Apocalipsis 3:1 - CHUYA QELLQA La Biblia en Quechua de Ayacucho 2012

¹ Sardis llaqtapi iglesiapa angelninman kaynata qellqay: Diospa qanchis espirituntawan qanchis chaskankunata hatalliqmi kaynata nin: Ñoqaqa yachanim imam ruwasqaykikunata, “Kawsachkanmi” nichkaptinkupas wañusqam kachkanki.

Quechua Ayacucho Bible 1987

¹ —Sardispi kaq ñoqamanta willakuqmanyá qellqay kaynata: Diospa qanchis espiritun espirituyoqmi hinaspa qanchis luceron luceroyoqmi nin kaynata: Ñoqaqa yachanim rurasqaykikunata, “Kawsachkanmi” nichkaptinkupas wañusqa hinam kachkanki.

Chuya Qellqa 1992

¹ Sardis llaqtapi iglesiapa angelninman kaynata qellqay: Diospa qanchis espirituntawan hinaspa qanchis chaskankunata hatalliqmi kaynata nin: Ñoqaqa yachanim imam ruwasqaykikunata, “Kawsachkanmi” nichkaptinkupas wañusqam kachkanki.

Apocalipsis 3:1 Iomraidhean Croise

Lucas 15:24

Kay churiyqa wañusqañam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa. Chaymi kusikuyllawanña fiesta ruwayta qallaykurqaku.

Lucas 15:32

Chay-naqa, ¿imanasqataq kay wawqeki kuti-ramusqanmantaqa mana fiestata ruwaspa kusikuchwanchu? Kay wawqekiqa wañusqam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa.

Juan 1:16

Paypa tukuy kapuqninmantam chani-chaninta mana imallapaq chaskinchik.

Juan 1:33

Manam paytaqa reqsirqanichu, ichaqa yakupi bautizanaypaq kachamuwaqniymi niwarqa: “Pimanmi Chuya Espíritu uraykamuspa hawanman tiyaykuqta rikusqaykim Chuya Espirituwan bautizaqqa”, nispa.

Juan 20:22

Chaynata niykuspanmi paykunaman pukuykuspan nirqa: Chuya Espirituta chaskiychik, nispan.

Juan 3:34

Diospa kachamusqanqa Diospa palabrantam willakun, Diosmi paymanqa Espiritunta chaninpi mana pisisqata qon.

Hechos 2:33

Chaynapim Diosqa Jesusta hatunchaykuspan alleq lawninpi chaskiykurqa, Tayta Diospa prometekusqanman hinam Chuya Espirituta Jesús chaskirqa, chay Chuya Espirituntam chaqchurimuwarqanchik, chaytam qawachkankichik hinaspa uyarichkankichik.

Efesios 2:1

Huchaykichikrayku wañusqa hina kachkaptikichikmi Diosqa kawsarichisurqankichik.

Efesios 2:5

huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.

Colosenses 2:13

Ñawpa vidaykichikpim huchaykichikwan hinaspa mana señalasqa kasqaykichikwan wañusqa hina karqankichik. Kunanmi ichaqa tukuy huchaykichikta pampachaykusunkichikña, hinaspam Diosqa kawsarirachisunkichikña Cristotawan kuskata.

1~Timoteo 5:6

Mana allinkunapi puriq viudam ichaqa wañusqa hinaña kachkan.

Santiago 2:26

Cuerponchikpas mana espirituwanqa wañusqam kachkan, chaynam iñiyninchikpas wañusqa kachkan allin kaqkunata mana ruwaptinchikqa.

1~Pedro 1:11

Cristopa Espiritunmi profetakunaman ñawpaqmantaraq yacha-chirqa Cristopa ñakarinanmanta hinaspa chaykuna pasaruptin hatunchasqa kananmanta. Paykunam yachaykuyta munarqaku Cristopa imaynam ñakarinanmanta hinaspa chaykunapa qepanta hatun kusikuy hamunanmanta.

Judas 1:12

Paykunaqa kuyanakuy fiestapi convidoykichiktapas qanrachanmi, qamkunawan kuska mikuspankupas mana penqarikuspam mikunku. Mana allin michiq hinam kikillankuta michikunku. Paykunaqa kanku, kayman chayman wayrapa apaykachasqan mana yakuyuq puyu hinam. Paykunaqa chirawpi mana ruruyuq sapinmanta chutasqa sacha hina iskaykama wañusqam kachkanku.

Apocalipsis 1:11

kayna niqta: Ñoqam kani Qallariypas Tukupaypas. Kay qawasqaykitayá huk libropi qellqaspa Asia lawpi kaq qanchisnintin llaqtakunapi iglesiakunaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman hinaspa Laodiceaman, nispa.

Apocalipsis 1:16

Alleqnin lawpim kasqa qanchis chaskakuna, siminmantañataqmi lloqsirqa iskay lawnin filoyuq ñawchi espada, uyanpas kasqa chawpi punchawpi intipa kanchaynin hinaraqmi.

Apocalipsis 1:20

Alleq lawniypi rikusqayki qanchis chaskakunapa hinaspa qorimanta qanchis candelabrokunapa imam ninanqa kaymi: Qanchis chaskakunaqa qanchisnintin llaqtakunapi iglesiakunaman willakuq angelkunam. Qanchis candelabrokuna rikusqaykiñataqmi qanchis iglesiakuna, nispa.

Apocalipsis 1:4

Ñoqa Juanmi, Asia lawpi qanchisnintin llaqtakunapi iglesiakunaman qellqamuykichik. Chaynaqa, ñawpaq kaqpa, kunan kaqpa chaynataq hamuq kaqpa hinaspa Diospa qayllanpi tarikuq qanchisnintin espiritukunapa hawkayayninwan kuyakuyninyá qamkunapi kachun,

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 2:19

Ñoqaqa reqsinim tukuy ruwasqaykikunata, kuyakuynikita, iñiynikita, servikuynikita. Reqsinitaqmi pacienciawan qepa kaq ruwasqaykikunaqa punta kaqmantaqa aswan allinraq kasqantapas.

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

Apocalipsis 3:15

Ñoqaqa yachanim tukuy ruwasqaykita, manam chirichu nitaq rupaqchu kanki. ¡Ima allincha kanman rupachkaq kaptikiqa otaq chiri kaptikipas!

Apocalipsis 3:2

Rikcharispayá imapas wañuy patanpiña kaqkunata kawsarichiy. Rikurqanitaqmi imam ruwasqaykiqa Diospa mana munasqanman hina kasqantapas.

Apocalipsis 3:8

Ñoqaqa yachanim imam ruwasqaykita. Qawariyá punkutam kichaykapuyki, chaytaqa manam pipas wichqanmanchu; pisi kallpayuq kachkaspaykipas pala-braykunatam kasukurqanki, manataqmi sutiytapas negawarqankichu.

Apocalipsis 4:5

Chay tronomantam lloqsimusqa llipyakuna, rayokuna hinaspa qapariykuna. Trononpa ñawpaqninpiñataqmi rupachkasqa qanchis mecherokuna, chaykunaqa kasqa Diospa qanchis espiritunkunam.

Apocalipsis 5:6

Hinaptinmi Diospa trononpa chawpinpi hinaspa tawa kawsaqkunapa chawpinpi chaynataq ancianokunapa chawpinpi rikurqani huk Cordero sayachkaqta, payqa maqapasqa hinam kasqa. Chay Corderoqa kasqa qanchis waqrayuqmi hinaspa qanchis ñawiyuqmi. Chay ñawinkunaqa tukuy kay pachaman kachasqa Diospa qanchis espiritunkunam.