Apocalipsis 22:14 - CHUYA QELLQA La Biblia en Quechua de Ayacucho 2012

¹⁴ Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

Quechua Ayacucho Bible 1987

¹⁴ Mayna kusisqam pachan taqsakuqkunaqa, paykunaqa punkunta llaqtaman yaykuspam mikunqaku Kawsay Qokuq Sachapa rurunta.

Chuya Qellqa 1992

¹⁴ Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sachapa rurunta mikunqaku.

Apocalipsis 22:14 Iomraidhean Croise

Génesis 2:9

Tayta Diosmi wiñachirqa mikunapaq sumaq ruruq tukuy rikchaq sachakunata. Wiñachirqataqmi kawsay qokuq sachatapas huertapa chawpinpi, chaynallataq allin kaqta mana allin kaqta reqsinapaq sachatapas.

Génesis 3:22

Chaymantam Tayta Dios nirqa: Runaqa ñoqanchik hinañam rikurirun, allin kaqtapas mana allin kaqtapas yachaqña. Yanqañataq kawsay qokuq sachapa ruruntapas pallaruspa mikurunman hinaspa wiñaypaq kawsaqña rikurirunman, nispa.

Éxodo 19:10

Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Daniel 12:12

¡Mayna kusis-qam kanqaku pacienciawan waranqa kimsa pachak kimsa chunka pichqayuq punchawkama chayaqkunaqa!

Juan 10:7

Jesusmi huktawan nirqa: Cheqaptapunim nikichik, ñoqam ovejakunapa yaykunan punku kani.

Juan 10:9

Ñoqam punku kani, pipas ñoqantakama yaykuqqa salvasqam kanqa. Yaykunqam, hinaspam lloqsinqa, pastokunatapas tarinqataqmi.

Juan 14:15

Kuyawaspaykichikqa kamachikuyniykunatayá kasukuychik.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 4:12

Ñawpaq taytayku Jacobmi kay pozotaqa saqewarqaku. Kay pozomantam kikinpas, churinkunapas chaynataq animalninkunapas tomarqaku. ¿Icha paymanta aswan maschu kanki? nispa.

1~Corintios 7:19

Manam imananchu señalasqa otaq mana señalasqa kayninchikpas, Diospa kamachikuynin kasukuymi allinqa.

1~Corintios 8:9

Ichaqa waqaychakuychik, yanqataq libre kaynikichik huchallichinman pisi iñiyniyuq kaqkunata.

1~Corintios 9:5

¿Sichum iñiq warmiwan casado kaspaqa manachum kuska puriymanku wakin apostolkuna hina? Chaynatam Señorpa wawqenkunapas hinaspa Pedropas ruwar-qaku.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

1~Juan 3:3

Pipas paypi confiakuspan suyaqqa huchankunamantam chuyanchakun, imaynam Jesucristopas mana huchayuq kasqanman hina.

1~Juan 5:3

Diosta kuyayqa kamachikuyninkuna kasukuymi, kamachikuyninkunaqa manam sasa apaychu,

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Apocalipsis 21:12

Llaqtapa muyuriqninqa kasqa alto-altom hinaspa ancho perqayuqmi, punkunkunapas chunka iskayniyuqmi kasqa. Sapa punkupim huk ángel kasqa, sapa punkupitaqmi qellqasqa kasqa chunka iskayniyuq Israel ayllukunapa sutinpas.

Apocalipsis 21:27

Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.

Apocalipsis 22:7

¡Chayllam hamusaq! ¡Mayna kusisqam kay libropi qellqasqaman hina Diospa willakusqan kasukuqkunaqa! nispa.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.