paykunañataq nirqaku: Rey Cesarpam, nispanku.

Gálatas 2:9

Jacobowan, Pedro hinaspa Juanmi iñiqkunapa kamachiqninkuna karqaku, paykunam Diospa kuyakuynin qowasqanta yachaykuspanku ñoqatawan Bernabeyta alleq makinkuwan hapiykuwarqaku llamkaqmasinkuña kanaykupaq, hinaspam kamachiwarqaku mana judío kaqkunaman willakunaykupaq, paykunañataq Judío kaqkunaman willakunankupaq, nispa.

Efesios 3:15

Paymantam lliw ayllukuna hanaq pachapi kaqkunapas chaynataq kay pachapi kaqkunapas sutinkuta chaskinku.

Hebreos 12:22

Qamkunam ichaqa asuykurunkichik Sión moqoman, hanaq pachapi kawsaq Diospa Jerusalén llaqtanman, Diosta yupaychanankupaq wara-waranqa angel-kunapa huñunasqa kasqankuman.

Hebreos 13:14

Kay pachapiqa manam wiñaypaq llaqtanchikqa kanchu, chay-mi hamuq llaqtata suyachkanchik.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

Apocalipsis 14:1

Chaymantam rikurqani Sión moqopa hawanpi Cordero sayachkaqta. Paywanmi sayachkasqa pachak tawa chunka tawayuq waranqa runakuna, paykunaqa kachkasqa Corderopa sutinwan hinaspa Taytanpa sutinwan urkunkupi qellqasqakamam.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 2:11

Pipas uyarikuqqa, iglesiakunaman Espiritupa nisqantayá uyarichun. Haykam venceqkunaqa iskay kaq wañuypiqa manam wañunqachu, nispa.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Apocalipsis 21:2

Rikurqanitaqmi Diospa musoq chuya Jerusalén llaqtantapas, chayqa hanaq pacha Diospa qayllanmantam uraykamuchkasqa, chay llaqtaqa novionwan casarakunanpaq sumaqllaña pachasqa novia hinam kachkasqa.

Apocalipsis 22:4

Paykunaqa Diospa uyantam qawanqaku, urkunkupiñataqmi paypa sutin kanqa.

Apocalipsis 3:5

Pipas venceqkunaqa yuraq pachawan pachachisqam kanqaku, sutinkutapas manataqmi kawsay libromantaqa chinkachisaqchu, hinaspam Taytaypa chaynataq angelninkunapa qayllanpi sutinkumanta willakusaq.