Apocalipsis 20:2 - CHUYA QELLQA La Biblia en Quechua de Ayacucho 2012

² Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.

Quechua Ayacucho Bible 1987

² Chay angelmi *f**Dragonta hapiruspan waranqa watapaq watarurqa, chay Dragonqariki ñawpaq culebram hinaspa *f**Satanaswan sutichasqa diablom.

Chuya Qellqa 1992

² Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.

Apocalipsis 20:2 Iomraidhean Croise

Génesis 3:1

Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Jobwan Sutichasqa Libro 1:7

chaymi Tayta Dios tapurqa: ¿Maymantataq hamuchkanki? nispa. Satanasñataqmi nirqa: Allpa pacha patan-patan muyumusqaymantam hamuchkani, nispa.

Isaías 24:22

Lliwta huñuruspanmi paykunata uchkupi presocharunqa, carcelpim wichqarunqa, unay punchawkuna pasaruptinmi paykunata ñakarichinqa.

Isaías 27:1

Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Ezequiel 47:5

Pichqa pachak metrotawan tupuruptinmi chay mayuqa mana chimpay atinayña rikurirurqa; hatun mayuman tikrakurusqanraykum nadeaspa pasanallaña karqa.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Mateo 8:29

Paykunam kaynata qaparirqaku: Diospa Churin Jesús, ¿imatataq ñoqay-kuwan munanki? ¿Manaraq tiemponpichu ñakarichiqniyku hamurunki? nispanku.

Marcos 4:15

Ñanman wichiq muhuñataqmi allin noticiata uyariq runaman rikchakun, ichaqa Satanasmi hamuruspan sonqonpi tarpusqa Diospa palabranta chaylla hurqorun.

Marcos 5:7

Hinaspam hatunmanta qaparispan nirqa: Tukuy imapa hawanpi munaychakuq Diospa Churin Jesús, ¿imatataq ñoqawan munanki? Diosraykum mañakuyki ama ñakarichiwanaykipaq, nispa.

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Juan 16:11

juiciomantañataqmi reqsichinqa, kay pachallapi kamachikuqqa juzgasqaña kasqanmanta.

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

Hebreos 2:14

Tayta-mamanchikpa mirayninkuna kaspanchikmi aychanmantawan yawarninmanta kanchik. Jesuspas ñoqanchik hina cuerpoyuqmi karqa, chaynaqa karqa wañuyta reqsispan wañuypi munaychakuq diablota chinkachinanpaqmi.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

2~Pedro 2:4

Diosqa manam huchallikuq angelkunatapas pampacharqachu, paykunataqa infiernoman wischuykuspanmi juicio punchawkama tutayaypi cadenasqata saqerurqa.

Judas 1:6

Chaynataqmi pim kasqankutawan hinaspa maypi kasqanku wasinkuta saqeruq angelkunatapas, Diosqa tutayaypi wiñaypaq cadenarurqa hatun juicio punchawpaq.

Apocalipsis 12:13

Dragonñataqmi kay pachaman wischusqa kasqanta qawakuykuspan qari wawa wachakuq warmita qatikacharqa.

Apocalipsis 12:15

Dragonñataqmi siminmanta mayu hina achka-achka yakuta atqorqa chay warmita aparunanpaq.

Apocalipsis 12:17

Hinaptinmi Dragonqa warmipa contranpi piñakururqa, hinaspam chay warmipa mirayninpa contranpi peleaq pasarqa, chay miraykunaqa Diospa kamachikuynin kasukuqkunam hinaspa Jesuspi iñiqkunam karqaku.

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 12:4

Chupanwan aysaspanmi cielopi kimsa kaq parten chaskakunata kay pachaman wischuykamurqa. Dragonñataqmi wachakuywan kaq warmipa ñawpaqninpi sayachkarqa, chaypiqa sayachkarqa chay warmipa naceruq wawanta mikurunanpaqmi.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 13:2

Chay rikusqay manchakuypaq animalqa leopardo kaqllam kasqa, chakinkunañataqmi kasqa ukumaripa chakinkuna kaqlla, siminñataqmi kasqa leonpa hina. Dragonmi atiyninta, trononta hinaspa hatun munaychakuyninta qoykurqa.

Apocalipsis 13:4

Chay Dragontam yupaycharqaku manchakuypaq animalman atiyta qoykusqanrayku. Yupaycharqakutaqmi chay manchakuypaq animaltapas: ¿Pitaq kay manchakuypaq animal hinaqa kanman? ¿Pitaq paywanqa peleanman? nispanku.

Apocalipsis 20:10

Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.

Apocalipsis 20:7

Waranqa wata pasaruptinñataqmi Sata-nasqa preso kayninmanta kacharisqa kanqa,

Apocalipsis 9:11

Chay aqaruway uru-kunapa kamachiqninqa kasqa uku pachapi munaychakuq angelmi, sutinñataqmi kasqa hebreo rimaypi Abadón, griego rimaypiñataq Apolión, chay sutiqa “chinkachiq” ninanmi.