Apocalipsis 21:10 - CHUYA QELLQA La Biblia en Quechua de Ayacucho 2012

¹⁰ Chuya Espiritum hatun alto orqoman aparuwarqa, hinaspam Jerusalén chuya llaqtata qawaykachiwarqa, chay llaqtaqa Diospa qayllan hanaq pachamantam uraykamuchkasqa.

Quechua Ayacucho Bible 1987

¹⁰ Chuya Espiritum hatun alto orqoman aparuwarqa hinaspam Jerusalen chuya llaqtata qawaykachiwarqa, chay llaqtaqa Diospa qayllan hanaq pachamantam uraykamuchkasqa.

Chuya Qellqa 1992

¹⁰ Chuya Espiritum hatun alto orqoman aparuwarqa, hinaspam Jerusalén chuya llaqtata qawaykachiwarqa, chay llaqtaqa Diospa qayllan hanaq pachamantam uraykamuchkasqa.

Apocalipsis 21:10 Iomraidhean Croise

1~Reyes 18:12

Reyman willaq rinaykamachá hu-klawman Tayta Diospa Espiritun aparu-sunki, hinaptinchá Acabman willaykuptiy pasamuspa mana tarisuspayki wañu-rachiwanqa. Ñoqaqa joven kasqaymantapunim Tayta Diosta kasukuni.

2~Reyes 2:16

Hinaspam nirqaku: Kaypim ñoqaykuwan kachkan pichqa chunka allinnin qari-qari runakuna. Paykunayá rispanku servisqayki Eliasta maskaramuchunku, ichapas Tayta Diospa espiritun hoqariruspan chay-chay orqopi otaq qechwapi saqerun, nispanku. Hinaptinmi Eliseo nirqa: Ama kachaychikchu, nispa.

Ezequiel 11:1

Tayta Diospa Espiritunmi hoqariruwaspan templopa intipa qespimunan law punkunman aparuwarqa, chay punkupa ñawpaqninpim iskay chunka pichqayuq runakuna kachkasqaku, paykunawanmi Azurpa churin Jaazaniaswan Benaiapa churin Pelatiaspas kachkasqaku, paykunaqa iskayninkum runakunapa kamachiqnin karqaku.

Ezequiel 11:24

Chaymantam Diospa Espiritunñataq chay visionpi hoqariruwaspan Babilonia nacionman kutirachiwarqa, preso apasqakunapa kasqanman. Chaynatam Tayta Diospa visión qawachiwasqan chinkarurqa.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Ezequiel 8:3

Chay runaman rikchakuqmi makita hina haywarimuspa chukchaymanta hapiruwarqa, hinaptinmi Diospa Espiritun altoman hoqariruwarqa, hinaspam visionpi Jerusalén llaqtaman aparuwaspan uku lawpi norteman qawaq punkupa ñawpaqninpi churaykuwarqa, chaypim Tayta Diosta piñachiq ídolo kachkasqa.

Hechos 8:39

Yakumanta lloqsiramuptinkuñataqmi Felipeta Señorpa Espiritun huklawman aparurqa. Hinaptinmi chay eunucoqa manaña Felipeta rikurqachu, ichaqa kusisqallañam ripukurqa.

Gálatas 4:26

Aswanqa hanaq pachamanta kaq Jerusalenqa librem, chaymi ñoqanchikpa mamanchik.

Apocalipsis 1:10

Señorpa punchawninpi, Chuya Espiritupa atiyninwan kachkaspaymi, qepaypi trompetapa nisyu qapariyninta hina uyarirqani

Apocalipsis 11:2

Ichaqa amam templopa pationtaqa tupumunkichu, chayqa kachkan mana judío kaqkunaman qosqam. Paykunam chay chuya llaqtataqa tawa chunka iskayniyuq killa sarutyaspa munaychakunqaku.

Apocalipsis 17:3

Espiritupim huk ángel purunman aparuwarqa, hinaptinmi huk warmita rikurqani manchakuypaq animalpi silladata, chay animalqa kasqa Dios kamiq qellqakunawan lliw cuerponpi qellqasqam chaynataq qanchis umayuq hinaspa chunka waqrayuqmi.

Apocalipsis 21:2

Rikurqanitaqmi Diospa musoq chuya Jerusalén llaqtantapas, chayqa hanaq pacha Diospa qayllanmantam uraykamuchkasqa, chay llaqtaqa novionwan casarakunanpaq sumaqllaña pachasqa novia hinam kachkasqa.

Apocalipsis 3:12

Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.

Apocalipsis 4:2

Chaypunillam Espiritupa atiyninwan huntasqa rikurirurqani, hinaspam rikururqani hanaq pachapi tronota chaynataq tronopi huk tiyaqtapas.