Apocalipsis 20:11 - CHUYA QELLQA La Biblia en Quechua de Ayacucho 2012

¹¹ Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Quechua Ayacucho Bible 1987

¹¹ Hinaptinmi rikurqani huk hatu-hatun yuraq tiyanata, rikurqanitaqmi hawanpi tiyaqtapas. Paypa ñawpaqninmantam cielopiwan kay pacha chinkarurqa hinaptinmi mana karqachu maypas paykunapa kananpaq.

Chuya Qellqa 1992

¹¹ Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 20:11 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

Jobwan Sutichasqa Libro 9:6

Kay pachatam maymi kasqanmanta kuyuchin, kay pachapa tiyanankunatam katkatatachin.

Isaías 6:1

Rey Uziaspa wañukusqan watapim, Tayta Diosta alto-alto trononpi tiyachkaqta rikurqani, pachanpa patankunatapas temploman huntaykuqta.

Daniel 2:35

Chaynapim chay fierropas, kañasqa mitupas, broncepas, qollqepas hinaspa qoripas lliw ñutu allpa hinallaña rikurirurqa; cosecha tiempopi wayrapa apasqan erapi qopa hinallañam rikurirurqa, chaynapim maypi kasqanpas manaña yachakurqachu. Chay runa kaqlla sayaqta ñuturuq rumim ichaqa kay pachapas huntaykuyta hatu-hatun orqoman tikrakururqa.

Daniel 7:10

Ñawpaqninmantapas nina mayum lloqsirqa, paytaqa waranqantin-waranqantinmi servirqaku, ñawpaqninpipas manaña yupay atinam sayarqaku. Tribunalpi juez tiyaykuptinmi librokuna kichasqa karqa.

Mateo 11:22

Chayraykum juicio punchawpiqa Tiro llaqtamantapas chaynataq Sidón llaqtamantapas aswan castigasqa kankichik.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Mateo 25:31

Runapa Churinmi kanchariyninpi llapa angelninkunawan kuska hamuspan kancharichkaq trononpi tiyaykunqa,

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

Apocalipsis 12:8

ichaqa manam venceyta atirqachu, chaynapim paykunapaqqa hanaq pachapi sitiopas manaña karqañachu.

Apocalipsis 16:20

Llapallan islakunam ayqerqaku, hinaptinmi orqokunapas chinkarurqa.

Apocalipsis 19:11

Chaymantam rikurqani hanaq pacha kicharayachkaqta, chaypim huk yuraq caballo rikurirurqa, sillakuqninpa sutinmi kasqa “Fiel hinaspa Cheqap” niq. Payqa mana pimanpas sayapakuspam allin arreglota ruwaspa kamachikusqa chaynataq peleasqapas.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.

Apocalipsis 21:1

Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.

Apocalipsis 4:2

Chaypunillam Espiritupa atiyninwan huntasqa rikurirurqani, hinaspam rikururqani hanaq pachapi tronota chaynataq tronopi huk tiyaqtapas.

Apocalipsis 6:14

Cielokunapas papel wankusqa hinam chinkarurqa, chaynataqmi orqokunawan islakunapas maymi kasqanmanta kuyuchisqa karqa.