Apocalipsis 21:23 - CHUYA QELLQA La Biblia en Quechua de Ayacucho 2012

²³ Chay llaqtaqa manam necesitanchu intipa nitaq killapa kanchaynintapas, aswanqa Diospa kanchayllanmi achkin, Corderollataqmi kanchayninpas.

Quechua Ayacucho Bible 1987

²³ Manam chay llaqtaqa necesitanchu intipa nitaq killapa kanchaynintapas, aswanqa Diospa achkiriyllanmi achkin, *f**Carnerollataqmi kanchayninpas.

Chuya Qellqa 1992

²³ Chay llaqtaqa manam necesitanchu intipa nitaq killapa kanchaynintapas, aswanqa Diospa kanchayllanmi achkin, Corderollataqmi kanchayninpas.

Apocalipsis 21:23 Iomraidhean Croise

Isaías 2:10

Llapa runakuna, Tayta Diospa mancharikuypaq qayllanmanta qaqakunapi pakakamuychik, allpamanpas pakakuq ustuychik. Tayta Diospa hatun kanchariyninmanta pakakuychik.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Habacuc 3:3

Temán lawmantam Diosqa hamuchkan, Parán orqomantam Chuya Diosqa hamuchkan. Kanchariyninpas cielokunatam huntaykun, kay pachapas payta yupaychaywanmi huntasqa.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Marcos 8:38

Chaynaqa, pipas mana kasukuq huchasapa runakunapa qayllanpi ñoqamanta hinaspa palabraykunamanta penqakuqtaqa, runapa Churinpas paymantam penqakunqa. Chaynataqa ruwanqa angelninkunawan kuska Taytanpa atiyninpi kutimuspanmi.

Lucas 2:32

Paymi llapa nacionkunapaq achkiy kanqa, llaqtayki Israelpaqñataqmi hatunchakunan kanqa, nispa.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 1:4

Kawsaymi paypi karqa, chay kawsaymi llapa runakunapaq achkiy karqa.

Juan 1:9

Llapa runakunata kanchariq cheqap achkiymi kay pachaman hamurqa.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Hechos 22:11

Chay sinchi achkiy ñawsayarachiwaptinmi, riqmasiykuna makiymanta pusawaspanku Damasco llaqtaman chayachiwarqaku.

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.

Apocalipsis 18:1

Chaykunapa qepantam rikurqani hanaq pachamanta huk ángel hatun atiyninwan uraykamuchkaqta, achkiyninmi kay pachata kancharirqa.

Apocalipsis 21:11

Chay llaqtaqa Diospa kanchayninwanmi achkirichkasqa, achkiriyninqa kasqa suma-sumaq jaspe alhaja rumipa achkiriynin hinaraqmi, chayqa kasqa Cristal hina rikukuqmi.

Apocalipsis 21:25

Punkunkunapas manam wichqakunqachu punchawqa, nitaqmi chaypiqa tutapas kanqañachu.

Apocalipsis 22:5

Chaypiqa manañam tutapas kanqañachu, chaypi yachaqkunaqa achkitapas, intitapas manañam necesitanqakuñachu. Paykunataqa Señor Diosllañam achkinqa, hinaptinmi wiña-wiñaypaq munaychakunqaku.

Apocalipsis 5:6

Hinaptinmi Diospa trononpa chawpinpi hinaspa tawa kawsaqkunapa chawpinpi chaynataq ancianokunapa chawpinpi rikurqani huk Cordero sayachkaqta, payqa maqapasqa hinam kasqa. Chay Corderoqa kasqa qanchis waqrayuqmi hinaspa qanchis ñawiyuqmi. Chay ñawinkunaqa tukuy kay pachaman kachasqa Diospa qanchis espiritunkunam.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.