Apocalipsis 22:15 - CHUYA QELLQA La Biblia en Quechua de Ayacucho 2012

¹⁵ Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.

Quechua Ayacucho Bible 1987

¹⁵ Ichaqa hawapim qepanqaku allqo hina kawsaqkunaqa, brujokunaqa, huchapakuqkunaqa, runa wañuchiqkunaqa, taytacha-mamacha adoraqkunaqa hinaspa llullakuqkunaqa.

Chuya Qellqa 1992

¹⁵ Ichaqa hawapim qepanqaku: Allqo hina kawsaqkunaqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.

Apocalipsis 22:15 Iomraidhean Croise

1~Reyes 22:8

Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

Proverbios 12:22

Tayta Diosqa cheqninmi llulla runakunataqa, cheqap rimaqkunatam ichaqa kuyan.

Proverbios 7:27

Wasinpas wañuqkunapa kasqanman apakuq ñanmi, wañuypa munaychakuyninman apakuqmi.

Isaías 47:12

Hinallayá layqakuynikipi purikuy, warma kasqaykimantaraq layqa kaynikipiyá kawsakuy. Icha imallapipas servisunkimanraq, ichapas runakunata manchachiwaqraq.

Isaías 47:9

Layqaña kaptikipas, qatipaqña kaptikipas, qonqaytam huk punchawllapi kay iskay llaki chayamusunki: Viudayaspam mana wawayuqña rikurirunki.

Isaías 57:3

Tayta Diosmi kaynata nin: Brujakunapa wawankuna asuykamuychik, chuchumikapa mirayninkuna asuykamuychik.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Mateo 7:6

Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchiku-namanqa qoychikchu, yanqam sarutyarunmanku.

Mateo 8:12

Ichaqa Diospa munaychakuyninman punta qayasqa kaqkunam tutayayman wischusqa kanqaku, chaypim waqaspanku kirunkutapas kirichichinqaku, nispan.

Juan 8:46

¿Mayqannikichiktaq huchayuq kasqayta pruebawankichikman? Cheqapta nichkaptiyqa, ¿imanasqamá manaqa creewankichikchu?

Hechos 8:11

Paytam kasukuqku, layqakuyninwan unayña paykunata engañasqanrayku.

Deuteronomio 23:18

Chayna millakuypaq ruwasqanwan ganakamusqanmanta Tayta Diospa templonman apamunankutaqa amam munankichikchu. Chayqa Señornikichik Tayta Diospa qayllanpiqa hatun millakuypaqmi.

Filipenses 3:2

Cuidakuychikyá allqo hina kaw-saqkunamanta, mana allin obrerokunamanta hinaspa judío hina qari kayninpi señalakuqkunamanta.

Colosenses 3:6

Tukuy chaykunata ruwaspa mana kasukuqkunamanmi Diosqa llumpay castigonta kachaykunqa.

1~Timoteo 1:10

waqllikuqkunapaqmi, qaripura kakuqkunapaqmi, runamasin suwaqkunapaqmi, llullakuqkunapaqmi, yanqapas-yanqa Diospa sutin rimaqkunapaqmi hinaspa allin yachachikuykunapa contranpi kaqkunapaqmi.

Apocalipsis 18:23

Mecheropas manañam achkinqañachu, casarakuykunapi kusikuypas manañam kanqañachu, chaypi negociantekunam kay pachapi munayniyuq karqaku, layqaspam llapallan nacionkunata engañarqaku.

Apocalipsis 21:27

Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.