Apocalipsis 21:24 - CHUYA QELLQA La Biblia en Quechua de Ayacucho 2012

²⁴ Nacionkunapas chay llaqtapa achkiyllanpim purinqaku, hinaptinmi kay pachapi reykunapas tukuy kapuqninkuta payman apamunqaku.

Quechua Ayacucho Bible 1987

²⁴ Nacionkunapas chay llaqtapa achkiyllanpim purinqaku hinaptinmi kay pachapi reykunapas chayman apamunqaku suma-sumaq kayninkuta.

Chuya Qellqa 1992

²⁴ Nacionkunapas chay llaqtapa achkiyllanpim purinqaku, hinaptinmi kay pachapi reykunapas tukuy kapuqninkuta payman apamunqaku.

Apocalipsis 21:24 Iomraidhean Croise

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Isaías 2:5

Jacobpa mirayninkuna hakuchik, Tayta Diospa kanchayninpiña purisunchik.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku, nispa.

Isaías 52:15

chaypim achka nacionkunapas hukmanyanqakuraq, reykunapas qawaykuspankum mana ima rimaytapas atinqakuchu, mana haykapipas rikusqankutam rikunqaku, mana haykapipas uyarisqankutam entiendenqaku.

Isaías 55:10

Imaynam parawan lasta cielokunamanta chayamun, ichaqa manaña altoman kutispam allpata nuyun, hinaspa muhukunata wiñachin, tarpuqpaq muhuta ruruchin, kawsaykunata mikunankupaq qespichin,

Isaías 55:5

Qamqa mana reqsisqayki runakunatam qayanki, mana reqsisuqniki runakunam qanman kallpamusunki; chaynataqa ruwanqaku ñoqa Diosniki, Israelpa Chuya Diosnin, qamta hatunchasqayraykum.

Isaías 60:13

Temployta kuyayllapaqta ruwanankupaqmi, sarupakunay temployta ancha reqsisqata ruwanankupaqmi, Líbano orqopi cipreskunata, pinokunata, bojes sachakunata qanman apamusunki.

Isaías 60:16

Nacionkunam allinnin mikuyta qosunki, reykunam qori-qollqenta apamusunki; chaynapim reqsiwanki, ñoqa Tayta Dios salvaqniki kasqayta, Jacobpa Atiyniyuq Diosnin reclamaqniki kasqayta.

Isaías 66:18

Ñoqaqa yachanim mana allinkuna ruwasqankuta, hinaspa yuyaymanasqankutapas. Chayraykum hamuspay llapa nacionkunata huñusaq, tukuy rikchaq rimayniyuq runakunatam huñusaq, paykunam hamuspa atiyniyta qawanqaku.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Zacarías 2:11

Chay punchawpim achka nacionkuna Tayta Diosman hukllawakunqaku, paykunapas llaqtanñam kanqaku, Diosmi chawpikichikpi yachanqa. Chaynapim yachankichik Tukuy Atiyniyuq Tayta Dios kachamuwasqanta.

Romanos 15:16

Jesucristotaqa, servichkani mana judío kaqkunaman Diosmanta allin noticiakunata willakuspaymi, chaynapi paykunata Chuya Espíritu chuyanchaptin allin ofrendata hina Dios chaskinanpaq.

Romanos 15:26

Kay yanapakuytam Macedoniapi hinaspa Greciapi yachaq wawqe-paninchikkuna kusikuyllawanña huñuykunku, Jerusalenpi wakcha iñiqmasinchikkunaman apachiwanankupaq.

Deuteronomio 32:43

Llapa nacionkuna, Diospa llaqtanwan kusikuychik, Tayta Diosmi serviqninkunapa wañusqanmanta vengakunqa, enemigonkunatam castiganqa. Allpantam chuyanchanqa, runankunatam pampachanqa, nispa.

Apocalipsis 21:26

Nacionkunapas chaymanmi kapuqninkuta hinaspa sumaqllaña kayninkuta apamunqaku.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.