Apocalipsis 2:7 - CHUYA QELLQA La Biblia en Quechua de Ayacucho 2012

⁷ Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Quechua Ayacucho Bible 1987

⁷ Uyariwaqniykunaqa kasukuychikyá huñunasqa iñiqkunaman Espiritupa nisqanta. Pipas venceqmanqa qosaqmi kawsachikuq sachapa rurunta mikunanpaq. Chay sachaqariki kachkan Diospa huertanpa chawpinpim.

Chuya Qellqa 1992

⁷ Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim.

Apocalipsis 2:7 Iomraidhean Croise

Génesis 2:9

Tayta Diosmi wiñachirqa mikunapaq sumaq ruruq tukuy rikchaq sachakunata. Wiñachirqataqmi kawsay qokuq sachatapas huertapa chawpinpi, chaynallataq allin kaqta mana allin kaqta reqsinapaq sachatapas.

Proverbios 11:30

Allin kawsakuypa rurunqa kawsaymi, alma ganaqmi ichaqa allin yachayniyuq.

Proverbios 13:12

Imapas munasqan unamuptinqa runapa sonqonmi ñakarin, munasqan cumplikuruyninmi ichaqa kawsay qokuq sacha hinaraq.

Proverbios 15:4

Llampu simiqa kawsay qokuq sacha hinam, mana allin rimaymi ichaqa sonqota llakichin.

Proverbios 3:18

Yachayqa kawsaymi pipas tariruqninpaqqa. ¡Mayna kusisqam tariruspa waqaychaqkunaqa!

Ezequiel 28:13

Qamqa Edén lawpi Diospa huertanpim karqanki, tukuy rikchaq alhaja rumikunawan pachasqam karqanki: Cornerinawan, topaciowan, jaspewan, crisolitowan, berilowan, onicewan, zafirowan, carbunclowan, esmeraldawan hinaspa qoriwan. Tukuy kaykunaqa unanchasqa kasqayki punchawmantaraqmi alistasqaña karqa.

Ezequiel 31:8

Diospa huertanpi cedro sachakunapas manam chay sacha hinachu karqa, ciprés sachakunapa kallmanpas manam chay sachapa kallman hinachu karqa. Diospa huertanpi suma-sumaq sachakunapas manam chay sachamanqa rikchakurqachu.

Mateo 11:15

Haykan rinriyuqkunaqa uyariychikyá.

Mateo 13:43

Chuya kaqkunam ichaqa inti hinaraq Taytankupa munaychakuyninpi kancharinqaku. Haykam uyariqkunaqa kasukuychikyá.

Mateo 13:9

Haykam uyariqkunaqa kasukuychikyá, nispa.

Marcos 4:9

¡Uyarikuqkunaqa kasukuchunyá! nispa.

Marcos 7:15

Manam imapas hawamanta yaykuqchu runataqa huchallichin, runataqa huchallichin sonqonmanta lloqsimuqmi.

Marcos 7:16

[Uyarikuqkunaqa kasukuychikyá] nispa.

Lucas 23:43

Chaymi Jesusñataq nirqa: Cheqaptapunim niki, kunanpunim ñoqawan paraisopi kanki, nispa.

Lucas 8:8

Wakinñataqmi allin allpaman wichirqa, chaymi wiñaruspan huk muhullamanta pachakta rururqa. Chaynata nispanmi qapariq hina nirqa: “Haykam uyarikuqkunaqa, uyarichun”, nispa.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

1~Corintios 2:10

Diosmi Espirituntakama tukuy chaykunata reqsichiwarqanchik, Espirituqa tukuy imatam yachan, reqsintaqmi Diospa sonqonpi pakasqa kaqkunatapas.

2~Corintios 12:4

Paraisoman apasqam karqa, chaypim runapa mana rimay atinan palabrakunata uyarimurqa.

1~Juan 2:13

Tayta-mamakuna, qamkunamanmi qellqamuykichik qallariyninmanta kaqta reqsisqaykichikrayku. Jovenkuna, qamkunamanmi qellqa-muykichik diablota vencerusqaykichi-krayku. Churillaykuna, qamkunamanmi qellqa-muykichik Dios Taytanchikta reqsisqay-kichikrayku.

Apocalipsis 13:9

Pipas uyarikuqqa uyarichunyá.

Apocalipsis 14:13

Hanaq pachamantam huk qayakuyta uyarirqani, chay qayakuymi nimuwarqa: “Kayta qellqay, mayna kusisqam kanqa kunanmanta ñawpaqman Diospi iñispa wañuqkunaqa”, nispa. Arí, Espiritupas nintaqmi: “Paykunaqa llamkasqankumantapas samanqakuñam, allinkuna ruwasqankum ichaqa paykunawan kuska kanqa”, nispa.

Apocalipsis 15:2

Rikurqanitaqmi ninawan chaqrusqa cristal kaqlla lamar qochatapas. Rikurqanitaqmi manchakuypaq animaltawan imagennintapas chaynataq marcantawan sutinpa numeron mana chaskispa venceqkunatapas, paykunaqa chay cristal kaqlla lamar qochapa patanpim Diospa qosqan arpantinkama sayachkasqaku.

Apocalipsis 2:11

Pipas uyarikuqqa, iglesiakunaman Espiritupa nisqantayá uyarichun. Haykam venceqkunaqa iskay kaq wañuypiqa manam wañunqachu, nispa.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.