Apocalipsis 21:27 - CHUYA QELLQA La Biblia en Quechua de Ayacucho 2012

²⁷ Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.

Quechua Ayacucho Bible 1987

²⁷ Chay llaqtamanqa manam yaykunqachu ima qachapas, millakuypaq kaqkunapas nitaq llullakunapas. Chaymanqa yaykunqaku *f**Carneropa wiñay kawsay libronpi sutin qellqasqakunallam.

Chuya Qellqa 1992

²⁷ Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.

Apocalipsis 21:27 Iomraidhean Croise

Éxodo 32:32

Aswanqa huchankutayá pampachaykuy, mana pampachaspaykiqa libropi qellqasqaykimanta sutiytapas chinkarachiy, nispa.

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 52:1

¡Sión llaqta rikchariy! ¡Atiywan pachakuy! ¡Chuyanchasqa Jerusalén llaqta, suma-sumaq pachaykiwan churakuy! Manañam haykapipas mana iñiq huchasapa runakunaqa yaykumusunkiñachu.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Ezequiel 44:9

Chayraykum ñoqa Tayta Dios kaynata nini: Santuarioymanqa manam sonqonpi hinaspa cuerponpi mana señalasqa huklaw llaqtayuq runaqa yaykunqachu, Israelpa mirayninkunawan yachaq huklaw llaqtayuqkunapas manam yaykunqakuchu.

Joel 3:17

Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.

Levítico 13:46

Leprayuq runaqa isun chinkanankamam millakuypaq kanqa; campamentomanta karupim sapallan yachanqa.

Zacarías 14:21

Jerusalenpi hinaspa Judá nacionpi llapa mankakunapas Tayta Diospaq sapaqchasqam kanqa, chaynapim sacrificiota ruwaq hamuqkunapas chay mankakunata hapispa ofrecespanku aychata yanunqaku. Chay punchawpiqa, Tukuy Atiyniyuq Tayta Diospa templonpi negociantekunapas manañam kanqañachu.

Números 12:15

Chaynapim Mariaqa qanchis pun-chawpuni campamentomanta qarqosqa karqa. María kutimunankamam chay sitiomanta runakuna mana lloqsirqakuchu.

Números 5:3

Qaritapas warmitapas millakuypaq kaqkunataqa campamentomanta qarqoychik, chaynapi ñoqapa yachanay campamento mana qachachasqa kananpaq, nispa.

Mateo 13:41

Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku,

Marcos 7:2

Paykunam Jesuspa wakin discipulonkunata makinkuta mana mayllakuspa mikuchkaqta rikurur-qaku, chayraykum paykunapa contranpi rimarqaku.

Lucas 10:20

Amayá kusikuy-chikqa demoniokunapa kasususqaykichikwanchu, aswanqa sutikichik hanaq pachapi qellqasqa kasqanwanyá, nispan.

Efesios 5:5

Kaytayá yachaychik: Pipas huchapakuqkunaqa, millakuypaq hucha ruwaqkunaqa hinaspa idolokuna yupaychaq hina qollqella kuyaqkunapas, Cristopa hinaspa Diospa munaychakusqanmanqa manam yaykunqachu.

Filipenses 4:3

Llamkaqmasilláy, qamtañataqmi valekuyki chay paninchikkunata yanapaykunaykipaq. Paykunapas yanapaykuwarqakum Cristomanta allin noticiata willakuptiy, yanapaykuwarqataqmi Clementewan wakin llam-kaqmasiykunapas. Paykunapa sutinqa wiñay kawsay libropi qellqasqañam kachkan.

1~Timoteo 1:10

waqllikuqkunapaqmi, qaripura kakuqkunapaqmi, runamasin suwaqkunapaqmi, llullakuqkunapaqmi, yanqapas-yanqa Diospa sutin rimaqkunapaqmi hinaspa allin yachachikuykunapa contranpi kaqkunapaqmi.

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.

2~Pedro 3:13

Ñoqanchikmi ichaqa suyachkanchik Diospa prometewasqanchik musoq cielokunatawan musoq allpata, chaypim ichaqa tukuy imapas allin arregloman hina ruwasqa kanqa.

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.

Apocalipsis 20:15

Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 3:5

Pipas venceqkunaqa yuraq pachawan pachachisqam kanqaku, sutinkutapas manataqmi kawsay libromantaqa chinkachisaqchu, hinaspam Taytaypa chaynataq angelninkunapa qayllanpi sutinkumanta willakusaq.