Apocalipsis 20:3 - CHUYA QELLQA La Biblia en Quechua de Ayacucho 2012

³ Paytam tutayaq ukuman wischuykurqa, hinaspam punkunta wichqaruspan sellota churarurqa waranqa wata pasanankama, chaynapi nacionkunatapas amaña engañananpaq. Waranqa wata pasaruptinñataqmi pisi tiempollapaq kacharisqa kanqa.

Quechua Ayacucho Bible 1987

³ Payta uku pozoman wischuykuspanmi punkunta wichqarurqa hinaspam segurananpaq sellarurqa waranqa wata pasanankama, chaynapi nacionkunatapas amaña engañananpaq. Waranqa wata pasaruptinñataqmi kacharisqa kanqa pisi tiempollapaq.

Chuya Qellqa 1992

³ Paytam tutayaq ukuman wischuykurqa, hinaspam punkunta wichqaruspan sellota churarurqa waranqa wata pasanankama, chaynapi nacionkunatapas amaña engañananpaq. Waranqa wata pasaruptinñataqmi pisi tiempollapaq kacharisqa kanqa.

Apocalipsis 20:3 Iomraidhean Croise

Daniel 6:17

Danielta wischuykuspam hatun rumiwan leonkunapa uchkunta wichqarurqaku, reypas anillonwanmi chay rumita sellaykurqa, sellaykurqakutaqmi ancha reqsisqa kamachikuqkunapas, chaynapi Danielpa contranpi tanteasqanku mana yanqachasqa kananpaq.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Mateo 27:66

Chaymi pasaspanku sepulturata allinta seguramurqaku punkupa tapaqnin rumita sellaykuspanku, hinaspam cuidananpaq soldadokunata chaypi saqeykurqaku.

Marcos 4:15

Ñanman wichiq muhuñataqmi allin noticiata uyariq runaman rikchakun, ichaqa Satanasmi hamuruspan sonqonpi tarpusqa Diospa palabranta chaylla hurqorun.

Lucas 8:31

Demoniokunam Jesusta ruegakur-qaku: Amayá uku pachamanqa wischuykuwaykuchu, nispanku.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

2~Pedro 3:8

Kuyasqay wawqe-panillaykuna, kaytaqa amayá qonqaychikchu: Señor-paqqa waranqa watam huk punchaw hinalla, huk punchawñataqmi waranqa wata hina.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 17:2

Paywanmi kay pachapi reykuna huchapakurqaku, kay pachapi yachaq runakunapas vinowan sinkachkaq hinam chay chuchumikawan huchapakurqaku, nispa.

Apocalipsis 17:8

Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.

Apocalipsis 20:1

Chaymantañataqmi huk angelta hanaq pachamanta urayka-muchkaqta rikurqani, payqa uku pachapa llaventawan hatun cadenata aparikuspanmi uraykamuchkasqa.