Apocalipsis 20:15 - CHUYA QELLQA La Biblia en Quechua de Ayacucho 2012

¹⁵ Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.

Quechua Ayacucho Bible 1987

¹⁵ Chay qochamanmi wischusqa karqaku wiñay kawsay libropi sutinku mana qellqasqakunapas.

Chuya Qellqa 1992

¹⁵ Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.

Apocalipsis 20:15 Iomraidhean Croise

Mateo 13:42

hinaspam rawrachkaq hornoman wischuykunqaku. Chaypim qaparkachaspanku kirunkutapas kirichichinqaku.

Mateo 13:50

hinaspankum rawrachkaq hornoman wischuykunqaku. Chaypim qaparkachaspanku kirunkutapas kirichichinqaku, nispan.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Marcos 16:16

Pipas iñispa bautizasqa kaqmi salvasqa kanqa, mana iñiqñataqmi condenasqa kanqa.

Lucas 10:20

Amayá kusikuy-chikqa demoniokunapa kasususqaykichikwanchu, aswanqa sutikichik hanaq pachapi qellqasqa kasqanwanyá, nispan.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 3:36

Churipi iñiqqa wiñay kawsayniyuqmi, paypi mana iñiqmi ichaqa wiñay kawsaytapas mana haypanqachu, aswanqa Diospa sinchi piñakuynintam chaskinqa, nispa.

Hechos 4:12

Jesusmanta hukpiqa manam salvación kanchu, kay pachapiqa manataqmi huk sutiqa kanchu salvakunapaqqa ichaqa Jesusllam, nispa.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 20:10

Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.

Apocalipsis 20:14

Wañuypas chaynataq wañusqakunapa kasqanpas azufreyuq rupachkaq qochamanmi wischusqa karqaku. Kayqa iskay kaq wañuymi.

Apocalipsis 3:5

Pipas venceqkunaqa yuraq pachawan pachachisqam kanqaku, sutinkutapas manataqmi kawsay libromantaqa chinkachisaqchu, hinaspam Taytaypa chaynataq angelninkunapa qayllanpi sutinkumanta willakusaq.