Apocalipsis 21:1 - CHUYA QELLQA La Biblia en Quechua de Ayacucho 2012

¹ Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.

Quechua Ayacucho Bible 1987

¹ Chaymantam rikurqani mosoq cielotawan mosoq allpa pachata, ñawpaq cielowan kay pachaqa manam kasqañachu. Lamar qochapas manam kasqañachu.

Chuya Qellqa 1992

¹ Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.

Apocalipsis 21:1 Iomraidhean Croise

Isaías 27:1

Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Isaías 51:11

Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 57:20

Mana allin ruwaq runakunam ichaqa sinchi wayrapa pukusqan lamar qocha hina, manam hawkalla kaytaqa atinkuchu, yakunkunapas mitutawan qachankunata wischumuq hinaraqmi.

Isaías 66:22

Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Daniel 7:3

Hinaptinmi qonqaymanta tawa manchakuypaq hatun animalkuna lamar qochamanta lloqsimuchkasqa. Chay tawa animalkunaqa manam kaqkamallachu kasqaku.

Romanos 8:21

Lliw imapas unanchasqakunaqa tukuruqllam, ichaqa suyachkanmi Dios librananta. Churinkunata Dios hatunchaspan libraptinmi tukuy imapas paykunawan kuska librakunqa.

2~Pedro 3:10

Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.

2~Pedro 3:13

Ñoqanchikmi ichaqa suyachkanchik Diospa prometewasqanchik musoq cielokunatawan musoq allpata, chaypim ichaqa tukuy imapas allin arregloman hina ruwasqa kanqa.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.

Apocalipsis 6:14

Cielokunapas papel wankusqa hinam chinkarurqa, chaynataqmi orqokunawan islakunapas maymi kasqanmanta kuyuchisqa karqa.