Apocalipsis 2:23 - CHUYA QELLQA La Biblia en Quechua de Ayacucho 2012

²³ Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

Quechua Ayacucho Bible 1987

²³ Wawankutapas wañurachiptiymi llapallan huñunasqa iñiqkuna yachanqaku yuyayninkupas chaynataq sonqonkupas yachaq kasqayta, sapakamamanmi qosqaykichik rurasqaykichikman hina.

Chuya Qellqa 1992

²³ Wawankutapas wañurachiptiymi llapallan iglesiakuna yachanqaku yuyaymanayninkutapas chaynataq sonqonkutapas reqsiq kasqayta, sapakamamanmi ruwasqaykichikman hina qosqaykichik.

Apocalipsis 2:23 Iomraidhean Croise

1~Crónicas 17:18

¿Imatawanraqtaq nikiman kay serviqnikita hatunchasqaykimanta? Kay serviqnikitaqa qanmi reqsiwanki.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

2~Crónicas 6:30

hanaq pacha yachasqaykimanta uyariykamuspam, pampachaykuspayki imam ruwasqankuman hina qoykapunki, qamllam llapa runakunapa sonqontaqa reqsinki.

Jobwan Sutichasqa Libro 24:23

Diosqa hawkallata saqeykuspanpas imaynam kawsasqankutam qawachkan.

Jeremías 11:20

Tukuy Atiyniyuq Dios Taytalláy, qamqa mana pimanpas sayapakuq juezmi kanki, runapa yuyaymanayninkunatawan tukuy sonqontam reqsinki. Paykuna vengakusqaykita qawaykachiway, qanmanmi kay sasachakuyniyta willakamuyki.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 20:12

Tukuy Atiyniyuq Dios Taytalláy allin ruwaq runakunapa sonqontam reqsinki, runapa yuyaymanaynintam reqsinki, paykunamanta vengakusqaykita qawachiway, qanmanmi kay sasachakuyniykunata willakamuyki.

Sofonías 1:11

Mactes lawpi yachaqkuna allwaychik, llapa negociantekunatam puchukarachin, qollqewan llamkaqkunatam chinkarachin.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Juan 4:16

Hinaptinmi Jesusñataq nirqa: Rispayki qosaykita qayamuspa kuska hamuychik, nispa.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Romanos 14:12

Chaynaqa, sapakamam Diosnin-chikman cuentata qosunchik.

Romanos 8:27

Llapa runakunapa sonqon reqsiq Diosmi yachan Chuya Espiritupa imam nisqanta. Payqa Diospa munasqanman hinam llapallan iñiqkunapaq mañapun.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

Gálatas 6:5

Imaynam kawsasqanmantaqa sapakamam Diosman cuentata qonqa.

Deuteronomio 13:11

Chayta qawas-pankum Israelpa llapallan mirayninkuna manchakunqaku, amaña yapamanta huchallikunankupaq.

Deuteronomio 17:13

Chayta yachaspankum llapallan runakuna manchakunqaku, chaynapim manaña hatun tukunqakuñachu.

Deuteronomio 19:20

Chayta yachaspankum wakin runakunapas manchakunqaku, hinaspam manaña chay mana allinkunata ruwanqakuchu.

Deuteronomio 21:21

Chaymi llaqtanpi llapallan qarikuna rumiwan choqapaspa wañuchinqaku. Chaynata ruwaspaykichikmi mana allin ruwaqkunata qamkunamanta chinkachinkichik. Chayta yachaspankum Israelpa mirayninkuna manchakunqaku.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.

Apocalipsis 2:11

Pipas uyarikuqqa, iglesiakunaman Espiritupa nisqantayá uyarichun. Haykam venceqkunaqa iskay kaq wañuypiqa manam wañunqachu, nispa.

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.

Apocalipsis 20:13

Lamar qochapas chaypi kaq wañusqakunatam qomurqa, qomurqataqmi wañuypas chaynataq Hadespas chaypi wañusqakunata, chaymi sapakama juzgasqa karqaku imam ruwasqankuman hina.

Apocalipsis 22:12

¡Arí, chayllam hamusaq! Apamuch-kanim premiotapas, chaytaqa sapakamamanmi imam ruwasqankuman hina qosaq.

Apocalipsis 6:8

Hinaptinmi qawarispay qellu caballota rikururqani, sillakuqninpa sutinmi kasqa “Wañuy”, qepan qatiqñataqmi kasqa wañusqakunapa kasqanpi munaychakuq. Paymanmi atiyta qoykurqaku kay pachapi tawa kaq parten runakunata guerrawan, yarqaywan, onqoywan hinaspa kay pachapi purun animalkunawan wañuchinanpaq.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.