Apocalipsis 3:10 - CHUYA QELLQA La Biblia en Quechua de Ayacucho 2012

¹⁰ Pacienciakunaykipaq kamachisqaytam kasuwarqanki, chayraykum ñoqapas hamuq sasachakuykunamanta waqaychasqayki. Chay sasachakuykunaqa hamunqa kay pachapi llapallan runakuna pruebasqa kanankupaqmi.

Quechua Ayacucho Bible 1987

¹⁰ Pacienciakunaykipaq kamachisqaytam kasuwarqanki, chayraykum ñoqapas waqaychasqayki hamuq sasachakuykunamanta. Chay sasachakuykunaqa hamunqa kay pachapi llapallan runakuna pruebasqa kanankupaqmi.

Chuya Qellqa 1992

¹⁰ Pacienciakunaykipaq kamachisqaytam kasuwarqanki, chayraykum ñoqapas hamuq sasachakuykunamanta waqaychasqayki. Chay sasachakuykunaqa hamunqa kay pachapi llapallan runakuna pruebasqa kanankupaqmi.

Apocalipsis 3:10 Iomraidhean Croise

Isaías 24:17

Kay pachapi yachaqkuna, manchakuymi suyasuchkankichik, wichinaykichikpaq trampam listollaña kachkan.

Daniel 12:10

Ach-kallañam kay willasqay ñakariykunataqa pasanqaku, paykunaqa chay ñakariykunawanmi chuyanchasqa kanqaku. Mana allin runakunam ichaqa hina mana allinllata ruwanqaku, paykunaqa manam imatapas entiendenqakuchu, entiendenqakuqa yachayniyuq runakunallam.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Mateo 24:14

Diospa munaychakuyninmanta allin noticiam lliw kay pachapi willakusqa kanqa, chaynapi lliw runa yachananpaq, hinaptinñam tukupayqa hamunqa.

Mateo 26:41

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, cuerpoykichikmi ichaqa mana kallpayuq kachkan, nispa.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Marcos 14:9

Cheqaptapunim nikichik, kay pachapi maypipas Diosmanta allin noticia willakusqa kaptinmi kay warmipa ruwasqanpas willakusqa kanqa, chaynapi paymanta yuyarinankupaq, nispa.

Lucas 2:1

Chay punchawkunapim rey César Augusto kamachikurqa llapallan llaqtakunapi runakuna censasqa kanankupaq.

Juan 17:6

Kay pachamanta qowasqayki runakunamanqa ñam willaniña pim kasqaykita. Paykunaqa qampam karqa chaymi qowarqanki, paykunaqa palabraykitam kasukunku.

Romanos 1:8

Imamantapas puntataqa, iñisqay-kichikmanta tukuy hinastinpi allin-ta willakusqankuta yachaspaymi Jesu-cristopa sutinpi llapallaykichikmanta Diosman graciasta qoni.

1~Corintios 10:13

Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

Efesios 6:13

Chaynaqa, Diospa qosusqaykichik llapallan armankunawanyá pachallikuychik, chaynapi urmachiy munasusqaykichik punchawpi allinta takyanaykichikpaq hinaspa lliwta venceruspaykichik qaqa hina sayanaykichikpaq.

2~Timoteo 2:12

ñakarispaqa paywanmi munaychakusun, payta negaptinchikqa, paypas negaruwasuntaqmi,

Santiago 3:12

Wawqe-panillaykuna, ¿yaqachum higos sachaqa rurunman aceitunasta otaq uvasñataq higosta? Chaynataqmi huk pukyullamantaqa miski yakuwan puchqo yakuqa mana lloqsimunmanchu.

1~Pedro 4:12

Kuyasqay wawqe-panillaykuna, tukuy rikchaq sasachakuykuna hamusuptikichikqa amayá hukmanyaruychikchu yaqa mana allinpas kanman hinaqa.

2~Pedro 2:9

Señorqa yachanmi, sasachakuykunamanta serviqninkuna libraytaqa, mana allin runakunatañataqmi ñakarichisparaq juicio punchawpaq waqaychachkan.

Apocalipsis 1:9

Ñoqa, wawqekichik Juanmi ñakariqmasikichik kani chaynataq Diospa munaychakuyninpi Jesusrayku imapipas pacienciakuqmasikichikmi kani, Diospa palabranmanta hinaspa Jesucristomanta willakusqayraykum Patmos islapi preso karqani.

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.

Apocalipsis 14:12

Kaypim qawachikun Diosllapaqña kawsaqkunapa takyaynin, kamachikuynin kasukuqkuna hinaspa Jesuspi iñiqkunapa pacienciakuyninku, nispa.

Apocalipsis 14:6

Rikurqanitaqmi huk angeltapas cielopa chawpinta pawachkaqta, paymi wiñaypaq kaq allin noticiata apachkasqa kay pachapi llapallan runakunaman, nacionkunaman, ayllukunaman, tukuy rikchaq rimayniyuqkunaman hinaspa llaqtakunaman.

Apocalipsis 16:14

Chaykunaqa kasqa demoniokunapa espiritunkunam. Milagrokunata ruwaspankum kay pachapi llapallan reykuna huñuq lloqsirqaku, huñumurqakuqa Tukuy Atiyniyuq Diospa punchawninpi guerrapi peleanankupaqmi.

Apocalipsis 17:2

Paywanmi kay pachapi reykuna huchapakurqaku, kay pachapi yachaq runakunapas vinowan sinkachkaq hinam chay chuchumikawan huchapakurqaku, nispa.

Apocalipsis 17:8

Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.

Apocalipsis 2:10

Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.

Apocalipsis 3:8

Ñoqaqa yachanim imam ruwasqaykita. Qawariyá punkutam kichaykapuyki, chaytaqa manam pipas wichqanmanchu; pisi kallpayuq kachkaspaykipas pala-braykunatam kasukurqanki, manataqmi sutiytapas negawarqankichu.

Apocalipsis 6:10

Paykunam qaparispa nirqaku: Tukuy Atiyniyuq Dios, qamqa Chuyam kanki, rimasqaykikunapas cheqapmi, ¿haykapikamataq wañuchiwaqniykuta mana juzgankichu hinaspa kay pachapi yachaqkunata mana vengakunkichu? nispanku.

Apocalipsis 8:13

Huk angeltapas rikururqanitaqmi cielopa chawpinta pawachkaqta, paymi kaynata qaparirqa: ¡Ay, ay, ay! ¡Imaynaraq kanqaku kay pachapi kaqkuna, kimsa angelkunapas trompetata tocaykuptinqa! niqta.