Apocalipsis 21:12 - CHUYA QELLQA La Biblia en Quechua de Ayacucho 2012

¹² Llaqtapa muyuriqninqa kasqa alto-altom hinaspa ancho perqayuqmi, punkunkunapas chunka iskayniyuqmi kasqa. Sapa punkupim huk ángel kasqa, sapa punkupitaqmi qellqasqa kasqa chunka iskayniyuq Israel ayllukunapa sutinpas.

Quechua Ayacucho Bible 1987

¹² Llaqtapa muyuriqninqa kasqa alto hinaspa ancho perqayoqmi, chunka iskayniyoqmi kasqa punkunkunapas. Sapa punkupim kasqa huk angel, sapa punkupitaqmi qellqasqa kasqa chunka iskayniyoq Israel ayllukunapa sutinpas.

Chuya Qellqa 1992

¹² Llaqtapa muyuriqninqa kasqa alto-altom hinaspa ancho perqayuqmi, punkunkunapas chunka iskayniyuqmi kasqa. Sapa punkupim huk ángel kasqa, sapa punkupitaqmi qellqasqa kasqa chunka iskayniyuq Israel ayllukunapa sutinpas.

Apocalipsis 21:12 Iomraidhean Croise

2~Crónicas 9:19

Chay soqta gradaskunapa kaylaw-waklaw waqtanpipas chunka iskayniyuq leonkunam karqa, huk leonmi karqa sapa gradaspa waqtanpi. Chayna tronotaqa manam maylaw nacionpa reyninpas ruwachirqachu.

Esdras 9:9

Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Nehemías 12:27

Jerusalén llaqtapa murallankunata Diospaq dedicanankupaqmi, tukuy hinastinpi yachaq levitakunata maskamurqaku, hinaspam Jerusalén llaqtaman pusarqaku, kusikuyllawanña graciasta qospanku, platillokunawan, arpakunawan takispa dedicanankupaq.

Éxodo 28:21

Israelpa chunka iskayniyuq churinkunapa sutinman hinam alhaja rumikunapas chunka iskayniyuq kanqa; sapa rumipim sello hina sapa ayllupa sutin qellqasqa kanqa.

Isaías 54:12

Rubí rumikunamantam torrekikunatapas perqarusaq, carbunclo rumiwanmi punkuykikunatapas ruwarusaq, muyuriqnikipi perqaykikunatapas suma-sumaq rumikunamantam ruwarusaq.

Isaías 60:18

Allpaykipiqa wañuchinakuypas manam uyarikunqañachu, tuñichinakuywan purmachinakuypas manam kanqañachu. Murallaykikunatam “Libraqniy” nispa sutichanki, punkuykikunatam “Yupaychana” nispa sutichanki.

Mateo 18:10

Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku.

Lucas 15:10

Chaynaqa, nikichikmi, chaynatam Diospa angelninkunapas kusikun huk huchasapa runa wanakuruptinqa, nispa.

Lucas 16:22

Chay limosna mañakuq runam wañukurqa, hinaptinmi Abrahampa kasqanman angelkuna aparurqaku. Chaynataqmi apupas wañururqa, hinaptinmi pamparurqaku.

Hechos 26:7

Chay promesapa cumplikunantam Israelpa mirayninmanta kaq chunka iskayniyuq ayllukunapas, tukuy sonqonkuwan Diosta tuta punchaw yupaychaspanku suyachkanku. Reynilláy Agripa, chay promesa suyasqayraykum judiokuna acusawachkanku.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Apocalipsis 21:13

Intipa qespimunan lawmanmi kasqa kimsa punku, intipa seqaykunan lawmanpas kimsa punkutaqmi kasqa, kimsa punkutaqmi kasqa norte lawmanpas chaynataq sur lawmanpas.

Apocalipsis 21:15

Rimapayawaqniy angelpa makinpim kachkasqa qorimanta tupuna soqos, chayqa kasqa llaqtata, punkunkunata hinaspa perqankunata tupunanpaqmi.

Apocalipsis 21:25

Punkunkunapas manam wichqakunqachu punchawqa, nitaqmi chaypiqa tutapas kanqañachu.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.