Apocalipsis 22:21 - CHUYA QELLQA La Biblia en Quechua de Ayacucho 2012

²¹ Señor Jesucristopa kuyakuyninyá qamkunawan kachun. Amén.

Quechua Ayacucho Bible 1987

²¹ Señor Jesusyá favorecesunkichik llapallaykichikta. Amén.

Chuya Qellqa 1992

²¹ Señor Jesucristopa kuyakuyninyá qamkunawan kachun. Amén.

Apocalipsis 22:21 Iomraidhean Croise

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

Romanos 16:23

Wasinpi samapakusqay Gayopas chaynataq wasinpi huñunakuq iñiqmasinchikkunapas rimaykamusunkichikmi. Llaqtapa qollqen waqaychaq Erastopas hinaspa wawqenchik Cuartopas rimay-kamusunkichikmi.

2~Corintios 13:14

Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.

2~Tesalonicenses 3:18

Señorninchik Jesucristopa kuyakuyninyá qamkunawan kachun. Amén.

Apocalipsis 1:2

chaymi Juanñataq Diospa palabranta willakurqa, tukuy ima rikusqanta chaynataq Jesucristopa willakusqantapas.

Apocalipsis 1:4

Ñoqa Juanmi, Asia lawpi qanchisnintin llaqtakunapi iglesiakunaman qellqamuykichik. Chaynaqa, ñawpaq kaqpa, kunan kaqpa chaynataq hamuq kaqpa hinaspa Diospa qayllanpi tarikuq qanchisnintin espiritukunapa hawkayayninwan kuyakuyninyá qamkunapi kachun,

Apocalipsis 22:7

¡Chayllam hamusaq! ¡Mayna kusisqam kay libropi qellqasqaman hina Diospa willakusqan kasukuqkunaqa! nispa.